Divorce Settlement : రూ.5,500 కోట్ల భరణం.. ప్రపంచంలోనే అతిపెద్ద విడాకుల సెటిల్‌మెంట్ ఇదే..!
తన మాజీ భార్య, యువరాణి హయా బింట్ అల్-హుస్సేన్‌కు (728 మిలియన్‌ డాలర్లు) రూ. 5వేల 500 కోట్లు విడాకుల భరణంగా ఇ‍వ్వాల్సిందేనని యూకేలోని లండన్‌ హైకోర్టు ఆదేశించింది.
- Published By: 10TV Digital Team ,Published On : December 22, 2021 / 12:17 AM IST
Divorce Settlement
Divorce Settlement : దుబాయ్ పాలకుడు, ప్రధాని షేక్ మొహమ్మద్ బిన్ రషీద్ అల్-మక్తూమ్ (72)ను తన మాజీ భార్య, యువరాణి హయా బింట్ అల్-హుస్సేన్‌కు (728 మిలియన్‌ డాలర్లు) రూ. 5వేల 500 కోట్లు విడాకుల భరణంగా ఇ‍వ్వాల్సిందేనని యూకేలోని లండన్‌ హైకోర్టు ఆదేశించింది. ముందస్తుగా రూ. 2,516 కోట్లు చెల్లించాలంది.
మిగిలిన మొత్తాన్ని మూడు నెలల్లో సెటల్‌మెంట్‌ చేయాల్సిందిగా చెప్పింది. పైగా తదుపరి కోర్టు ఉత్తర్వులు వచ్చే వరకు ఇద్దరు పిల్లలకు వారి జీవితాంతం భద్రతా ఖర్చులను భరించాలని కూడా స్పష్టం చేసింది. కాగా, ప్రపంచంలో అతిపెద్ద విడాకుల సెటిల్ మెంట్గా ఇది నిలువనుంది. అల్-మక్తూమ్ మాజీ భార్య ప్రిన్స్‌ హయా బింట్ జోర్డాన్ మాజీ పాలకుడు కింగ్ హుస్సేన్ కుమార్తె, పైగా ప్రస్తుత పాలకుడు కింగ్ అబ్దుల్లా సోదరి.
Dangerous Apps : మొబైల్ యూజర్లకు హెచ్చరిక.. వెంటనే ఈ యాప్స్ డిలీట్ చేయండి
జూన్ 2019లో షేక్ అల్-మక్తూమ్ ఆరవ భార్య ప్రిన్సెస్ హయా బింట్ అల్ హుస్సేన్ తన పిల్లలతో సహా జర్మనీకి పారిపోయి విడాకులు కోరింది. ప్రిన్సెస్ హయా బింట్ జర్మనీ దేశాన్ని ఆశ్రయం కోరింది. ఆపై దుబాయ్ పాలకుడు అల్-మక్తూమ్ తన పిల్లల్లను ఇ‍వ్వమంటూ జర్మనీకి చేసిన అభ్యర్థనను తిరస్కరించారు. దీంతో దౌత్యపరమైన సమస్యలు తలెత్తాయి.
Whatsapp : వాట్సాప్‍‌లో ఇంట్రెస్టింగ్ ఫీచర్.. ఒక్కసారి మాత్రమే చూడొచ్చు..!
ఈ మేరకు ఆమె తన భద్రత, స్వేచ్ఛ కోసం యూకే కోర్టును ఆశ్రయించింది. ఈ క్రమంలో యూకే కోర్టు.. మాజీ భార్య భద్రతకు, వారి ఇద్దరూ పిల్లలు అల్ జలీలా బిన్త్ మహ్మద్ బిన్ రషీద్(14), షేక్ జాయెద్ బిన్ మొహమ్మద్ బిన్ రషీద్(9)ల భద్రతకు అయ్యే ఖర్చుని ఇవ్వాల్సిందేగా దుబాయ్ పాలకుడు అల్-మక్తూమ్‌ని ఆదేశించింది.
