world’s Biggest Fish: ప్రపంచంలోనే అతిపెద్ద చేప గుర్తింపు.. ఎన్ని కేజీలంటే..

world’s Biggest Fish: కంబోడియా మెకాంగ్ నదిలో ప్రపంచంలోనే అతిపెద్ద మంచినీటి చేపను పరిశోధకులు గుర్తించారు. ఈ చేప 13అడుగుల పొడవు, 300 కేజీల బరువు ఉంది. పదుల సంఖ్యలో జాలర్లు దీనిని ఒడ్డుకు చేర్చేందుకు తీవ్రంగా శ్రమించారు.

2005లో థాయ్ లాండ్ లో 293 కేజీల బరువు ఉన్న ఓ క్యాష్ పిష్ ను పరిశోధకులు గుర్తించారు. తాజాగా దీని బరువు 300 కేజీలు ఉండటంతో నేషనల్ జియోగ్రాఫిక్ ఛానెల్ లో మాంస్టర్ ఫిష్ షో నిర్వాహకుడు జెబ్ హోగన్ దీనిని అధికారికంగా ప్రపంచంలోనే అతిపెద్ద మంచినీటి చేపగా గుర్తించారు.

చేపలకు ఆవాసం మెకాంగ్ నది. ప్రపంచంలోనే ఎక్కువగా చేపలు ఉండే మూడో నది మెకాంగ్. ఇక్కడ లభించిన భారీ చేప.. ఖేమర్ భాషలో క్రిస్టెన్డ్ బోరామీ( పూర్తి చంద్రుడు) చేపను పోలి ఉందని పరిశోధనకులు తెలిపారు. అయితే చేపను తిరిగి నీళ్లలోకి వదిలేశారు. జాలర్లను ఒప్పించి ఎలక్ట్రానిక్ ట్యాగ్ తో నీళ్లలోకి వదిలారు. ఇక నుంచి దాని కదలికలను పరిశోధకులు పరిశీలించనున్నారు. ఇదిలాఉంటే మెకాంగ్ నదిలో మితిమీరి చేపలు పట్టడం, కాలుష్యం వల్ల చేపల సంఖ్య తగ్గుముఖం పడుతూ వస్తోంది.