World Largest Radio Telescope : ఆస్ట్రేలియాలో ప్రపంచంలోనే అతిపెద్ద రేడియో టెలిస్కోప్ నిర్మాణం..
ఆస్ట్రేలియాలో ప్రపంచంలోనే అతిపెద్ద రేడియో టెలిస్కోప్ నిర్మాణం చేపట్టారు. ది స్క్వేర్‌ కిలోమీటర్‌ అరే (SKA) పేరిట ప్రపంచంలోనే అతిపెద్ద రేడియో టెలిస్కోప్ నిర్మాణం ఆస్ట్రేలియాలో మొదలైంది.
- Published By: 10TV Digital Team ,Published On : December 6, 2022 / 03:40 PM IST
World Largest Radio Telescope
World Largest Radio Telescope : ఆస్ట్రేలియాలో ప్రపంచంలోనే అతిపెద్ద రేడియో టెలిస్కోప్ నిర్మాణం చేపట్టారు. ది స్క్వేర్‌ కిలోమీటర్‌ అరే (SKA) పేరిట ప్రపంచంలోనే అతిపెద్ద రేడియో టెలిస్కోప్ నిర్మాణం ఆస్ట్రేలియాలో మొదలైంది.పశ్చిమ ఆస్ట్రేలియన్ అవుట్‌బ్యాక్‌లోని మారుమూల మూలలో ఈ నిర్మాణం జరుగుతోంది. ఈ భారీ టెలిస్కోప్ 21వ శతాబ్దపు అతిపెద్ద సైన్స్‌ ప్రాజెక్టుల్లో ఒకటి అని చెబుతున్నారు. దీనికి లక్షకు పైగా యాంటెన్నాలను నిర్మించనున్నారు. ఈ టెలిస్కోప్ ఎంత శక్తివంతంగా తయారు కానుందంటే..మార్స్‌పై వ్యోమగామి జేబులో మొబైల్ ఫోన్‌ను గుర్తించగలదట..! ఈ SKAకు ఆస్ట్రేలియా, దక్షిణాఫ్రికా, కెనడా మరియు బ్రిటన్ తో పాటు 16 పైగా దేశాలు ఈ ప్రాజెక్టుకు నిధులు అందిస్తున్నాయి.
2028 నాటికి ఈ టెలిస్కోప్ ను అందుబాటులోకి తీసుకురావాలని లక్ష్యంగా పెట్టుకొన్నారు. దీని నిర్మాణం దక్షిణాఫ్రికా, ఆస్ట్రేలియాల్లో చేపట్టారు. ప్రధాన కార్యాలయం మాత్రం బ్రిటన్‌లో ఉంటుంది. ఖగోళంలో అంతుచిక్కని అనేక అంశాల గురించి తెలుసుకోవడానికి దీనిని వినియోగించనున్నారు. ఐన్‌స్టీన్‌ సిద్ధాంతాలను ఇది పరీక్షించనున్న ఈ టెలిస్కోప్ భూమిని పోలిన గ్రహాల కోసం అన్వేషించనుంది.
ఈ ప్రాజెక్టులో భాగంగా ఆస్ట్రేలియాలోని మార్చిసన్‌ ప్రాంతంలో 74 చదరపు కిలోమీటర్ల విస్తీర్ణంలో దాదాపు 1,30,000 పైగా యాంటెన్నాలను నిర్మించనున్నారు. ఇవి క్రిస్మస్‌ ట్రీలను పోలి ఉంటాయి. దక్షిణాఫ్రికాలో 197 భారీ డిష్‌లను ఏర్పాటు చేయనున్నారు. వీటి మొత్తాన్ని కలిపితే ఇది ప్రపంచంలోనే అతిపెద్ద రేడియో టెలిస్కోపు ప్రాజెక్టుగా నిలుస్తుంది. ఇందులో ఆస్ట్రేలియా, దక్షిణాఫ్రికా, కెనడా మరియు బ్రిటన్ తో సహా 16 దేశాలకు భాగస్వామ్యం ఉంది.
ప్రపంచవ్యాప్తంగా చాలా రేడియో, ఆప్టికల్‌ టెలిస్కోప్‌లు ఉన్నా.. SKAతో వాటిని పోల్చలేమని కర్టిన్ విశ్వవిద్యాలయంలోని కర్టిన్ ఇన్స్టిట్యూట్ ఆఫ్ రేడియో ఆస్ట్రానమీలో సీనియర్ రీసెర్చ్ సభ్యులు ‘డానీ ప్రైస్’ మాట్లాడుతూ..ఈ టెలిస్కోప్ నిర్మాణానికి సంబంధించిన ఆలోచన 1990లోవచ్చిందని..2003లో ఈ ప్రాజెక్టుపై పనిచేయడం మొదలుపెట్టామని వివరించారు. విశ్వం ఆవిర్భావానికి కారణమైన ‘బిగ్‌ బ్యాంగ్‌’ అనంతరం తొలినాళ్లలో నెలకొన్న పరిస్థితుల గురించి తెలుసుకోవడానికి ఈ భారీ టెలిస్కోప్ అవసరమన్నారు. ఇది మానవత్వం ఇప్పటివరకు నిర్మించిన అత్యంత సున్నితమైన సాధనాల్లో ఒకటి అని తెలిపిన ప్రైస్ SKA మార్స్‌పై వ్యోమగామి జేబులో మొబైల్ ఫోన్‌ను గుర్తించగలదని వివరించారు.
