Minister Perni Nani: ఎన్టీఆర్ సినిమా గురించి ఏనాడైనా ట్వీట్ చేశారా.. లోకేష్‌కు నాని కౌంటర్!

ఏపీలో సినిమా టికెట్ల ధర ముగిసినట్లే ముగిసి మళ్ళీ మొదటికి వచ్చినట్లుగా కనిపిస్తుంది. మెగా భేటీ అనంతరం ఏపీలో టికెట్ ధరల అంశం కొలిక్కి వచ్చినట్లే అనుకున్నారు. త్వరలోనే కొత్త టికెట్..

Minister Perni Nani: ఏపీలో సినిమా టికెట్ల ధర ముగిసినట్లే ముగిసి మళ్ళీ మొదటికి వచ్చినట్లుగా కనిపిస్తుంది. మెగా భేటీ అనంతరం ఏపీలో టికెట్ ధరల అంశం కొలిక్కి వచ్చినట్లే అనుకున్నారు. త్వరలోనే కొత్త టికెట్ ధరలు వస్తాయని.. మిగతా సినిమా సమస్యలకు కూడా పరిష్కారం దొరుకుతుందని ఇరు వర్గాలు చెప్పుకొచ్చాయి. కానీ.. తాజాగా పవన్ కళ్యాణ్ భీమ్లా నాయక్ సినిమా విడుదల నేపథ్యంలో దాదాపుగా ఏపీ రాష్ట్రమంతా మళ్ళీ అదే సమస్యలు కనిపించాయి. పలు చోట్ల థియేటర్లు మూతపడడంతో పవన్ ఫ్యాన్స్ పలు చోట్ల రాస్తారోకోలు కూడా చేశారు.

Minister Perni Nani: బాలకృష్ణ నాతో మాట్లాడారు.. సీఎం జగన్ అపాయింట్మెంట్ కోరారు!

ఒకవిధంగా థియేటర్ల సమస్య.. టికెట్ ధరల తగ్గింపు.. ఎప్పుడో రాజకీయ మార్పు తీసుకున్న సంగతి తెలిసిందే. కాగా.. ఇప్పుడు భీమ్లా నాయక్ సినిమా విడుదల నేపథ్యంలో ఇది అదే రాజకీయ సమస్యగా కొనసాగింది. పవన్ స్వతహాగా ఓ పార్టీ అధ్యక్షుడు కాగా.. ప్రతిపక్ష పార్టీ నుండి మాజీ సీఎం చంద్రబాబు, మాజీ మంత్రి లోకేష్ ఈ సమస్యపై స్పందిస్తూ ప్రభుత్వంపై విమర్శలు చేశారు. దీనికి మంత్రి పేర్ని నానీ కౌంటర్ వ్యాఖ్యలు చేశారు. ఈ విమర్శలకు స్పందించిన మంత్రి పేర్ని నానీ.. చంద్రబాబు లోకేష్ లకు కౌంటర్ వ్యాఖ్యలు చేశారు.

Bheemla Nayak: వ్యవస్థలకు అనుగుణంగా నడుచుకోవాలన్న మంత్రి..!

పవన్ కళ్యాణ్ సినిమాను ఎప్పుడెప్పుడు చూడాలని ఉందన్న చంద్రబాబు, లోకేష్ లకు పవన్ సినిమాపై ఉన్న ప్రేమ జూ.ఎన్టీఆర్ సినిమాపై ఎందుకు లేదని ప్రశ్నించారు. ఒళ్ళు హూనం చేసుకొని మీ జెండా మోస్తున్న హీరో, ఆయన అభిమానుల సినిమాను చూడమని ఎందుకు మీరు చెప్పలేదని నానీ మండిపడ్డారు. ఇండస్ట్రీ అంటే పవన్ కళ్యాణ్ ఒక్కడేకాదని.. సినిమా బాగుంటే అందరి సినిమాలు చూస్తారని ఆయన అన్నారు. జూ.ఎన్టీఆర్ సినిమా చూడాలని ఉందని ఎందుకు అనలేదని.. మీ ఎంపీ బావమరిది మహేష్, జూఎన్టీఆర్, ప్రభాస్ సినిమాలు చూడండని ఎప్పుడైనా లోకేష్ ట్విట్ చేశారా అని మంత్రి ప్రశ్నించారు.