F3: ఎఫ్3 సెన్సార్ రిపోర్ట్.. సమ్మర్‌లో చిల్ కావడం ఖాయం!

టాలీవుడ్ కామెడీ ఎంటర్‌టైనర్ మూవీగా వస్తున్న ఎఫ్3 సినిమా కోసం ప్రేక్షకులు ఏ రేంజ్‌లో వెయిట్ చేస్తున్నారో ప్రత్యేకించి చెప్పక్కర్లేదు. గతంలో వచ్చిన ఎఫ్2 చిత్రానికి సీక్వెల్‌గా....

F3: ఎఫ్3 సెన్సార్ రిపోర్ట్.. సమ్మర్‌లో చిల్ కావడం ఖాయం!

F3 Movie Completes Censor Formalities

F3: టాలీవుడ్ కామెడీ ఎంటర్‌టైనర్ మూవీగా వస్తున్న ఎఫ్3 సినిమా కోసం ప్రేక్షకులు ఏ రేంజ్‌లో వెయిట్ చేస్తున్నారో ప్రత్యేకించి చెప్పక్కర్లేదు. గతంలో వచ్చిన ఎఫ్2 చిత్రానికి సీక్వెల్‌గా ఈ సినిమా వస్తుండటంతో ఈ సినిమాను ఎప్పుడెప్పుడు చూద్దామా అని ప్రేక్షకులు ఎంతో ఆసక్తిగా ఎదురుచూస్తున్నారు. ఇప్పటికే షూటింగ్ పనుల, పోస్ట్ ప్రొడక్షన్ పనులు కూడా పూర్తి చేసుకున్న ఎఫ్3 మూవీ తాజాగా సెన్సార్ పనులు కూడా కంప్లీట్ చేసుకుని థియేటర్లలో రిలీజ్‌కు రెడీ అయ్యింది.

F3: ట్రిపుల్ ఫన్ మాత్రమే కాదు.. ట్రిపుల్ రెమ్యునరేషన్ కూడా!

ఇక ఎఫ్3 చిత్రానికి సెన్సార్ బోర్డు క్లీన్ ‘యూ’ సర్టిఫికెట్ జారీ చేయడంతో ఈ సినిమాపై ఇండస్ట్రీ వర్గాల్లో అంచనాలు అమాంతం పెరిగిపోయాయి. పూర్తి కామెడీ ఎంటర్‌టైనర్ మూవీగా ఎఫ్3 వస్తుండటంతో ఈ సినిమా ప్రేక్షకులను ఏ రేంజ్‌లో అలరించనుందా అనే ఆసక్తి సినీ వర్గాల్లో నెలకొంది. అయితే ఈ సినిమాను చూసిన సెన్సార్ బోర్డు సభ్యులు, ఇటీవల కాలంలో ఈ రేంజ్ కామెడీ జోనర్ మూవీ రాలేదని.. ఇది ఖచ్చితంగా ప్రేక్షకులను అలరించడం ఖాయమని వారు చిత్ర యూనిట్‌ను అభినందించినట్లుగా చిత్ర యూనిట్ చెబుతోంది.

F3: ఎఫ్3 రన్‌టైమ్.. రెండున్నర గంటలు నవ్వులే నవ్వులు!

సెన్సార్ బోర్డు ఇచ్చిన ఫీడ్‌బ్యాక్‌‌తో చిత్ర యూనిట్ సంతోషం వ్యక్తం చేస్తోంది. ఇక ఈ సినిమా ఖచ్చితంగా ఈ వేసవిలో ఆడియెన్స్‌ను చిల్ చేయడం ఖాయమని వారు ధీమా వ్యక్తం చేస్తున్నారు. ఎఫ్2 చిత్రంలో నటించిన మెజారిటీ యాక్టర్స్ ఈ సినిమాలోనూ నటిస్తున్నారు. విక్టరీ వెంకటేష్, వరుణ్ తేజ్, తమన్నా, మెహ్రీన్ పీర్జాదా ఈ సినిమాలో లీడ్ రోల్స్‌లో నటిస్తుండగా, సొనాల్ చౌహాన్, సునీల్ ఇతర ముఖ్య పాత్రల్లో నటిస్తున్నారు. దర్శకుడు అనిల్ రావిపూడి తెరకెక్కిస్తున్న ఈ ఔట్ అండ్ ఔట్ కామెడీ ఎంటర్‌టైనర్ మూవీని స్టార్ ప్రొడ్యూసర్ దిల్ రాజు ప్రొడ్యూస్ చేస్తున్నారు. మే 27న ఈ సినిమాను ప్రపంచవ్యాప్తంగా అత్యంత భారీ స్థాయిలో రిలీజ్ చేసేందుకు చిత్ర యూనిట్ రెడీ అవుతోంది.