Moto E13 First Sale : మోటోరోలా చీపెస్ట్ ఫోన్ మోటో E13 ఫస్ట్ సేల్ మొదలైందోచ్.. ఫీచర్లు అదుర్స్.. ధర ఎంతో తెలిస్తే ఇప్పుడే కొనేస్తారు!
Moto E13 First Sale : ప్రముఖ స్మార్ట్‌ఫోన్ దిగ్గజం మోటోరోలా (Motorola) చాలా కాలం తర్వాత భారత మార్కెట్లో బడ్జెట్ ఫోన్‌ను రిలీజ్ చేసింది. ఫ్లాగ్‌షిప్‌లు, మిడ్-రేంజర్ల తర్వాత మోటరోలా ఎంట్రీ లెవల్ ఫోన్ Moto E13ని లాంచ్ చేసింది. Motorola Moto E13లో అవసరమైన అన్ని ఫీచర్లను అందించింది.
- Published By: 10TV Digital Team ,Published On : February 15, 2023 / 03:02 PM IST
Motorola’s cheapest phone Moto E13 first sale in India today_ price, specifications and more
Moto E13 First Sale : ప్రముఖ స్మార్ట్‌ఫోన్ దిగ్గజం మోటోరోలా (Motorola) చాలా కాలం తర్వాత భారత మార్కెట్లో బడ్జెట్ ఫోన్‌ను రిలీజ్ చేసింది. ఫ్లాగ్‌షిప్‌లు, మిడ్-రేంజర్ల తర్వాత మోటరోలా ఎంట్రీ లెవల్ ఫోన్ Moto E13ని లాంచ్ చేసింది. Motorola Moto E13లో అవసరమైన అన్ని ఫీచర్లను అందించింది. ఈ స్మార్ట్‌ఫోన్ 6.5-అంగుళాల డిస్‌ప్లే, పెద్ద 5000mAh బ్యాటరీ, మంచి కెమెరాలతో వస్తుంది.
Moto E13 ఈరోజు నుంచి భారత మార్కెట్లో కొనుగోలుకు అందుబాటులో ఉంటుంది. Moto E13, కాస్మిక్ బ్లాక్, అరోరా గ్రీన్, క్రీమీ వైట్‌లతో సహా మూడు కలర్ ఆప్షన్లలో లభ్యమవుతుంది. ఈ స్మార్ట్‌ఫోన్ ఫిబ్రవరి 15, 2023, మధ్యాహ్నం 12 గంటల నుంచి ఈ-కామర్స్ దిగ్గజం ఫ్లిప్‌కార్ట్‌ (Flipkart Sale)లో ఫస్ట్ సేల్ ప్రారంభమైంది.
Moto E13 స్పెషిఫికేషన్లు :
మోటో e13 ఎంట్రీ లెవల్ ఫోన్ 6.5-అంగుళాల IPS LCD డిస్‌ప్లేను కలిగి ఉంది. ఈ ఫోన్ ఆండ్రాయిడ్ లేటెస్ట్ వెర్షన్‌తో వచ్చింది. ఆండ్రాయిడ్ 13 (గో ఎడిషన్)లో కూడా రన్ అవుతుంది. Moto E13 డాల్బీ అట్మోస్ ఆడియోతో మల్టీడైమెన్షనల్ ఆడియో-విజువల్ ఎక్స్ పీరియన్స్ అందిస్తుంది. డ్యూయల్-బ్యాండ్ Wi-Fi కనెక్టివిటీని (5GHz, 2.4GHz రెండూ) కలిగి ఉంది. స్టేబుల్ ఇంటర్నెట్ కనెక్షన్ అందిస్తుంది.
Motorola’s cheapest phone Moto E13 first sale in India today
USB టైప్-C 2.0 కనెక్టర్, బ్లూటూత్ 5.0 వైర్‌లెస్ టెక్నాలజీని కూడా కలిగి ఉంది. కెమెరా విషయానికొస్తే.. Moto E13 వెనుకవైపు 13MP AI- పవర్డ్ కెమెరా సిస్టమ్, 5MP ఫ్రంట్ కెమెరాను కలిగి ఉంది. ఆటో స్మైల్ క్యాప్చర్, ఫేస్ బ్యూటీ, పోర్ట్రెయిట్ మోడ్ వంటి ఫీచర్లు ఉన్నాయి. ఈ ఫోన్ నిజంగా తేలికగా చాలా సన్నగా ఉంటుంది. మీరు ఈ డివైజ్ సులభంగా మీ జేబులో పెట్టుకోవచ్చు.
8.47mm సన్నగా ఉంటుంది. కేవలం 179.5g బరువు ఉంటుంది. 3 అందమైన కలర్లలో యాక్రిలిక్ గ్లాస్ బ్యాక్ ఫినిషింగ్‌ను కలిగి ఉంది. IP52-రేటెడ్ వాటర్ రిపెల్లెంట్ డిజైన్‌ను కలిగి ఉంది. Moto e13 Unisoc T606 ఆక్టా-కోర్ ప్రాసెసర్‌తో ఆధారితమైనది. 2GB RAM, 32GB స్టోరేజీతో వస్తుంది. మైక్రో SD కార్డ్‌తో 1TB వరకు విస్తరించవచ్చు.10W ఛార్జింగ్‌తో 5,000mAh బ్యాటరీని కలిగి ఉంది. 10W ఛార్జర్, బాక్స్‌లో ప్రొటెక్టివ్ కేస్‌తో కూడా వస్తుంది. మెరుగైన వేగవంతమైన కనెక్టివిటీతో డేటా స్పీడ్ 2×2 MIMOని కలిగి ఉంది.
ఈ స్మార్ట్‌ఫోన్‌ను కాస్మిక్ బ్లాక్, అరోరా గ్రీన్, క్రీమీ వైట్ కలర్ ఆప్షన్లలో కొనుగోలు చేయవచ్చు. లాంచ్ ఆఫర్లలో భాగంగా కంపెనీ జియో యూజర్లకు రూ.700 క్యాష్‌బ్యాక్ అందిస్తోంది. దీంతో పాటు, రిలయన్స్ జియో వినియోగదారులు స్మార్ట్‌ఫోన్ కొనుగోలుపై రూ. 2,500 విలువైన స్పెషల్ బెనిఫిట్స్ కూడా పొందవచ్చు. 2GB+64GB, 4GB+64GB రెండు వేరియంట్‌లలో ధర వరుసగా రూ.6,999, రూ.7,999లకు అందుబాటులో ఉంది.
