Narappa : ఓ ‘నారప్ప’.. నిను చూడంగానే విప్పారిందోయ్ ‘నారెప్ప’..

‘ఓ.. నారప్ప.. నువ్వంటే ఎంతో ఇట్టంగుందోయ్ నారప్ప.. నిను సూడంగానే విప్పారిందోయ్ నారెప్ప’.. ’ అంటూ సాగే బ్యూటిఫుల్ సాంగ్ రిలీజ్ చేశారు మేకర్స్..

Narappa : ఓ ‘నారప్ప’.. నిను చూడంగానే విప్పారిందోయ్ ‘నారెప్ప’..

Narappa

Narappa: మహిళా ప్రేక్షకుల్లో విక్టరీ వెంకటేష్‌కి తిరుగులేని క్రేజ్ ఉంది. ‘ద‌ృశ్యం’, ‘వెంకీమామ’ తర్వాత వెంకీ నటిస్తున్న ఫ్యామిలీ అండ్ ఎమోషనల్ డ్రామా ‘నారప్ప’.. మనసుకు హత్తుకునే ఆహ్లాదకరమైన చిత్రాలు తీసిన శ్రీకాంత్ అడ్డాల దర్శకత్వంలో రూపొందుతోన్న ఈ మూవీ, ధనుష్ నటించిన తమిళ్ సూపర్ హిట్ ‘అసురన్’ కి తెలుగు రీమేక్. సురేష్ బాబు, కలైపులి ఎస్. థాను నిర్మిస్తున్నారు.

విభిన్న తరహా పాత్రలు చేయడంలో మొదటినుండీ ముందుండే జాతీయ ఉత్తమ నటి ప్రియమణి ఈ మూవీలో ‘నార‌ప్ప’ భార్య ‘సుందరమ్మ’ గా గుర్తుండిపోయే క్యారెక్టర్ చేస్తున్నారు. ఇప్ప‌టికే విడుద‌లైన ఫ‌స్ట్‌ గ్లింప్స్, పోస్టర్స్‌తో పాటు, టీజర్, ట్రైలర్ అండ్ ‘చిన్నమ్మి’ సాంగ్ అదిరిపోయే రెస్పాన్స్ తెచ్చుకున్నాయి.

శుక్రవారం ‘ఓ.. నారప్ప.. నువ్వంటే ఎంతో ఇట్టంగుందోయ్ నారప్ప.. నిను సూడంగానే విప్పారిందోయ్ నారెప్ప’.. ’ అంటూ సాగే బ్యూటిఫుల్ సాంగ్ రిలీజ్ చేశారు. మెలోడిబ్రహ్మ మణిశర్మ ట్యూన్‌కి అనంత శ్రీరామ్ అద్భుతమైన లిరిక్స్ రాయగా.. ధనుంజయ్, వరం చాలా చక్కగా పాడారు. తెలుగు సంగీత ప్రియులను ఈ పాట బాగా ఆకట్టుకుంటోంది. వెంకీ రెండు డిఫరెంట్ క్యారెక్టర్లలో కనిపించనున్న ‘నారప్ప’ జూలై 20న అమెజాన్ ప్రైమ్‌లో స్ట్రీమింగ్ కానుంది.