The Union Cabinet: ఎరువులపై సబ్సిడీ కొనసాగిస్తూ కేబినెట్ నిర్ణయం

రాబోయే ఖరీఫ్ సీజన్‌ కోసం ఫాస్ఫేట్, పొటాష్ ఎరువులపై సబ్సిడీని కొనసాగించాలని కేంద్ర కేబినెట్ నిర్ణయించింది. గత ఏడాదితో పోలిస్తే 50 శాతం సబ్సిడీని పెంచారు.

The Union Cabinet: రాబోయే ఖరీఫ్ సీజన్‌ కోసం ఫాస్ఫేట్, పొటాష్ ఎరువులపై సబ్సిడీని కొనసాగించాలని కేంద్ర కేబినెట్ నిర్ణయించింది. గత ఏడాదితో పోలిస్తే 50 శాతం సబ్సిడీని పెంచారు. దేశీయంగా ఉత్పత్తి చేసే ఎరువులు, డీఏపీకి కూడా సబ్సిడీని వర్తింప జేస్తారు. ఈ సబ్సిడీ మొత్తం విలువ రూ.60,939.26 కోట్లుగా ఉంటుందని అంచనా. బుధవారం ఢిల్లీలో సమావేశమైన కేంద్ర కేబినెట్ పలు ఎరువుల సబ్సిడీతోపాటు పలు అంశాలపై కీలక నిర్ణయాలు తీసుకుంది. మావోయిస్టు ప్రభావిత ప్రాంతాల్లో ఇంటర్నెట్ సేవల వేగం పెంచాలని నిర్ణయించింది.

Central Government : జమ్మూకాశ్మీర్ లో ఆర్టికల్ 370 రద్దు తరువాత ఆస్తులు కొన్న బయటి వ్యక్తులు ఎందరంటే?

దీనికోసం 2జీ సర్వీసులను 4జీకి అప్‌గ్రేడ్ చేయబోతుంది. దీనికోసం రూ.2,426.39 కోట్లు కేటాయించిందివ. దీనిలో భాగంగా మావోయిస్టు ప్రభావిత ప్రాంతాల్లోని 2,343 బీఎస్ఎన్ఎల్ సెల్ టవర్లను 4జీకి అప్‌గ్రేడ్ చేస్తారు. జమ్ము-కాశ్మీర్‌లో చేపట్టనున్న 504 మెగావాట్ల సామర్ధ్యం కలిగిన క్వార్ హైడ్రో ఎలక్ట్రిక్ పవర్ ప్రాజెక్టు కోసం 4,526.12 కోట్లు కేటాయించింది. ఈ ప్రాజెక్టు 54 నెలల్లో పూర్తవుతుంది. దీనివల్ల ప్రత్యక్షంగా, పరోక్షంగా 2,700 మందికి ఉపాధి దొరుకుతుంది. ఇండియన్ పోస్ట్ పేమెంట్స్ బ్యాంక్ కోసం 820 కోట్లను కూడా కేటాయించింది.