Unstoppable episode 5 : సంక్రాంతికి చిరంజీవికి ఎన్ని థియేటర్లు ఇస్తున్నారు.. నాకు ఎన్ని ఇస్తున్నారు.. బాలయ్య!

అన్‌స్టాపబుల్ రెండో సీజన్ ఎపిసోడ్-5 ప్రోమోని విడుదల చేశారు షో నిర్వాహుకులు. ఈ ప్రోమోలో బాలకృష్ణ.. సంక్రాంతికి నాకు థియేటర్లు ఇచ్చే ప్రరిస్థితి ఉందా అంటూ అల్లు అరవింద్, సురేష్ బాబులను నిలదీసాడు.

Unstoppable episode 5 : సంక్రాంతికి చిరంజీవికి ఎన్ని థియేటర్లు ఇస్తున్నారు.. నాకు ఎన్ని ఇస్తున్నారు.. బాలయ్య!

తెలుగు ఓటిటి ప్లాట్‌ఫార్మ్‌ ఆహా.. ‘అన్‌స్టాపబుల్ విత్ NBK’ టాక్ షోతో రెండు తెలుగురాష్ట్రాలను ఒక ఊపు ఊపేస్తోంది. నిక్కర్చిగా మాట్లాడే బాలకృష్ణని ఈ షోకి వ్యాఖ్యాతగా పెట్టి.. చంద్రబాబు, మోహన్ బాబు, మహేష్ బాబు వంటి ఎంతోమంది సినీరాజకీయ నాయకుల జీవితాల్లో దాగున్న పలు కీలక విషయాలను అభిమానులకు తెలిసేలా చేస్తుండడంతో, అన్‌స్టాపబుల్‌ షో అన్‌స్టాపబుల్‌గా దూసుకుపోతుంది.

Unstoppable episode 5 : చిరు, బాలయ్యల మల్టీస్టారర్.. అన్‌స్టాపబుల్‌లో అల్లు అరవింద్ కామెంట్స్..

తాజాగా రెండో సీజన్ ఎపిసోడ్-5 ప్రోమోని విడుదల చేశారు నిర్వాహుకులు. ఈ ఎపిసోడ్ కి టాలీవుడ్ స్టార్ ప్రొడ్యూసర్స్ అల్లు అరవింద్, సురేష్ బాబులతో పాటు ఒకప్పటి స్టార్ డైరెక్టర్ కే రాఘవేంద్రరావు హాజరయ్యారు. కాగా ఈసారి సంక్రాంతికి బాలకృష్ణ – వీరసింహరెడ్డి, చిరు – వాల్తేరు వీరయ్య సినిమాలో వస్తున్న సంగతి తెలిసిందే. ఇక కొందరు నిర్మాతలు కొన్ని థియేటర్లను వారి అధీనంలో ఉంచుకోవడంతో, కొన్నిరోజులుగా థియేటర్ల కేటాయింపు గురించి టాలీవుడ్ లో చర్చలు జరుగుతున్నాయి.

దీంతో బాలకృష్ణ.. ఈ ఇద్దరి ప్రొడ్యూసర్ లను ఈ షోలో థియేటర్లు విషయం గురించి నిలదీసి అడిగాడు. “ఈసారి సంక్రాంతికి నాకు ఎన్ని థియేటర్లు ఇస్తున్నారు చెప్పండి” అంటూ అల్లు అరవింద్, సురేష్ బాబు లను అడిగాడు. మరి ఈ ప్రశ్నకు ఈ నిర్మాతలు ఏమి బదులిస్తారో తెలియాలంటే, ఎపిసోడ్ విడుదలయిన తరువాత చూసి తెలుసుకోవాలాల్సిందే.