Jailer : చిత్ర యూనిట్కి బంగారు కానుకలు అందజేసిన జైలర్ నిర్మాతలు..
జైలర్ సక్సెస్ తో ఫుల్ ఖుషీలో ఉన్న నిర్మాత కళానిధి మారన్.. హీరో నుంచి సెట్ వర్కర్ వరకు గిఫ్ట్స్ ఇచ్చుకుంటూ వెళ్తున్నాడు.
![Jailer : చిత్ర యూనిట్కి బంగారు కానుకలు అందజేసిన జైలర్ నిర్మాతలు.. Jailer : చిత్ర యూనిట్కి బంగారు కానుకలు అందజేసిన జైలర్ నిర్మాతలు..](https://10tv.in/wp-content/uploads/2023/09/Jailer-producer-Kalanithi-Maran-gift-gold-coin-to-whole-movie-unit.jpg)
Jailer producer Kalanithi Maran gift gold coin to whole movie unit
Jailer : ‘జైలర్’ సినిమాతో సూపర్ స్టార్ రజినీకాంత్ (Rajinikanth) ఈ ఏడాది భారీ కమ్బ్యాక్ ఇచ్చాడు. నెల్సన్ దిలీప్ కుమార్ ఈ సినిమాకి దర్శకత్వం వహించాడు. రమ్యకృష్ణ, తమన్నా (Tamannaah), కన్నడ స్టార్ హీరో శివరాజ్ కుమార్ (Shiva Rajkumar), మలయాళ సూపర్ స్టార్ మోహన్ లాల్ (Mohanlal), జాకీ ష్రాఫ్ ఈ సినిమాలో కీలక పాత్రలు చేశారు. సన్ పిక్చర్స్ బ్యానర్ లో కళానిధి మారన్ ఈ చిత్రాన్ని 200 కోట్ల బడ్జెట్ తో నిర్మిస్తే.. బాక్స్ ఆఫీస్ వద్ద 600 కోట్లకు పైగా కలెక్షన్స్ ని అందుకొని బిగ్గెస్ట్ బ్లాక్ బస్టర్ గా నిలిచింది.
Ram Charan : రామ్ చరణ్, ఉపాసన ఫారిన్ వెళ్ళింది అందుకేనట..
ఇక ఈ మూవీ సూపర్ హిట్ అవ్వడంతో నిర్మాత కళానిధి మారన్.. రజినీకాంత్కి, దర్శకుడు నెల్సన్కి, అనిరుద్కి లాభాల్లో వచ్చిన కొంత డబ్బుతో పాటు బ్రాండ్ కార్లను కూడా బహుమతిగా అందజేశాడు. అయితే అక్కడితోనే ఆగిపోలేదు. ఈ సినిమా కోసం పని చేసిన యూనిట్ కి కూడా కానుకలు అందజేశాడు. దాదాపు 300కు పైగా వర్కర్స్ కి గోల్డ్ కాయిన్స్ ని బహుమతిగా అందజేశాడు. ఇందుకు సంబంధించిన వీడియోని సన్ పిక్చర్స్ తమ సోషల్ మీడియాలో షేర్ చేయగా.. ప్రస్తుతం నెట్టింట వైరల్ అవుతుంది.
Shah Rukh Khan : హ్యాట్రిక్ కోసం మరో మూవీని రిలీజ్కి సిద్ధం చేస్తున్న షారుఖ్..
Mr.Kalanithi Maran felicitated more than 300 people who worked for #Jailer with gold coins today. #JailerSuccessCelebrations pic.twitter.com/qEdV8oo6dB
— Sun Pictures (@sunpictures) September 10, 2023
ఈ పోస్టు చూసిన నెటిజెన్స్.. “హీరో నుంచి సెట్ వర్కర్ వరకు ఇలా బహుమతులు ఇస్తున్నారంటే, నిర్మాతకు ఎంత లాభం వచ్చి ఉండి ఉంటుంది” అంటూ కామెంట్స్ చేస్తున్నారు. కాగా ఈ మూవీ ఇటీవలే ఓటీటీలోకి కూడా వచ్చేసింది. అక్కడ కూడా అత్యధిక వ్యూస్ తో ముందుకు దూసుకుపోతుంది. ఇక ఈ మూవీ బ్లాక్ బస్టర్ అవ్వడంతో.. దీనికి సీక్వెల్ తీసుకు వస్తాను అంటూ కూడా దర్శకుడు అనౌన్స్ చేసేశాడు. మరి ఆ సీక్వెల్ ఎప్పుడు పట్టాలు ఎక్కుతుందో చూడాలి.