Hesham Abdul Wahab : ‘ఖుషి’ మ్యూజిక్ డైరెక్టర్ హేషమ్ అబ్దుల్ వాహబ్.. ఎక్స్‌క్లూజివ్ ఇంటర్వ్యూ.. ఖుషి సినిమా గురించి..
‘ఖుషి’ సినిమాకు మ్యూజిక్ చేసిన ఎక్సీపిరియన్స్ ని మీడియాతో పంచుకున్నారు మ్యూజిక్ డైరెక్టర్ హేషమ్ అబ్దుల్ వాహబ్.
- Published By: 10TV Digital Team ,Published On : August 28, 2023 / 09:06 AM IST
Kushi Music Director Hesham Abdul Wahab Exclusive Interview about Kushi Movie
Hesham Abdul Wahab : విజయ్ దేవరకొండ (Vijay Deverakonda), సమంత (Samantha) జంటగా శివ నిర్వాణ(Shiva Nirvana) దర్శకత్వంలో లవ్ రొమాంటిక్ ఎంటర్టైనర్ గా తెరకెక్కుతున్న సినిమా ఖుషి(Kushi). ఈ సినిమా సెప్టెంబర్ 1న విడుదల కానుంది. ప్రస్తుతం చిత్రయూనిట్ ప్రమోషన్స్ లో ఉన్నారు. ఈ సినిమాకు సూపర్ హిట్ మ్యూజిక్ ఇచ్చి తెలుగు చిత్ర పరిశ్రమ దృష్టిని ఆకర్షించారు మలయాళ సంగీత దర్శకుడు హేషమ్ అబ్దుల్ వాహబ్. ‘ఖుషి’ సినిమాకు మ్యూజిక్ చేసిన ఎక్సీపిరియన్స్ ని మీడియాతో పంచుకున్నారు మ్యూజిక్ డైరెక్టర్ హేషమ్ అబ్దుల్ వాహబ్.
నా మలయాళ హిట్ ఫిల్మ్ హృదయం రిలీజైన తర్వాత మైత్రీ సంస్థ నుంచి పిలుపు వచ్చింది. ‘ఖుషి’ సినిమాకు వర్క్ చేయమని అడిగారు. శివ గారు చెప్పిన కథ విన్నాక ఒక బ్యుటిఫుల్ మూవీకి వర్క్ చేయబోతున్నా అని అర్థమైంది. వెంటనే ఈ ప్రాజెక్ట్ అంగీకరించాను. ‘ఖుషి’ సినిమాకు పనిచేయడం ఒక థ్రిల్లింగ్ ఎక్సీపిరియన్స్ ఇచ్చింది. ఈ సినిమా మొదలైనప్పటి నుంచి నిన్న మొత్తం మ్యూజిక్ వర్క్ కంప్లీట్ చేసేవరకు ఎగ్జైటింగ్ గా మా జర్నీ సాగింది. మేము సినిమాకు పెట్టిన ఎఫర్ట్స్ రేపు థియేటర్ లో ప్రేక్షకులు చూస్తారు.
‘ఖుషి’ సినిమా కోసం వీణ, సితార్ వంటి చాలా పరికరాలు వాడాం. నా రోజా నువ్వే పాట నుంచి రీసెంట్ గా రిలీజ్ చేసిన ఓసి పెళ్లామా వరకు అన్ని పాటలు బాగా కుదిరాయి. ఈ సినిమాకు కంప్లీట్ మ్యూజిక్ చేయగలిగాం. మూవీలో అన్ని వర్గాల ప్రేక్షకులకు నచ్చేలా మ్యూజిక్ ఉండాలని అనుకున్నారు దర్శకుడు శివ నిర్వాణ. ఈ సినిమాలో కష్టపడి కంపోజ్ చేసిన పాట టైటిల్ సాంగ్. ఖుషి టైటిల్ సాంగ్ మొదట సినిమాలో లేదు. టీజర్ కోసం ట్యూన్ చేశాను. అయితే ఆ ట్యూన్ అందరికీ నచ్చింది. దీన్ని సాంగ్ చేయాలని అడిగారు. అలా ఖుషి టైటిల్ సాంగ్ చేశాను. ఈపాటకు 20, 25 డెమోస్ చేశాం. విదేశాలకు వెళ్లినా కూడా ‘ఖుషి’ పాటల గురించి మాట్లాడుతున్నారు. అదే మాకు పెద్ద అఛీవ్మెంట్.
నా రోజా నువ్వే పాటలో డైరెక్టర్ మణిరత్నం సినిమా టైటిల్స్ తో లిరిక్స్ ఉంటాయి. పాట ఇలా ఉండాలని డైరెక్టర్ శివ ప్లాన్ చేశారు. ఆయనే లిరిక్స్ రాశారు. ఈ సినిమాలో విజయ్ మణిరత్నం, ఏఆర్ రెహమాన్ ఫ్యాన్. ఆయన లవ్ గురించి తన ఫేవరేట్ డైరెక్టర్ మ్యూజిక్ డైరెక్టర్ సినిమాలను గుర్తు చేస్తూ పాట పాడతారు. ఈ థీమ్ బాగా వర్కవుట్ అయ్యింది. ‘ఖుషి’ మ్యూజికల్ బ్లాక్ బస్టర్ అవుతుంది.
శివ మ్యూజిక్ గురించి ప్యాషన్ దర్శకుడు. అతనికి ఏం కావాలో తెలిసిన దర్శకుడు. మేము ఒక హోటల్ లో నెల రోజుల పాటు మ్యూజిక్ సిట్టింగ్స్ చేశాం. నేను ఎక్కువ రోజులు ఒక సినిమాకు పనిచేసింది కూడా ‘ఖుషి’కే. హీరో విజయ్ కు తన సినిమాల నుంచి ఆడియన్స్ ఎలాంటి మ్యూజిక్ కోరుకుంటారో తెలుసు. అందుకే తన సజెషన్స్ నాకు చెప్పేవాడు. అవి చాలా హెల్ప్ అయ్యాయి. ఒక టీమ్ మెంబర్ గా మ్యూజిక్ లో తన ఇన్వాల్వ్ మెంట్ ఉండటం మంచిదే.
Kushi : మణిరత్నం ‘సఖి’ రిఫరెన్స్‌తోనే విజయ్ ‘ఖుషి’ తెరకెక్కిందా..? శివ నిర్వాణ కామెంట్స్..!
మ్యూజిక్ బాగుంటే ప్రేక్షకులు థియేటర్స్ కు రప్పించవచ్చు అని నేను బిలీవ్ చేస్తాను. ‘ఖుషి’లో సమంత, విజయ్ క్యారెక్టర్స్ మధ్య కెమిస్ట్రీ చాలా బాగుంటుంది. వాళ్లు పోటా పోటీగా నటించారు. ఈ సినిమాకు వాళ్ల పెయిర్ పెద్ద అసెట్ అవుతుంది.
తెలుగు చిత్ర పరిశ్రమలో మంచి అవకాశాలు వస్తున్నాయి. నన్ను టాలీవుడ్ ఆహ్వానిస్తున్న తీరు చూస్తుంటే సంతోషంగా ఉంది. మంచి మ్యూజిక్ కోసం తాపత్రయపడే ఇండస్ట్రీ ఇది. సంగీత దర్శకుడిగా ఇలాంటి మూవీస్ చేయాలనే హద్దులేం లేవు. అన్ని జానర్స్ మూవీస్ కు మ్యూజిక్ చేయాలని అనుకుంటున్నాను.
Vijay Devarakonda : అర్ధరాత్రి సమంతకి కాల్ చేసిన విజయ్ దేవరకొండ.. మిస్ యూ అంటూ పాట పాడి..
‘ఖుషి’ మ్యూజిక్ కంప్లీట్ అయ్యింది కాబట్టి ఓ నాలుగు రోజులు విరామం తీసుకుంటాను. ఆ తర్వాత నాని హీరోగా నటిస్తున్న హాయ్ నాన్న మ్యూజిక్ వర్క్ స్టార్ట్ చేస్తా. ప్రస్తుతం ఈ సినిమా పాటల పనులు జరుగుతున్నాయి. అలాగే శ్రీరామ్ ఆదిత్య దర్శకత్వంలో శర్వానంద్ నటిస్తున్న సినిమాకు కూడా మ్యూజిక్ అందిస్తున్నాను. ఈ సినిమా షూటింగ్ జరుగుతోంది. తెలుగులో కీరవాణి, మిక్కీ జే మేయర్, భీమ్స్ మ్యూజిక్ ఇష్టం అని హేషమ్ తెలిపారు.
