Live : ‘సిరివెన్నెల’ ఇకలేరు.. సినీ, రాజకీయ ప్రముఖుల సంతాపం | Sirivennela Sitaramasastri

Live : ‘సిరివెన్నెల’ ఇకలేరు.. సినీ, రాజకీయ ప్రముఖుల సంతాపం

తెలుగు సినీ పరిశ్రమలో తీవ్ర విషాదం నెలకొంది.. ప్రముఖ గేయ రచయిత సిరివెన్నెల సీతారామశాస్త్రి అనారోగ్యంతో కన్నుమూశారు..

Live : ‘సిరివెన్నెల’ ఇకలేరు.. సినీ, రాజకీయ ప్రముఖుల సంతాపం

Sirivennela Sitaramasastri: తెలుగు సినీ పరిశ్రమలో తీవ్ర విషాదం నెలకొంది. ప్రముఖ గేయ రచయిత సిరివెన్నెల సీతారామశాస్త్రి అనారోగ్యంతో కన్నుమూశారు. ఆయన వయసు 66 సంవత్సరాలు. సిరివెన్నెలకు భార్య పద్మావతి, ఇద్దరు కుమారులు రాజా, యోగేష్ ఉన్నారు. న్యుమోనియాతో బాధపడుతున్న సీతారామాశాస్త్రిని నవంబర్ 24న కుటుంబ సభ్యులు హైదరాబాద్‌లోని కిమ్స్ ఆసుపత్రిలో అడ్మిట్ చేశారు.

ఐసీయూలో ఆయనకు చికిత్సనిందించారు వైద్యులు. ఎంత ప్రయత్నించినప్పటికీ ఫలితం లేకపోవడంతో మంగళవారం సీతారామ శాస్త్రి తుదిశ్వాస విడిచారు. తన కలం బలంతో తెలుగు సినీ సాహిత్యాన్ని కొత్తపుంతలు తొక్కించారు సీతారామ శాస్త్రి.

ఎన్నో అద్భుతమైన పాటలు రాసి పాట స్థాయిని పెంచారు. తన పాటలతో సమాజంలో చైతన్యాన్ని తీసుకొచ్చారు. నిగ్గదీసి అడుగు ఈ సిగ్గులేని జనాన్ని అంటూ భ్రష్టు పట్టిపోయిన వ్యవస్థను ప్రశ్నించారు. తెలుగు ప్రేక్షకుల మనసుల్లో చెరగని ముద్ వేసుకున్న సీతారామ శాస్త్రి అకాలమరణంతో తెలుగు చిత్ర పరిశ్రమ, సాహిత్య, సంగీత ప్రియులు, ఆయన అభిమానులు శోకసంద్రంలో మునిగిపోయారు.

సిరివెన్నెల మృతిపట్ల సినీ, రాజకీయ ప్రముఖులంతా తమ సంతాపాన్ని తెలియజేస్తున్నారు.

 

  • సిరివెన్నెల మృతిపట్ల చంద్రబాబు సంతాపం

    సిరివెన్నెల మృతిపట్ల చంద్రబాబు సంతాపం తెలిపారు. సిరివెన్నెల మృతి సినిమా రంగానికి తీరని లోటు. ప్రజల హృదయాల్లో సిరివెన్నెల చిరస్థాయిగా నిలిచిపోతారు.

  • సిరివెన్నెల మృతి పట్ల సీఎం జగన్ సంతాపం

    సిరివెన్నెల మృతి పట్ల సీఎం జగన్ సంతాపం తెలిపారు. తెలుగు సినీ గేయ ప్రపంచంలో విలువల శిఖరం సిరివెన్నెల. సిరివెన్నెల మృతి తెలుగువారికి తీరని లోటు.

  • సిరివెన్నెల మృతిపట్ల సీఎం కేసీఆర్ సంతాపం

    సిరివెన్నెల మృతిపట్ల సీఎం కేసీఆర్ సంతాపం తెలిపారు.సిరివెన్నెల అద్భుత సాహిత్యాన్ని సృష్టించారు.పండిత పామరుల హృదయాలను సిరివెన్నెల గెలిచారు.సిరివెన్నెల మరణం సినీరంగానికి తీరని లోటు.

  • సిరివెన్నెల మనస్సుకు హత్తుకునేలా సాహిత్యాన్ని అందించారు-అమిత్ షా

    సిరివెన్నెల మృతిపట్ల కేంద్ర హోం మంత్రి అమిత్ షా సంతాపం తెలిపారు. సిరివెన్నెల మనస్సుకు హత్తుకునేలా సాహిత్యాన్ని అందించారు.

  • సిరివెన్నెల మృతిపట్ల సుకుమార్ సంతాపం

    గుండె నిండు గర్భిలా ఉంది.. ప్రసవించలేని దు:ఖం పుట్టుకొస్తోంది. తల్లి కాగితానికి దూరమై అక్షరాల పిల్లలు గుక్కపట్టి ఏడుస్తున్నాయ్.. మీరు బ్రితికే ఉన్నారు పాట తన ప్రాణం పొగట్టుకుంది. మీరు ఎప్పటికి రాయని పాటలాగ మేం మిగిలిపోయాం
    -సుకుమార్

  • సిరివెన్నెల చరిత్రలో గుర్తుండిపోయే పాటలు రాశారు : కిషన్ రెడ్డి

    సిరివెన్నెల మృతిపట్ల కిషన్ రెడ్డి సంతాపం ప్రకటించారు. సిరివెన్నెల పాటలు చరిత్రలో గుర్తుండిపోయేలా రాశారని కిషన్ రెడ్డి కొనియాడారు.

  • సిరివెన్నెల రాసిన ప్రతిపాట ఆణిముత్యం : మంత్రి తలసాని

    సిరివెన్నెల మృతిపట్ల మంత్రి తలసాని సంతాపం తెలిపారు. సిరివెన్నెల రాసిన ప్రతిపాట ఆణిముత్యమన్నారు.

  • సిరివెన్నెల మరణం సాహిత్య లోకానికి తీరని లోటు : మంత్రి కేటీఆర్

    సిరివెన్నెల మరణం పట్ల మంత్రి కేటీఆర్ సంతాపం తెలిపారు. ఆయన మరణం సాహిత్య లోకానికి తీరని లోటుగా కేటీఆర్ పేర్కొన్నారు.

     

     

  • సిరివెన్నెల ప్రతి పాట సినీ ప్రేక్షకుల గుండెల్లో నిలిచింది: హరీశ్ రావు

    సిరివెన్నెల ప్రతి పాటకు సినీ ప్రేక్షకుల గుండెల్లో నిలిచిందని హరీశ్ రావు అన్నారు.

  • సిరివెన్నెల లేనిలోటు పూడ్చలేనిది : ప్రకాశ్ రాజ్

    సిరివెన్నెల లేని లోటు పూడ్చలేనిదిగా నటుడు ప్రకాశ్ రాజ్ అన్నారు.

  • సిరివెన్నెలతో కలిసి పనిచేసినందుకు గర్వంగా ఉంది : రామ్

    సిరివెన్నెలతో కలిసి పనిచేసినందుకు చాలా గర్వంగా ఉందని హీరో రామ్ అన్నారు.

  • సిరివెన్నెల పాట కోసం రాత్రింబవళ్లు కష్టపడేవారు : కోట శ్రీనివాసరావు

    సిరివెన్నెల పాట కోసం రాత్రింబవళ్లు కష్టపడేవారని కోట శ్రీనివాసరావు అన్నారు. పాట మనసులోకి వచ్చేవరకు నిద్రపోయేవారు కాదని కోట గుర్తు చేసుకున్నారు.

  • సిరివెన్నెల మృతిపట్ల ఉపరాష్ట్రపతి వెంకయ్యనాయుడు సంతాపం

    సిరివెన్నెల మృతిపట్ల ఉపరాష్ట్రపతి వెంకయ్యనాయుడు సంతాపం తెలియజేశారు. తెలుగు పాటకు గౌరవాన్ని తెచ్చిన వ్యక్తి సిరివెన్నెల అన్నారు. సిరివెన్నెల కుటుంబసభ్యులకు ఉపరాష్ట్రపతి ప్రగాఢ సానుభూతి తెలియజేశారు.

  • సిరివెన్నెల మృతిపట్ల ‘మా’ అధ్యక్షుడు మంచు విష్ణు సంతాపం

    ఈ రోజు ఆయన మరణ వార్త నా మనసుని కలచివేసింది. ఆయన మరణం నాకు వ్యక్తిగతంగానే కాక తెలుగు సినీ సాహితీ లోకానికి తీరని లోటు.. ఈ విషాద సమయంలో నా తరపున మా అసోసియేషన్ తరపున వారి కుటుంబానికి మా ప్రగాఢ సానుభూతిని తెలియజేస్తున్నాను.

  • రేపు ఉదయం 7గంటలకు ఫిలిం ఛాంబర్‌కు సిరివెన్నెల భౌతిక కాయం

    రేపు ఉదయం 7గంటలకు ఫిలిం ఛాంబర్‌కు సిరివెన్నెల భౌతిక కాయాన్ని అభిమానుల సందర్శనార్థం ఉంచనున్నారు.  ఫిలిం ఛాంబర్ వద్ద చురుకుగా ఏర్పాట్లు జరుగుతున్నాయి. అనంతరం అంత్యక్రియలు నిర్వహించనున్నారు.

  • సిరివెన్నెల గారు.. మిమ్మల్ని మిస్ అవుతున్నాం : RRR మూవీ

  • తెలుగు చిత్రపరిశ్రమకు తీరని లోటు : క్రిష్

  • సిరివెన్నెల మృతిపట్ల ఎస్.ఎస్ రాజమౌళి సంతాపం

  • ‘సిరివెన్నెల’ సీతారామశాస్త్రిగారి లాంటి వారు అరుదుగా జన్మిస్తారు – ప్రముఖ దర్శక నిర్మాత ఎం.ఎస్. రాజు

    ‘సిరివెన్నెల’ సీతారామశాస్త్రిగారితో తన స్నేహం సినిమాలకు సంబంధం లేనిదని ప్రముఖ దర్శక నిర్మాత ఎం.ఎస్. రాజు తెలిపారు. తన కుటుంబ సభ్యుడ్ని కోల్పోయినట్టు ఉందని ఆయన అన్నారు. తామిద్ద‌రం రెగ్యుల‌ర్‌గా ట‌చ్‌లో ఉండేవాళ్ల‌మ‌ని, ఆయ‌న చివ‌రి చూపు ద‌క్క‌లేద‌నే బాధ‌లో ఉన్నాన‌ని ఆయన ఆవేదన చెందారు. సిరివెన్నెలతో తనకున్న అనుబంధాన్ని గుర్తు చేసుకున్నారు.

  • సిరివెన్నెల మృతిపట్ల డీవీవీ ఎంటర్ టైన్మెంట్స్ సంతాపం

  • సిరివెన్నెల మరణం.. చిత్ర పరిశ్రమకు తీరని లోటు : వై. కాశీ విశ్వనాథ్

    శ్రీ సిరివెన్నెల సీతారామశాస్త్రి గారి మరణం.. చిత్ర పరిశ్రమకు తీరని లోటు. ఆయన మన మధ్యన లేకపోయినా.. ఆయన రాసిన పాటలు.. మన మనస్సుల్లో.. ఆయన బ్రతికున్న అనుభూతిని కలిగిస్తాయి.” తెలుగు దర్శకుల సంఘం ” తరపున..అయన అత్మకు శాంతి కలగాలని.. ఆయన కుటుంబ సభ్యులకు నా ప్రగాఢ సానుభూతిని తెలియజేస్తున్నాను.
    ఇట్లు
    వై. కాశీ విశ్వనాథ్
    ప్రెసిడెంట్
    TFDA

  • సిరివెన్నెల మృతిపట్ల ప్రధాని మోదీ సంతాపం

    అత్యంత ప్రతిభావంతులైన సిరివెన్నెల సీతారామశాస్త్రి గారి మరణం నన్నెంతగానో బాధించింది. ఆయన రచనలలో కవిత్వ పటిమ, బహుముఖ ప్రజ్ఞ గోచరిస్తుంది. తెలుగు భాషా ప్రాచుర్యానికి ఎంతగానో కృషి చేశారు. ఆయన కుటుంబసభ్యులకు ,స్నేహితులకు సంతాపాన్ని తెలియజేస్తున్నాను. ఓం శాంతి..

  • ఇంకెక్కడి వెన్నెల.. తెలుగు పాటకు అమావాస్య ;

  • సిరివెన్నెల మరణం చిత్ర పరిశ్రమకు తీరని లోటు : మూవీ ఆర్టిస్ట్ అసోసియేషన్

    సిరివెన్నెల సీతారామశాస్త్రి మరణం చిత్ర పరిశ్రమ కు తీరని లోటు.. అయన కుటుంబానికి ప్రగాఢ సానుభూతి నివాళులు…. మూవీ ఆర్టిస్ట్ అసోసియేషన్ (మా)

  • సిరివెన్నెల మృతిపట్ల అడివి శేషు సంతాపం

×