Honey Trapping: హనీ ట్రాపింగ్‌కు పాల్పడ్డ యూట్యూబ్ కపుల్.. వ్యాపారిని బెదిరించి రూ.80 లక్షలు వసూలు
ఢిల్లీలో ఒక యూట్యూబ్ జంట హనీ ట్రాపింగ్‌కు పాల్పడింది. ఒక వ్యాపారికి దగ్గరైన యువతి, అతడితో ఏకాంతంగా గడిపింది. దీనికి సంబంధించిన ఆధారాల్ని ఆ జంట సేకరించింది. తర్వాత ఇద్దరూ కలిసి వ్యాపారిని బెదిరించి రూ.80 లక్షలకుపైగా వసూలు చేసింది.
- Edited By: 10TV Digital Team , November 27, 2022 / 06:13 PM IST
Honey Trapping: ఢిల్లీకి చెందిన ఒక యూట్యూబ్ జంట హనీ ట్రాపింగ్‌కు పాల్పడింది. ఒక వ్యాపారిని బెదిరించి అతడి దగ్గరి నుంచి రూ.80 లక్షలకుపైగా వసూలు చేసింది. దీనిపై బాధితుడు పోలీసులకు ఫిర్యాదు చేశాడు. పోలీసులు తెలిపిన వివరాల ప్రకారం… ఢిల్లీలో 21 ఏళ్ల ఒక వ్యాపారి అడ్వర్టైజ్‌మెంట్ వ్యాపారం నిర్వహిస్తున్నాడు.
Lalu Prasad Yadav: కిడ్నీ మార్పిడి చికిత్స కోసం సింగపూర్‌కు లాలూ.. కిడ్నీ దానం చేస్తున్న లాలూ కూతురు
అతడికి ఢిల్లీలోని షాలిమార్ బాఘ్ ప్రాంతంలో ఉండే, యూట్యూబ్ ఛానెల్ నిర్వహించే నామ్రా ఖాదిర్ అనే మహిళ పరిచయమైంది. బాధితుడు ఖాదిర్‌తో ఒక బిజినెస్ ప్రపోజల్ మాట్లాడాలి అనుకున్నాడు. ఆమెను ఒక రోజు స్టార్ హోటల్‌కు పిలిచి తన కంపెనీకి సంబంధించిన ఒక యాడ్ ప్రపోజల్ గురించి చెప్పాడు. ఇదే సమయంలో ఖాదిర్.. విరాట్ అలియాస్ మనీష్ బెనివల్ అనే మరో వ్యక్తిని పరిచయం చేసింది. దీంతో ఇద్దరితో తన వ్యాపారం గురించి చెప్పాడు. దీనికి సంబంధించి వారికి రూ.2.5 లక్షలు చెల్లించాడు. రోజులు గడుస్తున్నప్పటికీ, వారి నుంచి ప్రొడక్ట్ రాలేదు. దీనిపై వ్యాపారి ఖాదిర్, విరాట్‌ను ప్రశ్నించాడు. ఈ క్రమంలో ఖాదిర్ ఆ వ్యాపారిని ఇష్టపడుతున్నట్లు, పెళ్లి చేసుకోవాలి అనుకుంటున్నట్లు చెప్పింది.
Sharkbot Malware: ఆండ్రాయిడ్ యూజర్లకు గూగుల్ హెచ్చరిక.. ఆ యాప్స్ డిలీట్ చేయకుంటే అంతే!
దీంతో ఖాదిర్, ఆ వ్యాపారి ఇద్దరూ దగ్గరయ్యారు. వారితోపాటు విరాట్ కూడా ఎప్పుడూ పక్కనే ఉండేవాడు. అలా ముగ్గురూ కలిసి చాలా కాలం సన్నిహితంగా ఉన్నారు. ఖాదిర్, ఆ వ్యాపారి ఏకాంతంగా గడిపారు. అయితే, ఇద్దరూ ఏకాంతంగా గడిపినప్పటి వీడియోలు, ఫొటోలు వంటి ఆధారాల్ని ఖాదిర్, విరాట్ సేకరించారు. తర్వాత వాటిని బయటపెడతామని చెప్పి ఆ వ్యాపారిని బెదిరించారు. అవసరమైతే అతడిపై రేప్ కేసు పెట్టి జైలు శిక్ష పడేలా చూస్తామని హెచ్చరించారు. దీంతో భయపడిన ఆ వ్యాపారి తరచూ వారికి అడిగినంత డబ్బు ఇచ్చేవాడు. అలా వారికి రూ.80 లక్షలకుపైగా చెల్లించాడు. అయితే, వేధింపులు మరీ ఎక్కువ కావడంతో చివరకు పోలీసులకు ఫిర్యాదు చేశాడు.
దీంతో కొద్ది రోజుల క్రితం ఖాదిర్, విరాట్‌ను పోలీసులు అరెస్టు చేశారు. ఈ కేసులో బెయిల్ కోసం ఇద్దరూ దరఖాస్తు చేసుకున్నప్పటికీ కోర్టు నిరాకరించింది. కేసు విచారణలో భాగంగా నిందితులకు సంబంధించిన ఇండ్లపై పోలీసులు సోదాలు నిర్వహిస్తున్నారు. వారిపై పలు సెక్లన్ల కింద కేసు నమోదు చేసి దర్యాప్తు చేస్తున్నారు.
