Good Harvest Human Meat : మనిషి మాంసాన్ని పబ్లిక్‌గానే అమ్మేస్తున్న సంస్థ, ధర తక్కువ, రుచి ఎక్కువ అంటూ ప్రచారం

నూకలిస్తే మేకల్ని కాస్తావా..? అనే మాట విన్నాం..కానీ డబ్బులిం నీ కండను కోసిస్తావా..? అని అడిగితే కోసిస్తారా..? డబ్బులను మనిషి తన మాంసాన్ని అమ్ముకుంటాడా..? అటువంటి పరిస్థితులు వస్తాయా? అంటే వస్తాయంటోంది ఓ సంస్థ. అందుకో మనిషి మాంసాన్ని అమ్మేందుకు రెడీ అయ్యింది. మనిషి మాంసం రుచి ఎక్కువ ధర తక్కువ అంటూ ప్రచారం కూడా చేస్తోంది...?!

Good Harvest Human Meat

Good Harvest producing Human Meat : మీరు నాన్ వెజ్ ప్రియులా..? మటన్, చికెన్, ఫిష్, ప్రాన్స్ వంటివి లాగించేస్తుంటారా..? మరి మనిషి మాంసం కూడా తింటారా..?అంటే ఏంటీ మేమేమన్నా నరమాంస భక్షకులమా..మనిషి మాంసం తినటానికి అనాలనిపిస్తోంది కదూ..కానీ మరి ఓ సంస్థ ఏంటీ ఏకంగా మనిషి మాంసాన్ని అంత పబ్లిక్ గా అమ్మేస్తోంది…? పైగా ధర తక్కువ రుచి ఎక్కువ అంటూ ప్రచారం చేసి మరీ అమ్మేస్తోంది.. ఏంటి మనుష్యుల్ని కూడా చంపేసి అంత దారుణంగా అమ్మేస్తున్నారా..? వినటానికే అదేనండీ చదవటానికే వెన్నులో వణుకుపుట్టించే ఈ న్యూస్ ఫేక్ కాదు నిజ్జంగా నిజమే..

బ్రిటన్ (Britain)కు చెందిన గుడ్ హార్వెస్ట్ (Gregg Harvest )అనే ఆహార ఉత్పత్త సంస్థ మనిషి మాంసాన్ని (human meat) అమ్మేందుకు రెడీ అవుతోంది. పైగా ఏమాత్రం భయంలేకుండా ఈ మాంసాన్ని తినొచ్చని చెబుతోంది. గుడ్ హార్వెస్ట్ సంస్థ మనిషి మాంసాన్ని కృత్రిమంగా తయారు చేస్తోంది. మొక్కల నుంచి మాంసాన్ని తయారు చేసారనే వార్తలు మీరు వినే ఉంటారు. అలాగే రక్తాన్ని ప్రయోగశాలలో తయారు చేస్తున్నారనే వార్తలు కూడా వినే ఉంటారు. అలాగే మనిషి మాంసాన్ని లేబరెటరీలో తయారుచేస్తోంది గుడ్ హార్వెస్ట్ సంస్థ.

Woman Love with Phone Thief : తన ఫోన్ చోరీ చేసిన దొంగతో యువతి ప్రేమాయణం .. వీరి లవ్వు స్టోరీ మామూలుగా లేదుగా..

ఈ ఇంజినీర్డ్ హ్యూమన్ మీట్ (Engineered Human Meat) తయారీ కోసం దాత(donor)కు కొంత డబ్బు చెల్లించి వారి నుంచి మాంసపు ముక్కలను సేకరిస్తోంది. అలా సేకరించిన మాంసపు కణజాలాలను లేబొరేటరీలో ఉంచి పెద్ద పెద్ద మాంసపు ముద్దలుగా తయారు చేస్తోంది. ఆ తర్వాత ఆ మాంసపు ముక్కలను మంచి ప్యాకేజింగ్ చేసి సూపర్ మార్కెట్లలో విక్రయిస్తామని చెబుతోంది. అలా తయారు చేసిన మాంసాన్ని ఇప్పటికే లండన్‌లోని ఓ రెస్టారెంట్లో రకరకాలుగా వండి రుచి కూడా చూశారట. ఇలా మనిషి మాంసాన్ని తయారు చేసి వాటితో వంటకాలు తయారు చేసి అమ్మాలనే ట్రయల్స్ చేస్తోందీ సంస్థ. వినటానికి కాస్త ఇబ్బందిగా ఉన్నా.. వ్యాపారానికి కాదు ఏదీ అనర్హం అన్నట్లుగా ఉంది నేటి మార్కెట్ పెంచుకునే విధానం..

‘ది బ్రిటిష్ మిరాకిల్ మీట్’ (The British Miracle Meat) పేరుతో ప్రసారం చేసిన ఈ మనిషి మాంసానికి సంబంధించిన కార్యక్రమం చూసి జనాలు కూడా రకరకాలుగా ఫీలయ్యారట. ఇంత దారుణమైన కార్యక్రమాన్ని ఎలా ప్రసారం చేస్తారని వీక్షకులు మండిపడుతున్నారట. ఈ ఫీడ్ బ్యాక్ రావటంతో గుడ్ హార్వెస్ట్ సీఈవో గ్రెగ్ వ్యాలెస్ (Gregg Wallace) మాట్లాడుతూ.. ఈ విధానాన్ని ప్రజలు తప్పుగా అర్థం చేసుకున్నారని..తాను జీవన వ్యయ సంక్షోభానికి కొత్త పరిష్కారాన్ని అన్వేషించడానికి మానవ మాంసాన్ని తయారు చేస్తున్నామని చెప్పుకొచ్చారు.

పైగా పెద్ద వారి నుంచి సేకరించిన మాంసం కంటే చిన్న పిల్లల నుంచి సేకరించిన మాంసం నుంచి తయారు చేసిన మాంసం రుచి ఎంతో బాగుంటుందట. దీంతో టోడ్లర్ టార్టెర్ పేరిట స్పెషల్ ప్రీమియం మాంసాన్ని గుడ్ హార్వెస్ట్ తయారు చేస్తోందట. మాంసం ఇచ్చిన దాతలకు గుడ్ హార్వెస్ట్ సంస్థ 250 డాలర్లు ఇస్తామని చెబుతోంది. పైగా మాంసం సేకరించిన మనిషి శరీరంలో ఒక్కో పార్టుకు అంటే పిరుదుల (single buttock) నుంచి సేకరించిన మాంసానికైతే 250 డాలర్లు, అదే రెండు ముక్కలు ఇస్తే 400 డాలర్లు ఇస్తారని తెలిపారు.

T-Shirt : టీ షర్టుకు ఆ పేరెలా వచ్చిందో తెలుసా..? ‘టీ’ అంటే ఏమిటీ

మనిషి మాంసం తినడం ఏంటి మరీ అంత దారుణమా..? అని అనుకోవచ్చు.. కానీ ఆహారం కొరతను అధిగమించడానికి ఇటువంటివి అవసరం అవుతాయంటోంది సదరు సంస్థ. ఇలా మాంసం తయారు చేసే విధానంలో ఎక్కడా జంతువులను హింసించడం లేదు కదా అంటూ కొత్త లాజిక్కులతో ప్రశ్నలు వస్తున్నాయి. కొంత మంది నుంచి ఇప్పటికే సింథటిక్ మీట్‌ను తయారు చేస్తున్నాం కదా. చాలా మంది ఈ సింథటిక్ మీట్‌ తయారీ కోసం చేస్తున్న ప్రయోగాల కోసం భారీ మొత్తంలో పెట్టుబడులు పెడుతున్నారని గుర్తు చేస్తున్నారు.

రోజు రోజుకు కాస్ట్ ఆఫ్ లివింగ్ పెరిగిపోతోంది. ప్రస్తుత పరిస్థితుల్లో పేదల కడుపు నింపగలిగేలా.. తక్కువ ధరకే మనిషి మాంసం తయారు చేస్తే తప్పేంటి..? అని గుడ్ హార్వెస్ట్ సంస్థ కొత్త లాజిక్కులను తెరపైకి తెచ్చి ప్రశ్నిస్తోంది. పైగా మాంసం కోసం ఏ జంతువుల్ని హింసించటంలేదు.. ప్రాణాలు తీయటంలేదు అని చెప్పుకొస్తోంది.