Jana Reddy : కాంగ్రెస్ అధికారంలోకి రాగానే బెల్ట్ షాప్ లు ఎత్తివేస్తాం.. మహిళలకు ఆర్టీసీ బస్సులో ఉచిత ప్రయాణం : జానారెడ్డి
సోనియా గాంధీ గ్యాస్ సిలిండర్ రూ.500లకే ఇస్తామని చెప్పారని పేర్కొన్నారు. సోనియా గాంధీ చెప్పిన తర్వాత కేసీఆర్ రూ.400లకే సిలిండర్ ఇస్తామన్నారని తెలిపారు.
- Published By: 10TV Digital Team ,Published On : October 27, 2023 / 03:45 PM IST
Congress MLA Jana Reddy
Congress MLA Jana Reddy : కాంగ్రెస్ పార్టీ అధికారంలోకి వస్తే సోనియా గాంధీ చెప్పిన్నవని అమలు చేస్తారని ఎమ్మెల్యే జగ్గారెడ్డి అన్నారు. ఇచ్చిన హామీలు అమలు చేసిన చరిత్ర కాంగ్రెస్ పార్టీదేనని స్పష్టం చేశారు. గతంలో 10 ఏళ్లు అధికారంలో ఉన్నపుడు హామీలు అమలు చేశామని, ఇప్పుడు అధికారంలోకి రాగానే అమలు చేస్తామని పేర్కొన్నారు. బీఆర్ఎస్ నమ్మకం ఏంటంటే ఎన్నికలకు మూడు రోజుల ముందు రూ.1000, బాటిల్ ఇస్తే వేస్తారు అనే ఆలోచనలే ఉన్నారని విమర్శించారు.
రాష్ట్రంలో కాంగ్రెస్ పార్టీ అధికారంలోకి రాగానే బెల్ట్ షాప్ లు ఎత్తివేస్తామని పేర్కొన్నారు. మద్యం తాగే వారికి కోపం వచ్చినా సరే బెల్ట్ షాప్ లు తీసేస్తామని స్పష్టం చేశారు. 5 ఏళ్లకు బీఆర్ఎస్ ఇచ్చే రూ.1000 కావాలో లేదా సోనియా గాంధీ ఇంట్లో ప్రతి మహిళకు ఇస్తానన్న రూ.2500 కావాలో ప్రజలు ఆలోచించుకోవాలన్నారు. ఇంట్లో ఎంత మంది ఉంటే అంత మందికి రూ.4వేల పెన్షన్ ఇస్తామని సోనియా గాంధీ చెప్పిన విషయాన్ని గుర్తు చేశారు.
సోనియా గాంధీ గ్యాస్ సిలిండర్ రూ.500 కే ఇస్తామని చెప్పారని పేర్కొన్నారు. సోనియా గాంధీ చెప్పిన తర్వాత కేసీఆర్ రూ.400 కే ఇస్తామన్నారని తెలిపారు. ఈ నాలుగేళ్ళు ఎందుకు ఇవ్వలేదో ప్రజలు ఆలోచన చేయాలన్నారు. కాంగ్రెస్ అధికారంలోకి వస్తే ప్రతి మహిళలకు ఆర్టీసీ బస్సులో ఉచిత ప్రయాణం ఉంటుందని వెల్లడించారు. రైతులకు ఎకరానికి రూ.15వేలు, కౌలు రైతుకు రూ.12వేలు ఇస్తామని చెప్పారు.
అలాగే వరి పండిస్తే 500 రూపాయల బోనస్ అందిస్తామని చెప్పారు. చదువుకునే ప్రతి విద్యార్థికి రూ.5 లక్షల కార్డు ఇస్తామని తెలిపారు. ఆరోగ్య లక్ష్మి కింద రూ.10 లక్షల వరకు ట్రీట్మెంట్ చేసుకోవచ్చన్నారు. వీటన్నింటినీ సోనియా గాంధీ అధికారం రాగానే అమలు చేస్తామని చెప్పారని వెల్లడించారు. నియోజకవర్గంలో, రాష్ట్రంలో కాంగ్రెస్ వస్తే అన్ని హామీలు నెరవేరుస్తామని హామీ ఇచ్చారు.
