AP Govt Retirement Age: ఏపీలో ఆ ప్రభుత్వ ఉద్యోగులకు గుడ్ న్యూస్.. రిటైర్మెంట్ వయసు పెంపు.. ఎన్నేళ్లంటే..
ప్రభుత్వ ఉద్యోగుల పదవీ విరమణ వయస్సు(AP Govt Retirement Age)ను 62 ఏళ్లకు పెంచేందుకు ఏపీ మంత్రివర్గం ఆమోదం తెలిపింది.
- V Santhosh Kumar
- Updated on- June 4, 2026 / 07:21 PM IST
AP Cabinet Approves increase Retirement Age of Government Employees to 62
- ఏపీ ఉద్యోగులకు గుడ్ న్యూస్
- రిటైర్మెంట్ వయసు అరవైరెండుకు పెంపు
- కార్పొరేషన్ గురుకుల సిబ్బందికి లబ్ధి
AP Govt Retirement Age: ముఖ్యమంత్రి నారా చంద్రబాబు నాయుడు అధ్యక్షతన జరిగిన ఆంధ్రప్రదేశ్ కేబినెట్ సమావేశంలో ఉద్యోగుల పట్ల ఒక చారిత్రాత్మక నిర్ణయం తీసుకున్నారు. రాష్ట్రంలోని వివిధ ప్రభుత్వ రంగ సంస్థలు, కార్పొరేషన్లు, సొసైటీలు, గురుకులాల్లో పనిచేస్తున్న సిబ్బంది పదవీ విరమణ (రిటైర్మెంట్) వయసును ప్రస్తుతం ఉన్న 60 ఏళ్ల నుండి 62 ఏళ్లకు పెంచుతూ మంత్రిమండలి అధికారికంగా ఆమోద ముద్ర వేసింది.
ఈ నిర్ణయం వల్ల రాష్ట్రవ్యాప్తంగా వివిధ ప్రభుత్వ అనుబంధ విభాగాల్లో విధుల్లో ఉన్న వేలాది మంది ఉద్యోగులకు నేరుగా లబ్ధి చేకూరనుంది. ముఖ్యంగా వివిధ ప్రభుత్వ కార్పొరేషన్ల సిబ్బందితో పాటు, సహకార సొసైటీలు, ప్రభుత్వ రంగ సంస్థల (PSUs) ఉద్యోగులు, సాంఘిక, గిరిజన, బీసీ సంక్షేమ గురుకుల పాఠశాలల్లో పనిచేస్తున్న ఉపాధ్యాయులు, ఇతర సిబ్బందికి ఈ వయోపరిమితి పెంపు(AP Govt Retirement Age) వర్తించనుంది.
రెగ్యులర్ ప్రభుత్వ ఉద్యోగులతో సమానంగా వీరికి కూడా పదవీ విరమణ వయసును పెంచడం వల్ల ఈ విభాగాల్లోని ఉద్యోగుల కుటుంబాలకు మరింత ఆర్థిక భరోసా లభిస్తుంది. మరో రెండేళ్ల పాటు ప్రభుత్వ సేవల్లో కొనసాగే అవకాశం రావడంతో ఉద్యోగ వర్గాల్లో హర్షం వ్యక్తమవుతోంది. రాష్ట్ర సర్వీసుల్లోని అనుభవజ్ఞులైన సిబ్బంది సేవలను మరికొంత కాలం ఉపయోగించుకోవడానికి ఈ నిర్ణయం ప్రభుత్వానికి కూడా దోహదపడనుంది.