అలాంటి సైకోలను వదలొద్దు, వారి అంతు చూడండి- చంద్రబాబు ప్రభుత్వానికి షర్మిల విజ్ఞప్తి..

పైశాచిక ఆనందం పొందే సైకోలపై కఠినంగా చర్యలు ఉండాలి.

Ys Sharmila

YS Sharmila : కూటమి ప్రభుత్వానికి కీలక విజ్ఞప్తి చేశారు ఏపీ కాంగ్రెస్ చీఫ్ వైఎస్ షర్మిల. సోషల్ మీడియాలో మహిళలను కించపరిచేలా, వారిని ఉద్దేశించి అసభ్యకర పోస్టులు పెట్టే వారి అంతు చూడాలని ప్రభుత్వానికి రిక్వెస్ట్ చేశారామె. ఈ మేరకు సోషల్ మీడియాలో ఓ పోస్టు పెట్టారు షర్మిల.

”సమాజానికి మంచి చేసేది సోషల్ మీడియా. అలాంటి వ్యవస్థను కొంతమంది సైకోలు, సైకో పార్టీలతో కలిసి ఉచ్ఛం నీచం లేకుండా భ్రష్టు పట్టించారు. మానవ సంబంధాలు, రక్త సంబంధాలు మరిచి మృగాల లెక్క మారారు. మహిళలు అనే జ్ఞానం లేకుండా ఇంట్లో తల్లి, అక్క, చెల్లి కూడా సాటి మహిళ అనే ఇంగితం లేకుండా, రాష్ట్రంలో ప్రశ్నించే మహిళలపై అసభ్యకరంగా పోస్టులతో, వికృత చేష్టలతో రాక్షస ఆనందం పొందారు. సోషల్ సైకోల బాధితుల్లో నేను ఒకరిగా చెప్తున్నా.

అసభ్యకర పోస్టులతో ప్రతిష్ట దెబ్బతినేలా పోస్టులు పెట్టి.. పైశాచిక ఆనందం పొందే సైకోలపై కఠినంగా చర్యలు ఉండాలి. నా మీద, అమ్మ మీద, సునీత మీద విచ్చలవిడిగా పోస్టులు పెట్టారు. నేను వైఎస్ రాజశేఖర్ రెడ్డి గారికే పుట్టలేదని అవమానించారు. నా ఇంటి పేరు మార్చి శునకానందం పొందారు. నాపై అసభ్యకర పోస్టులు పెట్టిన వర్రా రవీందర్ రెడ్డిపై నేను కూడా పోలీస్ కేసు పెట్టాను. అటువంటి సైకో అరెస్టును స్వాగతిస్తున్నాం.

అరాచక పోస్టులు పెట్టే వాళ్ళు ఏ పార్టీలో ఉన్నా అంతు చూడాల్సిన అవసరం ఉందని విజ్ఞప్తి చేస్తున్నాం. మరోసారి సోషల్ మీడియాలో వ్యక్తిత్వ హననానికి పాల్పడాలంటే భయపడేలా అనునిత్యం చర్యలు కొనసాగాలని కూటమి ప్రభుత్వాన్ని డిమాండ్ చేస్తున్నాం” అని ఎక్స్ లో పోస్టు పెట్టారు షర్మిల.

కొన్ని రోజులుగా సోషల్ మీడియాలో తనను ఉద్దేశించి కొందరు వ్యక్తులు పోస్టులు పెడుతున్నారని వైఎస్ షర్మిల తెలిపారు. తనను దూషిస్తూ, అసభ్యకరంగా, అభ్యంతకరమైన పోస్టులు పెడుతున్నారని వాపోయారు. సోషల్ మీడియాలో తనపై జరుగుతున్న ప్రచారంపై షర్మిల తీవ్రంగా స్పందించారు. ఈ ఇష్యూని చాలా సీరియస్ గా తీసుకున్నారు షర్మిల. ఈ క్రమంలో సోషలో మీడియాలో మహిళలను ఉద్దేశించి అసభ్యకర పోస్టులు పెట్టే సైకోల అంతు చూడాల్సిన అవసరం ఉందంటూ చంద్రబాబు ప్రభుత్వానికి విజ్ఞప్తి చేశారు షర్మిల.

సమాజానికి మంచి చేసేది సోషల్ మీడియా. అలాంటి వ్యవస్థను కొంతమంది సైకోలు, సైకో పార్టీలతో కలిసి ఉచ్ఛం నీచం లేకుండా భ్రష్టు పట్టించారు. మానవ సంబంధాలు, రక్త సంబంధాలు మరిచి మృగాల లెక్క మారారు. మహిళలు అనే జ్ఞానం లేకుండా ఇంట్లో తల్లి, అక్కా, చెల్లి కూడా సాటి మహిళా అనే ఇంగితం లేకుండా ,…

— YS Sharmila (@realyssharmila) November 7, 2024

Also Read : పవర్‌లో ఉన్నా ఎందుకీ ఆవేశం? అసలు పవన్ కల్యాణ్ వ్యూహం ఏంటి..