Nara Lokesh: టీచర్లపై దాడి చేస్తే వదలం.. వైకాపా క్రిమినల్ గ్యాంగుల పనిపడతాం.. నారా లోకేశ్ మాస్ వార్నింగ్!

విజయవాడలో గురువులపై దాడులకు తెగబడటం పట్ల మంత్రి నారా లోకేశ్(Nara Lokesh) తీవ్రంగా స్పందించారు.

Nara lokesh warns ycp goons over attack on teachers in vijayawada

Nara Lokesh: విజయవాడలో స్పోర్ట్స్ కోటా ఉపాధ్యాయులపై జరిగిన దాడి ఘటన ఆంధ్రప్రదేశ్ రాజకీయాల్లో తీవ్ర కలకలం రేపింది. బాధ్యతాయుతమైన విద్యాబుద్ధులు నేర్పించే గురువులపై దాడులకు తెగబడటం పట్ల రాష్ట్ర మానవ వనరుల అభివృద్ధి, విద్యుత్ శాఖ మంత్రి నారా లోకేశ్(Nara Lokesh) తీవ్రంగా స్పందించారు. వైకాపా ప్రేరేపిత రౌడీ షీటర్లు, గంజాయి-బ్లేడ్ బ్యాచ్‌లను ఉపాధ్యాయులపైకి ఉసిగొల్పడం మాజీ సీఎం జగన్మోహన్ రెడ్డి నేర మనస్తత్వానికి నిదర్శనమని ఆయన దుయ్యబట్టారు. పూజించాల్సిన గురువులపై క్రిమినల్ ముఠాలు దాడి చేస్తే ప్రభుత్వం చూస్తూ ఊరుకోదని, బాధ్యులైన వారిని వదిలిపెట్టే ప్రసక్తి లేదని ‘ఎక్స్’ (ట్విట్టర్) వేదికగా హెచ్చరించారు.

TGPSC Syllabus: పోటీ పరీక్షల సిలబస్ మార్పు.. TGPSC క్లారిటీ.. నిరుద్యోగులకు ఊరట!

విజయవాడలో స్పోర్ట్స్ కోటా టీచర్లపై దాడి ఘటన:

విజయవాడలోని శాప్ (SAAP) కార్యాలయం వద్ద అత్యుత్తమ ఆటతీరుతో రాష్ట్రానికి పేరు తెచ్చిన క్రీడాకారులు, స్పోర్ట్స్ కోటా టీచర్లపై వైకాపా ఫ్యాక్షన్ ముఠా దాడికి దిగింది. గతంలో ఉపాధ్యాయులను మద్యం దుకాణాల వద్ద కాపలా ఉంచిన జగన్ పాలనకు, ఇప్పటి ప్రభుత్వ గౌరవానికి ఎంతో వ్యత్యాసం ఉందన్నారు. స్పోర్ట్స్ కోటాలో అవకతవకలు జరిగాయంటూ ఫేక్ ఆరోపణలు చేస్తూ ఉపాధ్యాయులపై దాడి చేయడం జగన్ దుర్బుద్ధికి నిదర్శనమని, వైకాపా నేతలు వెంటనే పాఠశాలలు, ఉపాధ్యాయుల జోలికి రావడం మానుకోవాలని లోకేశ్ స్పష్టం చేశారు.

దోషులపై కఠిన చర్యలు.. సీపీకి ఆదేశాలు:

ఈ ఘటనను రాష్ట్ర ప్రభుత్వం అత్యంత తీవ్రంగా పరిగణించింది. దాడిలో పాల్గొన్న రౌడీషీటర్లు, గుండాలను వెంటనే అరెస్ట్ చేయాలని విజయవాడ పోలీస్ కమిషనర్‌కు ఉన్నతాధికారులు స్పష్టమైన ఆదేశాలు జారీ చేశారు. సీసీటీవీ దృశ్యాలు, వీడియో ఫుటేజీల ఆధారంగా దాడికి పాల్పడిన వారిని గుర్తించి, నాలుగు క్రిమినల్ కేసులు నమోదు చేస్తున్నారు. ముందుస్తు ప్రణాళికతోనే కర్రలు, రాడ్లు, రాళ్లతో దాడికి దిగినట్లు పోలీసులు అనుమానిస్తుండగా, మాచవరం, సూర్యారావుపేట, కృష్ణలంక పోలీస్ స్టేషన్లలో కేసులు నమోదు చేస్తున్నారు.