Vizianagaram Politics: విజయనగరంలో వైకాపాకు మరో షాక్.. టీడీపీలో చేరిన 3,500 మందికిపైగా నేతలు..

విజయనగరం (Vizianagaram Politics)జిల్లాలో చిన్న శ్రీను ఆధ్వర్యంలో 3,500 మందికిపైగా వైకాపా నేతలు, కార్యకర్తలు తెదేపాలో చేరారు.

Over 3500 ysrcp leaders and workers joined tdp in vizianagaram chipurupalli

Vizianagaram Politics: ఆంధ్రప్రదేశ్‌లోని విజయనగరం జిల్లా రాజకీయం తీవ్ర ఉత్కంఠను రేకెత్తిస్తోంది. జిల్లాలో ప్రతిపక్ష వైకాపాకు వరుసగా భారీ షాక్‌లు తగులుతున్నాయి. సీనియర్ నాయకుడు, మాజీ మంత్రి బొత్స సత్యనారాయణ మేనల్లుడు బొత్స చిన్న శ్రీను ఇటీవల వైకాపాను వీడి అధికార తెలుగుదేశం పార్టీ (TDP)లో చేరిన విషయం విదితమే. ఆయన చేరికతో మొదలైన వలసల పర్వం ఇప్పుడు మరింత ఉధృతంగా మారింది. స్థానిక సంస్థల ప్రతినిధులు, కీలక నాయకులు పెద్ద ఎత్తున తెదేపా తీర్థం పుచ్చుకోవడంతో వైకీపా శ్రేణుల్లో తీవ్ర గందరగోళం నెలకొంది.

PM Kisan 24th Installment: రైతులకు కేంద్రం గుడ్ న్యూస్.. పీఎం కిసాన్‌ 24వ విడత.. డబ్బులు జమ అయ్యేది ఎప్పుడంటే!

చీపురుపల్లి నియోజకవర్గంలో వైకాపా ఖాళీ.. తెదేపా కండువా కప్పుకున్న నేతలు:

తాజాగా బొత్స చిన్న శ్రీను, (Vizianagaram Politics)తెదేపా సీనియర్ నేత కళా వెంకట్రావు సమక్షంలో ఏకంగా 3,500 మందికిపైగా వైకాపా నాయకులు, కార్యకర్తలు పార్టీలో చేరారు. చీపురుపల్లి, గరివిడి, మెరకముడిదాం మండలాల పరిధిలోని 13 పంచాయతీలకు చెందిన వైకాపా శ్రేణులు ఈ భారీ చేరికల కార్యక్రమంలో భాగమయ్యాయి. మాజీ సర్పంచ్‌లు, ఎంపీటీసీలు, జడ్పీటీసీలు, గత ఐదేళ్ల వైకాపా హయాంలో వివిధ పదవుల్లో పనిచేసిన ప్రజాప్రతినిధులంతా ఒక్కసారిగా తెదేపా కండువా కప్పుకోవడంతో నియోజకవర్గంలో పార్టీ బలం ఒక్కసారిగా పుంజుకుంది.

బొత్స కోటలో గులాబీ, వైకాపాకు సెట్‌బ్యాక్.. ఊపందుకున్న తెదేపా హవా:

ఒకేసారి వేల సంఖ్యలో నాయకులు పార్టీని వీడటంతో బొత్స సత్యనారాయణ సొంత నియోజకవర్గమైన చీపురుపల్లిలో వైకాపా క్యాడర్ తీవ్రంగా దెబ్బతింది. కూటమి ప్రభుత్వ సంక్షేమ పథకాలు, అభివృద్ధి కార్యక్రమాలకు ఆకర్షితులై తామంతా తెదేపాలో చేరుతున్నామని పలువురు స్థానిక నేతలు స్పష్టం చేశారు. ఈ భారీ చేరికలతో విజయనగరం జిల్లా వ్యాప్తంగా తెలుగుదేశం పార్టీ శ్రేణుల్లో నూతనోత్సాహం వెల్లివిరుస్తుండగా, రాబోయే రోజుల్లో మరిన్ని చేరికలు ఉంటాయని స్థానిక తెదేపా నాయకత్వం ధీమా వ్యక్తం చేస్తోంది.