8th Pay Commission : కేంద్ర ప్రభుత్వ ఉద్యోగులు, పెన్షనర్లకు పండగే.. ఏ ఉద్యోగికి ఎంత జీతం పెరగనుంది? పూర్తి లెక్కలు మీకోసం..!

8th Pay Commission : కేంద్ర ప్రభుత్వ ఉద్యోగుల జీతాలు, పెన్షన్లు భారీగా పెరగనున్నాయి. వేతన సంఘం అమల్లోకి వచ్చిన తర్వాత గ్రేడ్ల వారీగా ఏ ఉద్యోగికి ఎంత జీతం పెరగనుందో పూర్తి లెక్కలను ఓసారి పరిశీలించండి..

8th Pay Commission

8th Pay Commission : 8వ వేతన సంఘం ఎప్పుడు అమల్లోకి వస్తుందా? అని కేంద్ర ప్రభుత్వ ఉద్యోగులు, పెన్షనర్లు ఎంతో ఆసక్తిగా ఎదురుచూస్తున్నారు. ఈ వేతన సంఘం అమల్లోకి వచ్చిన వెంటంనే భారీగా జీతాలు పెరగనున్నాయి. ఇంతకీ, ఏయే ఉద్యోగులకు ఎంతమేర జీతం పెరుగుతుంది? అసలు ఫిట్‌మెంట్ ఫ్యాక్టర్ ఎంత ఉండనుంది? డీఏ ఎంత పెంపు ఉంటుంది అనేక విషయాలపై కూడా దాదాపు క్లారిటీ వచ్చినట్టే కనిపిస్తోంది.

Read Also : 8th Pay Commission Update : బిగ్ అలర్ట్.. ఈసారి 2 విడతల్లో డీఏ విడుదల..? భారీగా పెరగనున్న పెన్షర్లు, ఉద్యోగుల జీతాలు..!

అదేగానీ జరిగితే.. ఉద్యోగుల వేతనాలు లక్ష వరకు పెరిగినా ఆశ్చర్యం పడనక్కర్లేదు. ఇప్పటికే, కేంద్ర ప్రభుత్వం 8వ వేతన సంఘం ఏర్పాటుకు ఆమోదం తెలిపిన సంగతి తెలిసిందే. దాంతో 50 లక్షల మంది ఉద్యోగులు, 65 లక్షల మంది పెన్షనర్లకు భారీగా ప్రయోజనాలు అందనున్నాయి. ఇప్పుడు ఉద్యోగులు, పెన్షనర్లలో ఇదే పెద్ద చర్చ నడుస్తోంది.

8వ వేతన సంఘం అమలు ఎప్పుడంటే? :
దేశవ్యాప్తంగా 1 కోటి మందికి పైగా ప్రభుత్వ ఉద్యోగులు, పెన్షనర్ల జీతం, పెన్షన్ పెరుగుతుంది. చాలా మంది కొత్త జీత కింద తమ నెలవారీ ఆదాయం ఎంత పెరుగుతుందో తెలుసుకోవాలని ఆసక్తి కనబరుస్తున్నారు. ముఖ్యంగా తమ వేతనాలు, పెన్షన్ ఎంతవరకు పెంచబోతున్నారే ఉత్కంఠ నెలకొంది.

గత 7వ వేతన సంఘం మాదిరిగానే జీతాల పెంపు ఉండనుందా? అనే చర్చ కూడా జరుగుతోంది. నివేదికల ప్రకారం.. ప్రధానంగా గ్రేడ్ల వారీగా లెవెల్ 1 నుంచి లెవెల్ 10 ఉద్యోగుల వరకు భారీగా వేతనాలు పెరుగుతాయని అంచనా వేస్తున్నారు. 8వ వేతన సంఘం వచ్చే ఏడాది అంటే 2026 జనవరి 1 నుంచి అమల్లోకి రానుందని అంటున్నారు.

ఫిట్‌మెంట్ ఫ్యాక్టర్ ఏంటి? :
ఫిట్‌మెంట్ ఫ్యాక్టర్ అనేది కనీస వేతనాన్ని పెంపును సూచిస్తుంది. 7వ వేతన సంఘంలో 2.57గా ఉంది. లెవల్ 1 కనీస వేతనం రూ.7,000 (6వ వేతన సంఘం) నుంచి రూ.18,000కి పెరిగింది. డియర్‌నెస్ అలవెన్స్ (DA), ఇంటి అద్దె అలవెన్స్ (HRA), రవాణా అలవెన్స్, ఇతర ప్రయోజనాలతో మొత్తం వేతనం రూ. 36,020గా ఉంటుంది.

ఫిట్‌మెంట్ కారకం 2.86 పెంపు అంచనా :
8వ వేతన సంఘంలో ఫిట్‌మెంట్ కారకాన్ని 2.86కి పెంచవచ్చునని అంటున్నారు. ఇదే జరిగితే, లెవల్ 1లో కనీస వేతనం రూ.18,000 నుంచి రూ.51,480కి పెరుగుతుంది. ఉద్యోగుల జీతం, పెన్షన్‌లో గణనీయమైన పెరుగుదల ఉండనుంది.

Read Also : PM Kisan : పీఎం కిసాన్ 19వ విడత : ఈ నెల 24నే రైతుల ఖాతాల్లోకి రూ. 2వేలు.. ఈరోజే మీ eKYC చేసుకోండి.. లేదంటే డబ్బులు పడవు!

8వ వేతన కమిషన్ జీతాల పెంపు.. ఏ ఉద్యోగికి ఎంతంటే? :

• లెవల్ 1 (ప్యూన్లు, అటెండర్లు, సపోర్ట్ స్టాఫ్): కనీస వేతనం రూ. 18వేల నుంచి రూ. 51,480కి పెరగవచ్చు. అంటే రూ. 33,480 పెంపు
• లెవల్ 2 (లోయర్ డివిజన్ క్లర్కులు) : కనీస వేతనం రూ.19,900 నుంచి రూ.56,914కి పెరగవచ్చు. రూ.37,014 పెంపు
• లెవల్ 3 (కానిస్టేబుల్స్, స్కిల్స్ స్టాఫ్) : కనీస వేతనం రూ.21,700 నుంచి రూ.62,062కి పెరగవచ్చు. రూ.40,362 పెంపు
• లెవల్ 4 (గ్రేడ్ డి స్టెనోగ్రాఫర్లు, జూనియర్ క్లర్కులు) : కనీస వేతనం రూ.25,500 నుంచి రూ.72,930కి పెరగవచ్చు. రూ.47,430 పెంపు
• లెవల్ 5 (సీనియర్ క్లర్కులు, సాంకేతిక సిబ్బంది) : కనీస వేతనం రూ.29,200 నుంచి రూ.83,512కి పెరగవచ్చు. రూ.54,312 పెంపు
• లెవల్ 6 (ఇన్స్పెక్టర్లు, సబ్-ఇన్స్పెక్టర్లు): కనీస వేతనం రూ.35,400 నుంచి రూ.1,01,244కి పెరగవచ్చు.. అంటే రూ.65,844 పెంపు
• లెవల్ 7 (సూపరింటెండెంట్లు, సెక్షన్ ఆఫీసర్లు, అసిస్టెంట్ ఇంజనీర్లు): కనీస వేతనం రూ.44,900 నుంచి రూ.1,28,414కి పెరగవచ్చు. రూ.83,514 పెంపు ఉండొచ్చు.
• లెవల్ 8 (సీనియర్ సెక్షన్ ఆఫీసర్లు, అసిస్టెంట్ ఆడిట్ ఆఫీసర్లు) : బేసిక్ పే రూ.47,600 నుంచి రూ.1,36,136కి పెరగవచ్చు. అంటే.. రూ.88,536 పెంపు
• లెవల్ 9 (డిప్యూటీ సూపరింటెండెంట్స్ ఆఫ్ పోలీస్, అకౌంట్స్ ఆఫీసర్స్) : బేసిక్ పే రూ.53,100 నుంచి రూ.1,51,866కి పెరగవచ్చు. రూ.98,766 పెంపు
• లెవల్ 10 (గ్రూప్ ఎ అధికారులు, ఎంట్రీ-లెవల్ సివిల్ సర్వీసెస్): కనీస వేతనం రూ. 56,100 నుంచి రూ. 1,60,446కు పెరగవచ్చు. రూ. 1,04,346 పెంపు ఉండొచ్చు.