ASSOCHAM: 2023-24 సంవత్సరానికి గానూ నూతన ఆఫీస్ బేరర్‌ని ఎన్నుకున్న అసోచామ్
వంద కంటే ఎక్కువ జాతీయ, ప్రాంతీయ సెక్టార్ కౌన్సిల్‌లతో, అసోచామ్ భారతీయ పరిశ్రమ యొక్క ప్రభావవంతమైన ప్రతినిధిగా వెలుగొందుతూ వస్తోంది. ఈ కౌన్సిల్‌లకు ప్రసిద్ధ పరిశ్రమ నాయకులు, విద్యావేత్తలు, ఆర్థికవేత్తలు, స్వతంత్ర నిపుణులు నాయకత్వం వహిస్తారు
- Published By: 10TV Digital Team ,Published On : June 28, 2023 / 08:06 PM IST
ASSOCHAM: అసోసియేటెడ్ ఛాంబర్స్ ఆఫ్ కామర్స్ అండ్ ఇండస్ట్రీ ఆఫ్ ఇండియా (అసోచామ్) తెలంగాణ, ఆంధ్రప్రదేశ్ స్టేట్ డెవలప్‌మెంట్ కౌన్సిల్‌ల ఛైర్మన్‌గా కటారు రవికుమార్ రెడ్డిని ఎన్నుకున్నారు. యాక్సిస్ ఎనర్జీ గ్రూప్ ఛైర్మన్, మేనేజింగ్ డైరెక్టర్ అయిన రవి రెడ్డి 2023-24 సంవత్సరానికి గానూ అసోచామ్ ఛైర్మన్‌గా బాధ్యతలు స్వీకరించారు.
Modi’s US Visit: ప్రధాని మోదీ అమెరికా పర్యటన ద్వైపాక్షిక సంబంధాలను నూతన శిఖరాలకు తీసుకువెళ్లింది.. అసోచామ్
ఆయన భారీ స్థాయి మౌలిక సదుపాయాలు, విద్యుత్ ప్రాజెక్టులలో తన రెండు దశాబ్దాల అనుభవం ద్వారా విజయాన్ని పునర్నిర్వచించిన మొదటి తరం వ్యవస్థాపకులు. అతను రవాణా, మైనింగ్ వంటి ఇతర వ్యాపార రంగాలలో ప్రవేశించి అనేక విజయాల్ని సాధించారు. అసోసియేటెడ్ ఛాంబర్స్ ఆఫ్ కామర్స్ & ఇండస్ట్రీ ఆఫ్ ఇండియా అనేది 1920 నుంచి దేశానికి సేవలందిస్తున్న దేశంలోని పురాతన అపెక్స్ ఛాంబర్. అసోచామ్ 400 కంటే ఎక్కువ సంఘాలు, సమాఖ్యలు, ప్రాంతీయ ఛాంబర్‌లను కలిగి ఉంది.
వంద కంటే ఎక్కువ జాతీయ, ప్రాంతీయ సెక్టార్ కౌన్సిల్‌లతో, అసోచామ్ భారతీయ పరిశ్రమ యొక్క ప్రభావవంతమైన ప్రతినిధిగా వెలుగొందుతూ వస్తోంది. ఈ కౌన్సిల్‌లకు ప్రసిద్ధ పరిశ్రమ నాయకులు, విద్యావేత్తలు, ఆర్థికవేత్తలు, స్వతంత్ర నిపుణులు నాయకత్వం వహిస్తారు. దేశం యొక్క అభివృద్ధి ఆకాంక్షలతో పరిశ్రమ యొక్క క్లిష్టమైన అవసరాలు, ప్రయోజనాలను సమలేఖనం చేయడంపై ఛాంబర్ దృష్టి సారిస్తుంది.
