Best 5G Mobile Phones : కొత్త స్మార్ట్‌ఫోన్ కొంటున్నారా? రూ. 10వేల లోపు ధరలో బెస్ట్ 5జీ మొబైల్ ఫోన్లు ఇవే..!

Best 5G Mobile Phones : డిసెంబర్ 2024లో రూ. 10వేల లోపు బెస్ట్ 5జీ మొబైల్ ఫోన్‌ల జాబితాను ఓసారి లుక్కేయండి.

Best 5G Mobile Phones

Best 5G Mobile Phones : కొత్త స్మార్ట్‌ఫోన్ కొనేందుకు ప్లాన్ చేస్తున్నారా? భారత మార్కెట్లో అనేక కొత్త బ్రాండ్ల ఫోన్లు అందుబాటులో ఉన్నాయి. అయితే, ఏ ఫోన్ కొంటే బెటర్ అనేది ఎంచుకోవడం కష్టమే. ప్రతి నెలా లాంచ్ అయ్యే అనేక కొత్త ఫోన్లతో నిర్దిష్ట అవసరాలకు సరిపోయే ఫోన్ కొనుగోలు చేయడం కష్టమవుతుంది. ఈ గందరగోళాన్ని తగ్గించేందుకు మోటోరోలా, వివో, ఇన్ఫినిక్స్ వంటి మరిన్ని బ్రాండ్‌ల నుంచి ఫోన్‌లతో రూ. 10వేల లోపు కొనుగోలు చేయగల టాప్ స్మార్ట్‌ఫోన్‌ల జాబితాను మీకోసం అందిస్తున్నాం. డిసెంబర్ 2024లో రూ. 10వేల లోపు బెస్ట్ 5జీ మొబైల్ ఫోన్‌ల జాబితాను ఓసారి లుక్కేయండి.

1) మోటో జీ35 5జీ :
మోటో జీ35 5జీ ఫోన్ 120Hz రిఫ్రెష్ రేట్, 240Hz టచ్ శాంప్లింగ్ రేట్‌తో 6.72-అంగుళాల ఫుల్ హెచ్‌డీ+ ఎల్‌సీడీ డిస్‌ప్లేను కలిగి ఉంది. ఈ ఫోన్ 1,000 నిట్‌ల గరిష్ట ప్రకాశాన్ని కలిగి ఉంది. ఫ్రంట్ సైడ్ కార్నింగ్ గొరిల్లా గ్లాస్ 3 ద్వారా ప్రొటెక్షన్ అందిస్తుంది. హుడ్ కింద, ఫోన్ 6ఎన్ఎమ్ ప్రాసెస్ ఆధారంగా యూనిసోక్ టీ760 ప్రాసెసర్ ద్వారా పవర్ పొందుతుంది. గ్రాఫిక్స్-ఇంటెన్సివ్ టాస్క్‌లను నిర్వహణకు మాలి-జీ57 ఎంసీ4 జీపీయూతో వస్తుంది. ఈ స్మార్ట్‌ఫోన్ గరిష్టంగా 4జీబీ వరకు ఎల్‌పీడీడీఆర్4ఎక్స్ ర్యామ్, 128జీబీ వరకు యూఎఫ్ఎస్ 2.2 స్టోరేజీతో వస్తుంది. మోటో జీ35 5జీ ఆండ్రాయిడ్ 14 ఆధారంగా మోటోరోలా కస్టమ్ స్కిన్‌పై రన్ అవుతుంది.

లెనోవో సబ్-బ్రాండ్ 2 ఏళ్ల సెక్యూరిటీ ప్యాచ్‌లను అందిస్తుంది. 18డబ్ల్యూ ఫాస్ట్ ఛార్జింగ్‌కు సపోర్టుతో 5,000mAh బ్యాటరీని కలిగి ఉంది. ఆప్టిక్స్ పరంగా, ఫోన్ 50ఎంపీ ప్రైమరీ సెన్సార్, 8ఎంపీ అల్ట్రా-వైడ్ యాంగిల్ లెన్స్‌తో డ్యూయల్ కెమెరా సెటప్‌తో వస్తుంది. ఫ్రంట్ సైడ్ సెల్ఫీలు, వీడియో కాల్స్ కోసం 16ఎంపీ షూటర్ ఉంది. ఈ ఫోన్ అన్‌లాక్ చేయడానికి ఫోన్ సైడ్-మౌంటెడ్ ఫింగర్ ప్రింట్ స్కానర్‌తో వస్తుంది. డాల్బీ అట్మోస్‌తో 3.5ఎమ్ఎమ్ హెడ్‌ఫోన్ జాక్, స్టీరియో స్పీకర్లు కూడా ఉన్నాయి. నీటి స్ప్లాష్‌లు, తేలికపాటి వర్షం నుంచి ఫోన్‌ను రక్షించడానికి ఐపీ52 రేటింగ్ ఉంది.

2) ఇన్ఫినిక్స్ హాట్ 50 5జీ :
ఇన్ఫినిక్స్ హాట్ 50 5జీ ఫోన్ 1600×720 పిక్సెల్‌ల రిజల్యూషన్, 120Hz రిఫ్రెష్ రేట్‌తో 6.7-అంగుళాల హెచ్‌డీ+ ఎల్‌సీడీ డిస్‌ప్లేను కలిగి ఉంది. మీడియాటెక్ డైమెన్సిటీ 6300 ప్రాసెసర్‌తో ఆధారితంగా పనిచేస్తుంది. గ్రాఫిక్స్-ఇంటెన్సివ్ టాస్క్‌ల నిర్వహణకు మాలి జీ57 ఎంసీ2 జీపీయూతో వస్తుంది. 8జీబీ వరకు ఎల్‌పీడీడీఆర్4ఎక్స్ ర్యామ్, 128జీబీ వరకు యూఎఫ్ఎస్ 2.2 స్టోరేజ్‌తో వస్తుంది. మైక్రో ఎస్‌డీ కార్డ్ స్లాట్ ద్వారా 1టీబీ వరకు స్టోరేజ్ విస్తరణకు సపోర్టు ఇస్తుంది.

ఆప్టికల్‌గా ఈ ఫోన్ 48ఎంపీ సోనీ ఐఎమ్ఎక్స్582 ప్రైమరీ సెన్సార్, డ్యూయల్ ఎల్ఈడీ ఫ్లాష్‌తో కూడిన డెప్త్ సెన్సార్‌తో వస్తుంది. సెల్ఫీల కోసం వీడియో కాల్స్ చేసేందుకు 8ఎంపీ అల్ట్రా-వైడ్ యాంగిల్ లెన్స్ కూడా ఉంది. హాట్ 50 5జీ 5,000mAh బ్యాటరీతో 18డబ్ల్యూ వరకు ఫాస్ట్ ఛార్జింగ్‌కు సపోర్టు అందిస్తుంది. ఆండ్రాయిడ్ 14 ఆపరేటింగ్ సిస్టమ్‌పై ఆధారపడిన ఎక్స్ఓఎస్ 14.5పై రన్ అవుతుంది. వెట్ టచ్ రెసిస్టెన్స్ ఫీచర్‌కు సపోర్ట్‌తో డస్ట్, స్ప్లాష్ రెసిస్టెన్స్ కోసం ఐపీ54 రేటింగ్ కూడా కలిగి ఉంది.

3) రియల్‌మి సి63 :
రియల్‌మి సి63 ఫోన్ 6.67-అంగుళాల హెచ్‌డీ+ స్క్రీన్ (1604 x 720 పిక్సెల్‌లు) 120Hz వరకు డైనమిక్ రిఫ్రెష్ రేట్, 240Hz టచ్ శాంప్లింగ్ రేట్, 625నిట్స్ గరిష్ట ప్రకాశాన్ని కలిగి ఉంది.
ఆక్టా-కోర్ మీడియాటెక్ డైమెన్సిటీ 6300 6ఎన్ఎమ్ ప్రాసెసర్ ద్వారా పవర్ పొందుతుంది. గ్రాఫిక్స్ ఇంటెన్సివ్ టాస్క్‌ల నిర్వహణకు ఆర్మ్ మాలి-జీ57 ఎంసీ2 జీపీయూతో వస్తుంది. రియల్‌‌మి సి63 8జీబీ వరకు ఎల్‌పీడీడీఆర్4ఎక్స్ ర్యామ్, 128జీబీ వరకు యూఎఫ్ఎస్ 2.2 స్టోరేజీతో వస్తుంది. మైక్రో ఎస్‌డీ కార్డ్ స్లాట్ ద్వారా గరిష్టంగా 2టీబీ మెమరీ విస్తరణకు సపోర్టు ఇస్తుంది. రియల్‌మి సి63 5000mAh (సాధారణ) బ్యాటరీతో 10డబ్ల్యూ త్వరిత ఛార్జ్‌కు సపోర్టు ఇస్తుంది. రియల్‌మి యూఐ 5.0 పైన ఆండ్రాయిడ్ 14లో రన్ అవుతుంది. చైనీస్ స్మార్ట్‌ఫోన్ తయారీదారు 2 ఏళ్ల ఓఎస్ అప్‌డేట్స్ అందిస్తోంది.

4) వివో T3 లైట్ :
వివో టీ3 లైట్ 5జీ ఫోన్ 90Hz రిఫ్రెష్ రేట్‌తో 6.56-అంగుళాల హెచ్‌డీ+ ఎల్‌సీడీ డిస్‌ప్లేను 840 నిట్‌ల గరిష్ట ప్రకాశాన్ని కలిగి ఉంది. ఈ ఫోన్ సైడ్-మౌంటెడ్ ఫింగర్ ప్రింట్ సెన్సార్, 3.5ఎమ్ఎమ్ జాక్, డస్ట్, స్ప్లాష్ రెసిస్టెన్స్ కోసం ఐపీ64 రేటింగ్‌తో వస్తుంది. 6ఎన్ఎమ్ ప్రాసెస్ ఆధారంగా మీడియాటెక్ డైమెన్సిటీ 6300 చిప్‌సెట్ ద్వారా పవర్ పొందుతుంది.

అన్ని గ్రాఫిక్స్ ఇంటెన్సివ్ టాస్క్‌లను నిర్వహించేందుకు మాలి-జీ57 ఎంసీ2 జీపీయూతో వస్తుంది. 6జీబీ వరకు ఎల్ పీడీడీఆర్4ఎక్స్ ర్యామ్, 128జీబీ వరకు ఇఎమ్ఎమ్‌సీ5.1 స్టోరేజీకి సపోర్టు ఉంది. అంతేకాకుండా, వినియోగదారులు 1టీబీ వరకు మైక్రో ఎస్‌డీ కార్డ్ స్లాట్‌ని ఉపయోగించడం ద్వారా స్టోరేజీని మరింత విస్తరించుకోవచ్చు. కెమెరా వారీగా, టీ3 లైట్ 5జీ 50ఎంపీ ప్రైమరీ సెన్సార్, సెకండరీ 2ఎంపీ డెప్త్ సెన్సార్‌తో బ్యాక్ డ్యూయల్ షూటర్ సెటప్‌తో వస్తుంది. ఫ్రంట్ సైడ్ 8ఎంపీ సెల్ఫీ షూటర్ కూడా ఉంది.

Read Also : Year Ender 2024 : ఈ ఏడాదిలో గూగుల్ సెర్చ్‌ జాబితాలో భారతీయులు ఎక్కువగా వెతికిన ఆసక్తికర అంశాలు ఇవే..!