Voice Only Plans: మొబైల్ వినియోగదారులకు దీపావళి కానుక.. వాయిస్ ఓన్లీ ప్లాన్లు వచ్చేశాయ్.. రూ.149కే అన్‌లిమిటెడ్ టాక్‌టైమ్!

Diwali recharge offers jio airtel vi launch cheap voice only plans under 200

Voice Only Plans: మొబైల్ వినియోగదారులకు ఈ దీపావళి పండుగ వేళ ప్రముఖ టెలికాం కంపెనీల నుంచి భారీ ఊరట లభించింది. పండుగ సందర్బాన్ని పురస్కరించుకుని ప్రముఖ టెలికాం దిగ్గజాలైన రిలయన్స్ జియో, భారతీ ఎయిర్‌టెల్, వొడాఫోన్ ఐడియా (Vi)తో పాటు ప్రభుత్వ రంగ సంస్థ బీఎస్‌ఎన్‌ఎల్ (BSNL) సంచలన నిర్ణయం తీసుకున్నాయి. డేటాతో సంబంధం లేకుండా కేవలం వాయిస్ కాల్స్ మాత్రమే కోరుకునే వారి కోసం సరికొత్త టారిఫ్ ప్లాన్లను(Voice Only Plans) మార్కెట్లోకి అందుబాటులోకి తీసుకొచ్చాయి. ప్రతి నెలా రీఛార్జ్ చార్జీల భారాన్ని ఎదుర్కొంటున్న సామాన్యులకు, సెకండరీ సిమ్ వాడేవారికి ఇది పెద్ద ఉపశమనంగా మారింది.

Telangana Heavy Rains: తెలంగాణలో మురసు తుఫాన్ బీభత్సం.. కుండపోత వర్షాలతో జలమయమైన జిల్లాలు.. వాతావరణ శాఖ కీలక హెచ్చరికలు!

డాట్ ఆదేశాలతో మార్కెట్లోకి.. రూ.200 లోపే ఆఫర్లు:

ఇంతకుముందు డేటా అవసరం లేకపోయినా అన్‌లిమిటెడ్ కాల్స్ కోసం భారీ మొత్తంలో చెల్లించి కాంబో ప్లాన్లు తీసుకోవాల్సి వచ్చేది. ఈ పరిస్థితిని మారుస్తూ టెలికాం నిబంధనల సంస్థ ‘డాట్’ ఇచ్చిన స్పష్టమైన ఆదేశాలతో కంపెనీలన్నీ ప్రత్యేక వాయిస్ ఓన్లీ ప్లాన్లను రూపొందించాయి. వీటికి ఆరంభ ధర రూ.149 నుంచే నిర్ణయించడం విశేషం. ఇంట్లో వైఫై సౌకర్యం ఉన్నవారు, ఇంటర్నెట్ పెద్దగా ఉపయోగించని పెద్దవారు, సెకండ్ సిమ్‌ను కేవలం ఇన్‌కమింగ్, అవుట్‌గోయింగ్ కాల్స్ కోసం మాత్రమే నిర్వహించే వినియోగదారులకు ఈ ప్లాన్లు ఎంతో ఆర్థికంగా లాభసాటిగా మారనున్నాయి.

జియో, ఎయిర్‌టెల్ బంపర్ ఆఫర్లు.. తక్కువ ధరకే ఎక్కువ వ్యాలిడిటీ:

* రిలయన్స్ జియో రూ.147కే 22 రోజుల వ్యాలిడిటీతో అన్‌లిమిటెడ్ కాల్స్, 300 SMSల ప్లాన్ అందించగా; 28 రోజులకు రూ.177, 30 రోజులకు రూ.196, మరియు 84 రోజులకు రూ.448 ప్లాన్లను తెచ్చింది. అలాగే 336 రోజుల సుదీర్ఘ వ్యాలిడిటీ ప్లాన్ ధర రూ.1,748గా నిర్ణయించింది.

* ఎయిర్‌టెల్ సంస్థ 28 రోజుల వ్యాలిడిటీకి రూ.185, 30 రోజులకు రూ.203, 84 రోజులకు రూ.469, ఏడాది (365 రోజులు) వ్యాలిడిటీకి రూ.1,849 చొప్పున ప్లాన్లను అందుబాటులోకి తెచ్చింది.

వొడాఫోన్ ఐడియా ఆఫర్లు.. వినియోగదారుల పోకెట్‌కు తగిన ప్లాన్లు:

* టెలికాం రేసులో వెనుకబడకుండా వొడాఫోన్ ఐడియా (Vi) కూడా పోటీపడి వాయిస్ ఓన్లీ ఆఫర్లను ప్రకటించింది. వి ఐడియా 25 రోజుల వ్యాలిడిటీ గల వాయిస్ ప్లాన్‌ను రూ.179కి, 28 రోజుల వ్యాలిడిటీ ప్లాన్‌ను రూ.158కి, 30 రోజుల వ్యాలిడిటీ ప్లాన్‌ను రూ.203కే అందిస్తోంది.

రీఛార్జ్ ప్యాక్‌ల ధరలు అమాంతం పెరిగిన వేళ, వినియోగదారులు తమ అవసరానికి తగినట్లుగా కేవలం కాలింగ్ సౌకర్యాన్నే ఎంచుకునేందుకు ఈ నూతన దీపావళి ప్లాన్లు ఎంతగానో తోడ్పడనున్నాయి.