Gold-Silver Prices Today: పసిడి ప్రియులకు షాక్.. మళ్లీ పెరిగిన బంగారం, వెండి ధరలు.. హైదరాబాద్లో తులం రేటు ఎంతంటే?
దేశీయ కమోడిటీ మార్కెట్తో పాటు బులియన్ మార్కెట్లోనూ పసిడి, వెండి(Gold-Silver Prices Today) ధరలు మళ్లీ లాభాల బాట పట్టాయి.
- Published By: V Santhosh Kumar , Published On : September 22, 2026 / 10:18 AM IST
Gold And Silver Rates Today 22 September 2026 In Hyderabad Visakhapatnam Full Details
Gold-Silver Prices Today: దేశీయ కమోడిటీ మార్కెట్తో పాటు బులియన్ మార్కెట్లోనూ పసిడి, వెండి ధరలు మళ్లీ లాభాల బాట పట్టాయి. అంతర్జాతీయ మార్కెట్లో సానుకూల పరిణామాలు, డాలర్ విలువలో మార్పులు, అమెరికా వడ్డీ రేట్ల అంచనాల ప్రభావంతో మంగళవారం ఉదయం బంగారం, వెండి రేట్లు స్వల్పంగా పెరిగాయి. 24 క్యారెట్ల బంగారం 10 గ్రాములకు రూ.345 పెరిగి రూ.1,53,435 వద్ద నమోదు కాగా, కిలో వెండి ధర రూ.843 పెరిగి రూ.2,40,160కి చేరింది.
హైదరాబాద్ బులియన్ మార్కెట్ తాజా రేట్లు:
దేశీయ ఫ్యూచర్స్ ట్రెండ్కు అనుగుణంగా హైదరాబాద్ బులియన్ మార్కెట్లోనూ బంగారం(Gold-Silver Prices Today) రేట్లు పెరిగాయి. నగరంలో 24 క్యారెట్ల స్వచ్ఛమైన బంగారం 10 గ్రాములకు రూ.310 పెరిగి రూ.1,54,050 వద్ద కొనసాగుతోంది. ఇక సాధారణ ఆభరణాల తయారీకి ఉపయోగించే 22 క్యారెట్ల బంగారం ధర 10 గ్రాములకు రూ.1,41,210గా నమోదైంది. పసిడి ప్రేమికులు, జువెలరీ కొనుగోలుదారులు ఈ మార్పులను గమనించి వ్యాపారం సాగించడం మేలు.
పెరిగిన వెండి ధర.. కొనుగోలుదారులకు సూచనలు:
బంగారంతో పాటే వెండికి కూడా హైదరాబాద్ మార్కెట్లో పారిశ్రామిక వినియోగం, ఇన్వెస్టర్ల డిమాండ్ తోడవడంతో కిలోపై రూ.700 పెరిగి ధర రూ.2,40,050 వద్దకు చేరుకుంది. అయితే మార్కెట్లో ధరలు రోజంతా హెచ్చుతగ్గులకు లోనయ్యే అవకాశం ఉన్నందున, కొనుగోలుదారులు షాపుల్లో తుది బిల్లు చెల్లించేటప్పుడు బంగారం బేస్ రేట్తో పాటు 3% జిఎస్టీ, తరుగు, మేకింగ్ ఛార్జీలను పరిగణనలోకి తీసుకుని నిర్ణయం తీసుకోవాలని నిపుణులు సూచిస్తున్నారు.
