Google Pixel 9 : వావ్.. వండర్‌ఫుల్ ఆఫర్.. గూగుల్ పిక్సెల్ 9పై అద్భుతమైన డిస్కౌంట్.. లిమిటెడ్ ఆఫర్.. ఇంకా ధర తగ్గాలంటే?
Google Pixel 9 Discount : కొత్త ఫోన్ కావాలా? గూగుల్ పిక్సె్ల్ 9పై అదిరే ఆఫర్ అందిస్తోంది. విజయ్ సేల్స్ సందర్భంగా గూగుల్ పిక్సెల్ 9పై ఏకంగా రూ.8500 డిస్కౌంట్ పొందవచ్చు. ఈ డీల్ ఎలా పొందాలంటే?
- Published By: 10TV Digital Team ,Published On : March 29, 2025 / 04:29 PM IST
Google Pixel 9 Discount
Google Pixel 9 Discount : కొత్త స్మార్ట్‌ఫోన్ కోసం చూస్తున్నారా? సెర్చ్ ఇంజిన్ దిగ్గజం గూగుల్ సొంత బ్రాండ్ పిక్సెల్ 9పై అద్భుతమైన డిస్కౌంట్ అందిస్తోంది. మీరు కూడా ఈ డీల్ కోసం చూస్తుంటే ఇదే సరైన సమయం. విజయ్ సేల్స్‌లో గూగుల్ పిక్సెల్ ఫోన్‌పై రూ. 8,500 డిస్కౌంట్ అందిస్తోంది.
మీ పాత ఫోన్ అప్‌గ్రేడ్ చేసుకుంటే ఇంకా తక్కువ ధరకు వస్తుంది. ఈ డీల్ రిటైలర్ అధికారిక వెబ్‌సైట్‌లో అందుబాటులో ఉంది. మీరు ఈ డీల్ పొందాలంటే వెంటనే కొనేసుకోవడం బెటర్. ఇలాంటి డిస్కౌంట్లు ఎక్కువకాలం ఉండవు. స్టాక్‌లు త్వరగా అయిపోవచ్చు. మీరు ఆఫర్‌ను ఎలా పొందాలో ఇప్పుడు తెలుసుకుందాం.
గూగుల్ పిక్సెల్ 9 డీల్ :
భారత మార్కెట్లో గూగుల్ పిక్సెల్ 9 ఫోన్ రూ.79,999 ప్రారంభ ధరకు లాంచ్ అయింది. విజయ్ సేల్స్ వెబ్‌సైట్‌లో ఈ స్మార్ట్‌ఫోన్ ప్రస్తుతం రూ.74,999కి అందుబాటులో ఉంది. వాస్తవ ధర కన్నా రూ.5వేలు తక్కువగా ఉంటుంది. అదనంగా, హెచ్‌డీఎఫ్‌సీ బ్యాంక్ క్రెడిట్ కార్డ్/డెబిట్ కార్డ్ యూజర్లు ఈఎంఐ లావాదేవీలపై రూ.3,500 డిస్కౌంట్ పొందవచ్చు.
పిక్సెల్ 9 స్పెసిఫికేషన్లు, ఫీచర్లు :
గూగుల్ పిక్సెల్ 9 ఫోన్ 6.9-అంగుళాల OLED డిస్‌ప్లేను కలిగి ఉంది. ఈ డిస్‌ప్లే (1080 x 2424) పిక్సెల్స్ రిజల్యూషన్, 120Hz రిఫ్రెష్ రేట్, HDR సపోర్ట్, 2700 నిట్స్ పీక్ బ్రైట్‌నెస్ కలిగి ఉంది. అలాగే, స్క్రీన్ గొరిల్లా గ్లాస్ విక్టస్ 2 ద్వారా ప్రొటెక్షన్ అందిస్తుంది. గూగుల్ పిక్సెల్ 9 టెన్సర్ G4 ప్రాసెసర్‌తో రన్ అవుతుంది. 12GB వరకు ర్యామ్, 256GB స్టోరేజీతో వస్తుంది. ఇంకా, ఈ ఫ్లాగ్‌షిప్ హ్యాండ్‌సెట్ 45W ఫాస్ట్ ఛార్జింగ్ సపోర్ట్‌తో 4700mAh బ్యాటరీతో వస్తుంది.
ఫోటోగ్రఫీ విషయానికి వస్తే.. పిక్సెల్ 9 బ్యాక్ సైడ్ డ్యూయల్ కెమెరా సెటప్‌ను కలిగి ఉంది. ఈ కెమెరా సెటప్‌లో OISతో కూడిన 50MP మెయిన్ కెమెరా, 48MP అల్ట్రావైడ్ లెన్స్ ఉన్నాయి. సెల్ఫీల విషయానికి వస్తే 10.5MP ఫ్రంట్ కెమెరా కూడా ఉంది.
