విజయవాడ: పారిశ్రామికవేత్త, ఎక్స్‌ప్రెస్ టీవీ ఛైర్మన్ చిగురుపాటి జయరామ్ హత్యకేసులో పోలీసులు దర్యాప్తు ముమ్మరం చేశారు. పోలీసుల విచారణలో జయరామ్ మేనకోడలు
విజయవాడ: పారిశ్రామికవేత్త, ఎక్స్‌ప్రెస్ టీవీ ఛైర్మన్ చిగురుపాటి జయరామ్ హత్యకేసులో పోలీసులు దర్యాప్తు ముమ్మరం చేశారు. పోలీసుల విచారణలో జయరామ్ మేనకోడలు శ్రిఖాచౌదరి సంచలన విషయాలు బయటపెట్టింది. తనకు జయరామ్‌కు వివాహేతర సంబంధం ఉందన్న శ్రిఖాచౌదరి.. రాకేష్ రెడ్డితో డేటింగ్‌ చేశానని అంగీకరించింది. రాకేష్‌రెడ్డి జయరామ్‌కు నాలుగున్నర కోట్లు అప్పుగా ఇచ్చాడని అవి తిరిగి ఇవ్వక పోవడంతో.. రాకేష్‌కు తమపై కోపం పెంచుకున్నాడని తెలిపింది. రాకేష్‌తో గొడవలు జరుగుతున్నప్పుడే శ్రీకాంత్ పరిచయం అయ్యాడని శ్రిఖా తెలిపింది.
జయరామ్ హత్య జరిగిన రోజు శ్రీకాంత్‌తో లాంగ్ డ్రైవ్‌కు వెళ్లానన్న శ్రిఖా.. జయరామ్ రోడ్డు ప్రమాదంలో మృతి చెందినట్లు అమ్మ ఫోన్ చేసి చెప్పిందని తెలిపింది. తాను, శ్రీకాంత్ కలిసి వెళ్లి జూబ్లిహిల్స్‌లోని జయరామ్ ఇంట్లో నాకు రాసిచ్చిన 10ఎకరాల డాక్యుమెంట్ల కోసం వెతికామని శ్రిఖా తెలిపింది. తర్వాత జయరామ్ డెడ్‌బాడీ చూడటానికి విజయవాడ వెళ్లానని చెప్పింది. జయరామ్ మామయ్య వ్యక్తిగతంగా మంచివ్యక్తి కాదన్న శ్రిఖా తనతో పాటు చెల్లెలిని సెక్స్‌వల్‌గా వేధించేవాడని తెలిపింది. చెల్లికి మామయ్యే మెడికల్ సీట్ ఇప్పించాడని.. మామయ్య వేధింపులు తట్టుకోలేకే చెల్లి దూరంగా ఉంటోందని చెప్పింది. మేనకోడలినైన తనతోనూ శారీరక సుఖం కోరుకునేవాడని శ్రిఖా చెప్పింది.. ఇదంతా తన వ్యక్తిగత జీవితం..తనకు నచ్చింది కాబట్టి ఒప్పుకున్నానని శ్రిఖా చెప్పింది. పోలీసుల విచారణకు పూర్తిగా సహకరిస్తానని తెలిపింది.
పోలీసుల విచారణలో సంచలన విషయాలు వెల్లడించిన శ్రిఖాచౌదరి:
* జయరాం మామయ్యతో వివాహేతర సంబంధం నిజమే
* ఓ విల్లా విషయంలో నాకు, రాకేష్‌రెడ్డికి మధ్య గొడవ జరిగింది
* నాకు రెండు పెళ్లిళ్లు అయ్యాయి
* ఇద్దరితో విడాకులు తీసుకున్నా
* రాకేష్ పరిచయం కావడంతో రెండో భర్తను వదిలేశా
* రాకేష్‌ను పెళ్లి చేసుకుందామనుకున్నా
* మామయ్య జయరామ్ వల్ల రాకేష్‌కు దూరం కావాల్సి వచ్చింది
* జయరాంకు రాకేష్‌ను నేనే పరిచయం చేశా
* రాకేష్‌కు సొంత వ్యాపారం అంటూ ఏమీ లేదు
* జయరాంకు రాకేష్ రూ.4.5కోట్లు అప్పు ఇచ్చాడు
* చెక్ పవర్ అత్త చేతిలో ఉండటం వల్ల మామయ్య ఆర్థిక ఇబ్బందులు ఎదుర్కొన్నారు
* అందుకే మామయ్య చాలామంది దగ్గర అప్పు చేశారు
* ఆ డబ్బు మామయ్య సకాలంలో తిరిగి చెల్లించలేదు
* ఈ విషయంలో రాకేష్‌కు నాకు తరచూ గొడవలు జరిగేవి
* నేను దూరం కావడానికి మామయ్యే కారణం అని తెలిసి మామయ్య జయరాంపై రాకేష్ పగ పెంచుకున్నాడు
* జయరాం హత్యకు నాకు ఎలాంటి సంబంధం లేదు
* హత్య జరిగిన రోజు శ్రీకాంత్‌తో వికారాబాద్‌కు లాంగ్ డ్రైవ్‌కు వెళ్లా
* ఉ. 6గంటలకు అమ్మ ఫోన్ చేసి మామయ్య రోడ్డు ప్రమాదంలో చనిపోయారని చెప్పింది
* నేను, శ్రీకాంత్ కలిసి మామయ్య ఇంటికి వెళ్లి జగ్గయ్యపేటలో నాకు రాసిచ్చిన 10 ఎకరాల భూమి పత్రాల కోసం వెతికాం
* తర్వాత మామయ్యను మృతదేహాన్ని చూసేందుకు విజయవాడ వెళ్లాం
* మామయ్య జయరాం వ్యక్తిగతంగా మంచోడు కాదు
* నన్ను, చెల్లిని లైంగికంగా వేధించారు
* చెల్లికి మామయ్యే మెడికల్ సీట్ ఇప్పించారు
* మామయ్య వేధింపులు తట్టుకోలేక చెల్లి దూరంగా ఉంటుందో
* మేనకోడలినైన నాతోనూ శారీరక సుఖం కోరుకునేవాడు
* ఇదంతా నా వ్యక్తిగత జీవితం.. నాకు నచ్చింది కాబట్టి ఒప్పుకున్నా
* పోలీసుల విచారణకు పూర్తిగా సహకరిస్తా
