Thane: ముంబై నగరంలో జరిగిన ఒక దారుణం వెలుగులోకి వచ్చింది. పనిష్మెంట్ పేరుతో ఎన్సీసీ క్యాడెట్లను ఒక సీనియర్ అత్యంత ఉన్మాదంగా కొడుతున్న వీడియో ఒకటి సోషల్ మీడియాలో చక్కర్లు కొడుతోంది. నగరంలోని థానేలో ఉన్న ఒక కాలేజీకి సంబంధించిన వీడియో ఇంది. కుండపోత వర్షంలో జూనియర్ క్యాడెట్లను తల నేలకు ఆనేలా ఒంగోబెట్టారు, అయితే అది సరిగా చేయలేని వారిని కర్రలతో అత్యంత అమానుషంగా కొట్టారు. ఈ వీడియోను నెట్టింట్లో షేర్ చేస్తూ యూజర్లు తీవ్ర ఆగ్రహం వ్యక్తం చేస్తున్నారు. వీడియో చూసి షాక్ తిన్నామని, నిందితులతో పాటు కళాశాల ప్రిన్సిపాల్‌పై చర్యలు తీసుకోవాలని నెటిజెన్లు డిమాండ్ చేస్తున్నారు.
Kamaal R Khan: భారత ముస్లింలు హిందూ మతంలోకి మారాలట.. సలహా ఇచ్చిన బాలీవుడ్ సినీ క్రిటిక్
ఈ వ్యవహారం జోషి-బెడేకర్ అనే కాలేజీకి సంబంధించినది. సుమారు 8 మంది విద్యార్థులను వరుసగా పుష్-అప్ పొజిషన్‌లో పడుకోబెట్టారు. విద్యార్థులు బురదలో తలలు పెట్టుకున్నారు. ఒక సీనియర్ విద్యార్థి చేతిలో చెక్క కర్రతో నిలబడి ఉన్నాడు. ఏ విద్యార్థి అయినా కొంచెం కదిలితే చెక్క కర్రలతో కనికరం లేకుండా కొట్టడం వీడియోలో చూడొచ్చు. కొట్టడం అమానుషంగా ఉండడంతో విద్యార్థులు కన్నీరుమున్నీరుగా విలపిస్తున్నారు.
ये कैसी ट्रेनिंग? pic.twitter.com/wLziIZHESo
— Bholanath Sharma ?? (@bholanathlive) August 3, 2023
ఈ వీడియోను అదే కాలేజీకి చెందిన ఓ విద్యార్థి దొంగచాటుగా రికార్డ్ చేసింది. ఈ సీనియర్ విద్యార్థుల భీభత్సం జూనియర్ విద్యార్థులను భయాందోళనకు గురిచేస్తోందని వీడియో తీస్తూ ఆమె ఆందోళన చెందడం చూడొచ్చు. అయితే దీనిపై ఇప్పటి వరకు ఫిర్యాదు నమోదు కాకపోవడం గమనార్హం. అయితే ఈ విషయమై కళాశాల ప్రిన్సిపాల్‌ సుచిత్రానాయక్‌ మాట్లాడుతూ.. ఈ విషయం తన దృష్టికి వచ్చిందని, ఈ రకమైన ప్రవర్తనను తాము సహించలేమని, బాధ్యులైన విద్యార్థులపై చర్యలు తీసుకుంటామని అన్నారు.
