Ibomma Ravi: ఐబొమ్మ.. బప్పం.. పేర్ల వెనుక అసలు కథ..! ఆసక్తికర విషయాలు చెప్పిన రవి..

పైరసీకి సంబంధించిన అడ్వాన్స్‌డ్ టెక్నాలజీ గురించి పోలీసులకు రవి వివరించాడని తెలుస్తోంది.

Ibomma Ravi: పైరసీ పిన్ కింగ్ ఐబొమ్మ రవి అరెస్ట్ అయిన సంగతి తెలిసిందే. ప్రస్తుతం అతడిని పోలీసులు కస్టడీలోకి తీసుకుని విచారిస్తున్నారు. పలు కోణాల్లో రవిని ప్రశ్నిస్తున్నారు. అతడి నుంచి కీలక సమాచారం రాబట్టే ప్రయత్నం చేస్తున్నారు. కాగా ఐబొమ్మ, బప్పం పేర్లతో అతడు పైరసీ వెబ్ సైట్లు నడిపాడు. వాటిలో పైరసీ సినిమాలు ఉంచాడన్న విషయం తెలిసిందే. మరి ఆ వెబ్ సైట్లకు ఐబొమ్మ, బప్పం అని పేర్లు ఎందుకు పెట్టాడో పోలీసుల విచారణలో రవి చెప్పాడు. దీనికి సంబంధించి అతడు ఆసక్తికర విషయాలు వెల్లడించాడు.

ఐ-బొమ్మ పూర్తి పేరు ఇంటర్నెట్‌ బొమ్మ అని ఇమంది రవి వెల్లడించాడు. విశాఖలో సినిమాను బొమ్మగా పిలిచే వాళ్లమని, అందుకే తాను ఆ పేరు పెట్టినట్లు వివరించాడు. ఇక, మరో పైరసీ వెబ్‌సైట్‌కు బలపం అని పేరు పెట్టాలని అనుకున్నాడట. కానీ, డొమైన్‌లో టెక్నికల్ ప్రాబ్లమ్ కారణంగా ఎల్’ అక్షరాన్ని తొలగించి బప్పంగా మార్చినట్లు రవి వివరించాడు.

ఇవాళ్టితో రవి రెండో విడత కస్టడీ ముగిసింది. పోలీసులు అతడిని 3 రోజుల పాటు ప్రశ్నించారు. కీలక విషయాలు రాబట్టారు. పైరసీకి సంబంధించిన అడ్వాన్స్‌డ్ టెక్నాలజీ గురించి పోలీసులకు రవి వివరించాడని తెలుస్తోంది. తాను అప్‌లోడ్ చేసిన సినిమాలు టెలిగ్రామ్ నుండి తీసుకున్నవేనని అతడు చెప్పాడని సమాచారం.

Also Read: ఏపీలో ఆ రైతులకు బంపర్ ఆఫర్.. రిజిస్ట్రేషన్లకు డబ్బులు కట్టక్కర్లే