RRB Group D: గడువు దగ్గరపడుతోంది.. ఇంకా వారం రోజులే ఉన్నాయ్‌.. రైల్వేలో జాబ్‌ కోసం అప్లై చేశారా?
ఇందుకు సంబంధించిన పూర్తి వివరాలు తెలుసుకుందామా?
- Published By: 10TV Digital Team ,Published On : February 15, 2025 / 03:54 PM IST
రైల్వే రిక్రూట్‌మెంట్ బోర్డ్ 32,438 ఉద్యోగాల భర్తీకి దరఖాస్తులు స్వీకరిస్తోందన్న విషయం తెలిసిందే. ఇందులో 14 రకాల ఉద్యోగాలు ఉన్నాయి. దరఖాస్తుల స్వీకరణ ప్రక్రియ కూడా ఈ నెల 22తో ముగుస్తోంది. దీంతో ఇందుకు సంబంధించిన పూర్తి వివరాలు తెలుసుకుందామా?
లెవల్-1 ఉద్యోగాల భర్తీకి పది లేదా ఐటీఐ పాసైన వారు అర్హులు. ఈ ఉద్యోగాలకు అప్లై చేసుకోవాలంటే 18-36 ఏళ్ల మధ్య వయసు ఉండాలి. సీబీటీ, పీఈటీ, పత్రాల వెరిఫికేషన్, వైద్య పరీక్షల తర్వాత ఎంపిక చేస్తారు.
మహిళలు, పురుషులు దరఖాస్తులు చేసుకోవచ్చు. ఆంగ్లంతో పాటు తెలుగులో కూడా పరీక్ష రాసుకునే వెసులుబాటు ఉంది. https://www.rrbapply.gov.in/లో అప్లై చేసుకోండి.
ఏయే ఉద్యోగాలు?
ముఖ్యమైన తేదీలు
ఆన్‌లైన్ రిజిస్ట్రేషన్ తేదీ: 2025 జనవరి 23 నుంచి షురూ..
ఆన్‌లైన్‌లో దరఖాస్తు చేసుకోవడానికి చివరి తేదీ: 2025 ఫిబ్రవరి 22 (రాత్రి 11:59)
దరఖాస్తు రుసుము చెల్లింపు: జనవరి 23 నుంచి ఫిబ్రవరి 24 వరకు
సవరణలకు: ఫిబ్రవరి 25 నుంచి మార్చి 6 వరకు అవకాశం
అర్హత వివరాలు
విద్యా అర్హత: 10వ తరగతి ఉత్తీర్ణత, ఐటీఐ సర్టిఫికేషన్ లేదా తత్సమాన అర్హత, లేదా ఎన్‌సీవీటీ జారీ చేసిన నేషనల్ అప్రెంటిస్‌షిప్ సర్టిఫికేట్ (ఎన్‌ఏసీ).
ఆన్‌లైన్‌లో ఎలా దరఖాస్తు చేసుకోవచ్చు?
- రైల్వే రిక్రూట్‌మెంట్ బోర్డు వెబ్‌సైట్‌ https://www.rrbapply.gov.in/ ను తెరవండి.
- ‘కొత్త రిజిస్ట్రేషన్’పై క్లిక్ చేయండి.
- రిజిస్ట్రేషన్: మీ అకౌంట్‌ను సృష్టించడానికి మీ ప్రాథమిక వివరాలను నమోదు చేయండి.
- దరఖాస్తు ఫామ్‌ను నింపండి: అవసరమైన అన్ని వివరాలను జాగ్రత్తగా టైప్‌ చేయండి. అవసరమైన పత్రాలను సూచించిన ఫార్మాట్‌లో అప్‌లోడ్ చేయండి.
- దరఖాస్తు రుసుము చెల్లించండి: ఆన్‌లైన్ చెల్లింపు గేట్‌వే ద్వారా మీ చెల్లింపును సురక్షితంగా పూర్తి చేయండి. రసీదు స్క్రీన్‌షాట్ తీసుకోండి.
- చెక్‌ చేసుకోండి: మీ వివరాలను రెండుసార్లు తనిఖీ చేయండి, ఫారమ్‌ను సబ్మిట్‌ చేయండి, ఒక కాపీని ప్రింట్ తీసుకోండి.
