Australia PM Anthony Albanese: 62 ఏళ్ల వయసులో పెళ్లి చేసుకున్న ప్రధాని..
ఆ తర్వాత నుంచి రిలేషన్‌షిప్‌లో ఉన్నారు. ఇప్పుడు వివాహంతో ఒక్కటయ్యారు.
- Published By: 10TV Digital Team ,Published On : November 29, 2025 / 10:07 PM IST
Australia PM Anthony Albanese: ఆయన ఒక దేశానికి ప్రధాన మంత్రి. వయసు 62 ఏళ్లు. రామ, కృష్ణ అంటూ కాలం గడిపేసే ఏజ్ ఇది. హ్యాపీగా మనవళ్లు, మనవరాళ్లతో ఆడుకోవాల్సిన వయసు. ఈ ఏజ్ లో ఆయన ఏం చేశారో తెలుసా.. పెళ్లి చేసుకున్నారు. అవును.. ఆస్ట్రేలియా ప్రధాని ఆంథోనీ అల్బనీస్‌ 62 ఏళ్ల వయసులో పెళ్లి చేసుకున్నారు.
తన గర్ల్ ఫ్రెండ్ జోడీ హైడెన్ ను వివాహమాడారు. కాన్‌బెర్రాలోని ఆంథోనీ అధికారిక నివాసం ది లాడ్జ్‌ తోటలో ఈ వేడుకలు జరిగాయి. కొంత మంది అత్యంత సన్నిహితులు మాత్రమే అటెండ్ అయ్యారు. ఆంథోనీ స్వయంగా ఈ విషయాన్ని సోషల్ మీడియా వేదికగా వెల్లడించారు. తన జీవిత భాగస్వామి చెయ్యి పట్టుకుని నడుస్తున్న వీడియోను ఆయన షేర్ చేశారు.
జోడీ హైడెన్ వయసు 47 సంవత్సరాలు. ఆమె అడ్వొకేట్‌, ఆర్థిక నిపుణురాలు కూడా. ఐదేళ్ల క్రితం మెల్‌బోర్న్‌లో జరిగిన ఓ బిజినెస్ డిన్నర్ లో హైడెన్, ఆంథోనీలు తొలిసారి కలుసుకున్నారు. ఆ తర్వాత నుంచి రిలేషన్‌షిప్‌లో ఉన్నారు. ఇప్పుడు వివాహంతో ఒక్కటయ్యారు. కాగా.. ఆంథోనీకి ఇది రెండో పెళ్లి. 2019లో ఆయన కార్మెల్ నుంచి విడిపోయారు. గత ఏడాది ఫిబ్రవరిలో హైడెన్, ఆంథోనీ ఎంగేజ్‌మెంట్‌ చేసుకున్నారు.
పెళ్లి చేసుకున్న ఆస్ట్రేలియా ప్రధాని ఆంథోనీకి భారత ప్రధానమంత్రి నరేంద్ర మోదీ తన విషెస్ తెలిపారు. ఈ మేరకు సోషల్ మీడియాలో పోస్ట్ పెట్టారు.
Congratulations to my good friend, PM Anthony Albanese and Ms. Jodie Haydon on their wedding. Wishing them a happy married life.@AlboMP https://t.co/6Dyq4dw2TC
— Narendra Modi (@narendramodi) November 29, 2025
Also Read: పుతిన్‌ 2 రోజుల భారత పర్యటన.. ఎందుకింత ప్రాధాన్యం సంతరించుకుందంటే?
