PM Modi : నా ప్రియమైన మిత్రమా.. అధ్యక్షుడు ట్రంప్‌నకు మోదీ అభినందనలు.. మళ్లీ కలిసి పనిచేద్దాం..!
PM Modi : మై డియర్ ఫ్రెండ్ ట్రంప్.. మరోసారి సన్నిహితంగా పనిచేయడానికి తాను ఎదురు చూస్తున్నానని ప్రధాని నరేంద్ర మోదీ పేర్కొన్నారు.
- Published By: 10TV Digital Team ,Published On : January 21, 2025 / 01:13 AM IST
PM Modi congratulates dear friend Trump
PM Modi : అమెరికా 47వ అధ్యక్షుడిగా డొనాల్డ్ ట్రంప్ జనవరి 20, 2025న ప్రమాణ స్వీకారం చేశారు. ప్రమాణ స్వీకారం చేసిన అనంతరం ప్రసంగించిన ట్రంప్.. ఈ సమయం నుంచి అమెరికా స్వర్ణయుగం ప్రారంభమైందని అన్నారు. నా హయాంలో ప్రతి నిర్ణయమూ ‘అమెరికా ఫస్ట్’ను దృష్టిలో ఉంచుకుని తీసుకుంటానని చెప్పారు. మన సార్వభౌమాధికారాన్ని కాపాడుకుంటామని ట్రంప్ అన్నారు. ప్రపంచంలో ఏ దేశం కూడా అమెరికాను దుర్వినియోగం చేయదు. ట్రంప్ అధ్యక్షుడయ్యాక ప్రపంచ దేశాధినేతలు ఆయనకు అభినందనలు తెలుపుతూ శుభాకాంక్షలు తెలిపారు.
ప్రధానమంత్రి నరేంద్ర మోదీ ఎక్స్‌లో ట్రంప్‌ను అభినందిస్తూ.. ‘నా ప్రియమైన మిత్రుడు ప్రెసిడెంట్ డొనాల్డ్ ట్రంప్.. అమెరికా 47వ అధ్యక్షుడిగా మీ చారిత్రాత్మక ప్రమాణ స్వీకార దినోత్సవం సందర్భంగా మీకు శుభాకాంక్షలు. మన రెండు దేశాలకు ప్రయోజనం చేకూర్చడానికి, ప్రపంచానికి మంచి భవిష్యత్తును అందించడానికి మళ్లీ కలిసి పనిచేయడానికి నేను ఎదురుచూస్తున్నాను. మీ విజయవంతమైన పదవీకాలం కోసం మీకు శుభాకాంక్షలు అంటూ మోదీ ఎక్స్ పోస్టులో తెలియజేశారు.
PM Modi
Congratulations my dear friend President @realDonaldTrump on your historic inauguration as the 47th President of the United States! I look forward to working closely together once again, to benefit both our countries, and to shape a better future for the world. Best wishes for a…
— Narendra Modi (@narendramodi) January 20, 2025
యునైటెడ్ కింగ్‌డమ్ ప్రధాన మంత్రి కైర్ స్టార్మర్ కూడా ట్రంప్ కు శుభాకాంక్షలు తెలిపారు. యూకే, యుఎస్‌ల మధ్య ప్రత్యేక సంబంధాలు రాబోయే సంవత్సరాల వరకు వృద్ధి చెందుతాయని నేను విశ్వసిస్తున్నాను.
ఉక్రెయిన్ అధ్యక్షుడు జెలెన్స్‌కీ కూడా ట్రంప్‌ను అభినందిస్తూ.. ‘అమెరికా 47వ అధ్యక్షుడిగా ట్రంప్, అమెరికన్ ప్రజలను అభినందిస్తున్నాను. ఈ రోజు మార్పు రోజు, ప్రపంచ సవాళ్లతో సహా అనేక సమస్యలకు పరిష్కారాలను అందించే మంచిరోజుగా పేర్కొన్నారు.
