మనకు ఎన్నో కోరికలుంటాయి. వాటిని నెరవేర్చుకోవాలని తపన పడుతుంటాం. కానీ ఆ కోరికే ప్రాణాలు తీసిన విషాదం మెక్సికోలో జరిగింది. అది కూడా పుట్టిన రోజు నే కావటం మరో విషాదం. తన 18వ పుట్టిన రోజును భిన్నంగా జరుపుకోవాలని భావించిన వెనెస్సా కార్డేనాస్‌ అనే యువతి ప్రాణాలను పోగొట్టుకుంది. తల్లిదండ్రులకు తీరని శోకం మిగిల్చింది.
మార్చి 24న పుట్టిన రోజు జరుపుకున్న వెనెస్సా కార్డేనాస్‌ ఏదన్నా కొత్తగా చేయాలని భావించిన ఆమె తనకు ఎంతో ఇష్టమైన స్కైడైవింగ్ చేయాలనుకుంది. దీనికి అమ్మానాన్నలకు ఒప్పించింది. స్కైడైవింగ్ ఇన్‌స్ట్రక్టర్‌ కాస్టిల్లో తో కలిసి ఎయిర్ క్రాఫ్ట్ ఎక్కింది. మొరెలస్ వద్దకు రాగానే కాస్టిల్లోతో కలిసి విమానం నుంచి బయటకు దూకేసింది. కాగా ఆ సమయానికి పారాచూట్ తెరుచుకోకపోవడంతో ఇద్దరూ 1,300 అడుగుల ఎత్తు నుంచి కిందకి పడిపోడి దారుణంగా చనిపోయారు.
వారు పడిపోతున్న విషయాన్ని గుర్తించని వెనెస్సా కార్డేనాస్‌ తల్లిదండ్రులు..గ్రౌండ్ సిబ్బంది వారితో పాటు విమానం నుంచి దూకిన ముగ్గురు స్కైడైవర్స్ పారాచూట్‌లతో సురక్షితంగా కిందికి దిగడంతో షాకయ్యారు. కానీ కొంతసేపటికి దూరంగా ఆమె గాల్లో నుంచి కింద పడటం చూసి షాకయ్యారు. పుట్టిన రోజునే కన్నబిడ్డ కళ్లముందే చనిపోవటంతో కన్నీరు మున్నీరుగా విలపించారు వెనెస్సా కార్డేనాస్‌ తల్లిదండ్రులు.
