2020 సంవత్సరానికి గాను దాదా సాహెబ్‌ ఫాల్కే సౌత్ అవార్డులను ప్రకటించారు. దక్షిణాదిలోని తెలుగు, తమిళ, కన్నడ, మలయాళ సినిమా రంగాల్లో పలువురికి ఈ అవార్డులు లభించాయి. యువ నటుడు నవీన్ పోలిశెట్టికి సౌత్ కేటగిరీలో ఉత్తమ నటుడి అవార్డు ‘ఏజెంట్ సాయి శ్రీనివాస ఆత్రేయ’ సినిమాకు గాను లభించగా.. ‘జెర్సీ’ సినిమాకు ఉత్తమ చిత్రం అవార్డు లభించింది.
‘డియర్ కామ్రేడ్’ సినిమాకు గాను రష్మిక మందనకు ఉత్తమ నటి అవార్డు దక్కగా.. ‘సాహో’ దర్శకుడు సుజీత్‌కు ఉత్తమ డైరెక్టర్ అవార్డు లభించింది. అల వైకుంఠపురములో సినిమాకు గాను తమన్‌కు ఉత్తమ సంగీత దర్శకుడు అవార్డు దక్కింది. అక్కినేని నాగార్జునకు మోస్ట్ వర్సటైల్ యాక్టర్ అవార్డు దక్కింది. దాదాసాహెబ్ ఫాల్కే ఇంటర్నేషనల్ ఫిల్మ్ ఫెస్టివల్ అవార్డ్స్ 2020 ప్రదానోత్సవాన్ని ఫిబ్రవరి 20 ముంబైలోని తాజ్ లాండ్స్ ఎండ్‌లో జరుపుబోతున్నారు. సౌతిండియా అవార్డుల ప్రదానోత్సవం తేదీని అతి త్వరలో తెలుపనున్నారు.
సౌత్ నుంచి మిగిలిన భాషల్లో ధనుష్, మోహన్‌లాల్, శివరాజ్కుమార్, అజిత్ కుమార్ ఈ ఏడాది పలు అవార్డులు గెలుచుకున్నారు.
టాలీవుడ్(తెలుగు):
మోస్ట్ వర్సిటైల్ ఆర్టిస్ట్- అక్కినేని నాగార్జున
ఉత్తమ నటుడు- నవీన్ పోలిశెట్టి
ఉత్తమ నటి- రష్మిక మందన
ఉత్తమ దర్శకుడు- సాహో సుజీత్
ఉత్తమ మ్యూజిక్‌ డైరెక్టర్- తమన్
కోలీవుడ్(తమిళం):
మోస్ట్ వర్సిటైల్ ఆర్టిస్ట్- అజిత్ కుమార్
ఉత్తమ నటుడు- ధనుష్
ఉత్తమ నటి- జ్యోతిక
ఉత్తమ దర్శకుడు- పార్థిబాన్‌
ఉత్తమ మ్యూజిక్‌ డైరెక్టర్- అనురుద్ద్‌ రవిచంద్రన్‌
మాలీవుడ్(మలయాళం):
మోస్ట్ వర్సిటైల్ ఆర్టిస్ట్-మోహన్‌ లాల్
ఉత్తమ నటుడు -సూరజ్ వెంజరమూడు
ఉత్తమ నటి- పార్వతీ తిరువోతు
ఉత్తమ దర్శకుడు- మధు కె. నారాయణ్
ఉత్తమ మ్యూజిక్‌ డైరెక్టర్- దీపక్ దేవ్
శాండల్‌వుడ్(కన్నడ):
మోస్ట్ వర్సిటైల్ ఆర్టిస్ట్-శివరాజ్కుమార్
ఉత్తమ నటుడు – రక్షిత్ శెట్టి
ఉత్తమ నటి- తాన్య హోప్
ఉత్తమ దర్శకుడు- రమేష్ ఇందిరా
ఉత్తమ చిత్రం- మూకాజ్జియ కనసుగలు
ఉత్తమ సంగీత దర్శకుడు- వి. హరికృష్ణ
