Bigg Boss Telugu 9: బిగ్ బాస్ తెలుగు సీజన్ 9.. హౌస్‌లోకి వెళ్లిన ఫస్ట్ కామన్ మ్యాన్ ఇతడే..
ఇప్పటివరకు 8 సీజన్లు పూర్తి చేసుకున్న ఈ రియాల్టీ షో 9వ సీజన్ ఆదివారంతో మొదలైంది.
- Published By: 10TV Digital Team ,Published On : September 7, 2025 / 08:07 PM IST
Bigg Boss Telugu 9: అభిమానులు ఎప్పుడెప్పుడా అని ఎదురుచూస్తున్న ప్రముఖ తెలుగు రియాల్టీ షో బిగ్ బాస్ సందడి మొదలైపోయింది. బిగ్ బాస్ షో కొత్త సీజన్ గ్రాండ్ గా స్టార్ట్ అయ్యింది. ఇప్పటివరకు 8 సీజన్లు పూర్తి చేసుకున్న ఈ రియాల్టీ షో 9వ సీజన్ ఆదివారంతో మొదలైంది.
బిగ్ బాస్ హౌస్ లోకి అడుగు పెట్టిన ఫస్ట్ సెలెబ్రిటీ కంటెస్టెంట్ తనూజ. ఈమె బుల్లితెర భామ. సీరియల్ నటి. జరగండి జరగండి అనే సాంగ్ కి డ్యాన్స్ తో తనూజ అదిరిపోయే ఎంట్రీ ఇచ్చింది.
బిగ్ బాస్ హౌస్ లోకి అడుగు పెట్టిన రెండో సెలెబ్రిటీ కంటెస్టెంట్ ఆశాసైనీ. ఈమె సినిమా నటి. పలు సినిమాల్లో యాక్ట్ చేసింది. అసలు పేరు ఫ్లోరా సైనీ. స్క్రీన్ నేమ్ ఆశాసైనీ అని ఆమె స్వయంగా తెలిపింది.
ఇక బిగ్ బాస్ హౌస్ లోకి అడుగు పెట్టిన తొలి కామన్ మ్యాన్ కల్యాణ్. ఈయన ఒక సోల్జర్. అగ్నిపరీక్షను దాటుకుని హౌస్ లోకి అడుగుపెట్టారు.
ఇద్దరు సెలబ్రిటీలు హౌస్ లోకి వెళ్లాక ఫస్ట్ కామనర్ గా జవాన్ కల్యాణ్ బిగ్ బాస్ ఇంట్లోకి పంపించారు. ‘అగ్ని పరీక్ష’ దాటుకుని వచ్చిన మొదటి సామాన్యుడు అంటూ కల్యాణ్ ను ప్రశంసించారు నాగార్జున. నిజానికి అగ్ని పరీక్షలో కల్యాణ్ ని చూసిన ప్రేక్షకులు.. అసలు ఆయనను ఎంపిక చేస్తారో లేదో అనే సందేహాలు వ్యక్తం చేశారు. అలాంటిది ఆయననే ఫస్ట్ కామనర్ గా పంపించి బిగ్ బాస్ అందరినీ ఆశ్చర్యపరిచారు.
హౌస్ లోకి అడుగు పెట్టగానే.. కల్యాణ్ కి టాస్క్ ఇచ్చారు నాగార్జున. హౌస్ లో వాష్ రూమ్ క్లీన్ చేసే డ్యూటీని తనూజ, ఆశాసైనీలలో ఎవరికి వేస్తారని అడగ్గా.. ఆ డ్యూటీని ఆశాసైనీకి అప్పగించారు కల్యాణ్.
ఈసారి రెండు హౌస్ లు ఉంటాయని హోస్ట్ నాగార్జున తెలిపారు. ఈసారి డబుల్ హౌస్ తో డబుల్ జోష్ ఉంటుందన్నారు. అగ్నిపరీక్షతో కామనర్స్ కి అవకాశం కల్పించారు. సెలబ్రిటీలు వర్సెస్ కామనర్స్ తో ఈ బిగ్ బాస్ సీజన్ 9 మంచి ఎంటర్ టైన్ మెంట్ ఇవ్వడం ఖాయం అంటున్నారు.
