విక్రమ్ రుద్రరాజు వస్తున్నాడు..

విశ్వక్ సేన్ హీరోగా నేచురల్ స్టార్ నాని నిర్మిస్తున్న సస్పెన్స్ థ్రిల్లర్.. ‘హిట్’ ఫిబ్రవరి 28న విడుదల..

నేచురల్ స్టార్ నాని నిర్మాతగా ఫస్ట్ సినిమా ‘అ!’ తోనే మంచి అభిరుచిగల నిర్మాతగా గుర్తింపు తెచ్చుకున్నాడు. రెండో ప్రయత్నంగా వాల్ పోస్టర్ సినిమా పతాకంపై ‘ఫలక్ నుమా దాస్’ చిత్రంతో యూత్‌లో క్రేజ్ తెచ్చుకున్న విశ్వక్ సేన్‌తో ‘హిట్’ (ది ఫస్ట్ కేస్) అనే సస్పెన్స్ థ్రిల్లర్ రూపొందిస్తున్నాడు. రుహాని శర్మ (చి.ల.సౌ ఫేమ్) హీరోయిన్..

నాని సమర్పణలో, శైలేష్ కొలను దర్శకత్వంలో ప్రశాంతి తిపిర్నేని ఈ చిత్రాన్ని నిర్మిస్తున్నారు. ఇటీవల విడుదల చేసిన ‘హిట్’ టీజర్ విడుదల చేశారు. తక్కువ డైలాగులతో,             అదరగొట్టే బీజీఎమ్‌తో, చక్కటి విజువల్స్‌తో రూపొందించిన టీజర్‌ ఆకట్టుకుంటోంది. ఈ సినిమా ప్రధానంగా ఓ మిస్సింగ్‌ కేసు చుట్టూ సాగనున్నట్లు అర్ధమవుతోంది.

విశ్వక్ సేన్ విక్రమ్ రుద్రరాజు పాత్రలో నటిస్తున్నాడు. తాజాగా రిలీజ్ డేట్ అనౌన్స్ చేశారు. ఫిబ్రవరి 28న ‘హిట్’ మూవీని ప్రేక్షకుల ముందుకు తీసుకురానున్నారు. ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి. భాను చందర్, బ్రహ్మాజీ, మురళీశర్మ, హరితేజ తదితరులు నటిస్తున్న ఈ చిత్రానికి సినిమాటోగ్రఫీ : ఎస్. మణికందన్,                       ఎడిటింగ్ : గ్యారీ, మ్యూజిక్ : వివేక్‌ సాగర్‌, ఫైట్స్ : నభా, ఆర్ట్ : అవినాష్ కొల్లా.