బ్రహ్మోత్సవం సినిమాని కోలీవుడ్‌లో రీమేక్ చెయ్యనున్న చేరన్..
సూపర్ స్టార్ మహేష్ బాబు కెరీర్‌లో డిజాస్టర్‌గా నిలిచిన సినిమాల్లో బ్రహ్మోత్సవం ఒకటి.. శ్రీకాంత్ అడ్డాల డైరెక్షన్‌లో, భారీ తారాగణం, భారీ బడ్జెట్‌తో, ఫ్యామిలీ సినిమాగా రూపొందిన బ్రహ్మోత్సవం మహేష్ ఫ్యాన్స్‌ని, ఆడియన్స్‌ని ఏమాత్రం ఆకట్టుకోలేక పోయింది. ఇప్పడీ కళాఖండాన్ని తమిళనాట రీమేక్ చెయ్యబోతున్నాడు యాక్టర్ కమ్ డైరెక్టర్ చేరన్. రవితేజ నటించిన ఫీల్‌గుడ్ లవ్‌స్టోరీ నా ఆటోగ్రాఫ్ స్వీట్ మెమరీస్ సినిమాని మొదట తమిళ్‌లో చేసింది చేరనే.. ఇటీవలే బ్రహ్మోత్సవం సినిమా చూసిన చేరన్, ఆ మూవీని కోలీవుడ్‌లో రీమేక్ చెయ్యాలని ఫిక్స్ అయ్యాడట.
ఇంతకీ మనోడికి బ్రహ్మోత్సవంలో అంతబాగా ఏం నచ్చిందయ్యా అంటే ఫ్యామిలీ ఎమోషన్ అంట.. తమిళ ప్రేక్షకుల అభిరుచికి ఈ స్టోరీ చాలా దగ్గరగా ఉందని, తమ నేటివిటీకి తగ్గట్టు కథలో మార్పులు చేర్పులు చేస్తే తప్పకుండా తమిళంలో మంచి విజయాన్ని సాధించడంతో పాటు, ఫీల్ గుడ్ మూవీగా నిలుస్తుందని చేరన్ ఈ మధ్య ఒక ఇంటర్వూలో చెప్పుకొచ్చాడు. ప్రస్తుతం స్క్రిప్ట్ వర్క్ జరుగుతున్న బ్రహ్మోత్సవం తమిళ రీమేక్ త్వరలో పట్టాలెక్కనుంది.
