Nagarjuna’s Wild Dog – OTT: ‘కింగ్’ నాగార్జున నటిస్తున్న చిత్రం ‘వైల్డ్ డాగ్’. అహిషోర్ సాల్మన్ డైరెక్ట్ చేస్తోన్న ఈ సినిమా షూటింగ్ ఇటీవలే కంప్లీట్ అయింది. నాగ్ టైటిల్‌ రోల్‌లో, ఎన్‌ఐఏ (నేషనల్‌ ఇన్వెస్టిగేషన్‌ ఏజెన్సీ) అధికారి ఏసీపీ విజయ్‌ వర్మ పాత్రలో కనిపించనున్నారు.
ఈ సినిమా నేరుగా ఓటీటీలో విడుదల కాబోతుందని వార్తలు వస్తున్నాయి. పాపులర్ ఓటీటీ ఫ్లాట్‌ఫామ్ నెట్‌ఫ్లిక్స్‌ నుంచి ఈ చిత్రానికి ఓ ఆఫర్‌ వచ్చిందనీ, దానికి మూవీ టీమ్ ఓకే అనడంతో డీల్ కుదిరిందనీ, ‘వైల్డ్ డాగ్’ డైరెక్ట్ డిజిటల్ రిలీజ్ అవుతుందనీ, ఓటీటీలో విడుదలైన తెలుగు చిత్రాల్లో స్టార్‌ హీరో చిత్రమిదే అవుతుందని వార్తలు వస్తున్నాయి.
https://10tv.in/chiranjeevi-and-aamir-khan-voiceover-for-rrr/
పెద్ద హీరో సినిమా కాబట్టి కచ్చితంగా థియేటర్లలోనే విడుదలవుతుంది.. నాలుగు లేదా ఎనిమిది వారాల తర్వాత ఓటీటీలో రిలీజ్ చేసే అవకాశముంది అంటున్నారు సినీ వర్గాలవారు. ఈ మూవీలో నాగార్జునకు జోడీగా దియా మీర్జా నటిస్తుండగా, సయామీ ఖేర్‌ కీలక పాత్ర పోషిస్తున్నారు. నిరంజన్‌రెడ్డి, అన్వే్‌షరెడ్డి నిర్మిస్తున్నారు.
