జయంత్ సి పరాన్జీ దర్శకత్వంలో తెరకెక్కుతున్న సరికొత్త యాక్షన్ థ్రిల్ల‌ర్ ‘నరేంద్ర`లో ఫీమేల్ ఫైటర్ పైలట్‌గా ప్రత్యేక పాత్రలో పాయల్ రాజ్‌పుత్..
‘ఆర్ఎక్స్ 100’ సినిమాతో సెన్సేషన్ క్రియేట్ చేసింది హాట్ బ్యూటీ పాయల్ రాజ్‌పుత్.. ఇటీవల ‘వెంకీమామ’ తో నటిగా మంచి గుర్తింపు తెచ్చుకుంది. ప్రస్తుతం పాయల్ ప్రముఖ దర్శకుడు జయంత్ సి పరాన్జీ లేటెస్ట్ మూవీ ‘నరేంద్ర’ లో ఇండియన్ ఫస్ట్ ఫీమేల్ ఫైటర్ పైలట్‌గా ప్రత్యేకమైన పాత్రలో కనిపించనుంది. ఒక అమాయకుడైన భారతీయ బాక్సర్ పాకిస్థాన్ జైలులో ఎలా బందీ అయ్యాడు.. అక్కడి నుండి ఎలా తప్పించుకుని బయట పడ్డాడు.. అనే థ్రిల్లింగ్ కాన్సెప్ట్‌తో హై ఓల్టేజ్ యాక్షన్ థ్రిల్లర్‌గా ‘నరేంద్ర’ తెరకెక్కుతోంది.
చిత్రీకరణ తుది దశకు చేరుకున్న ఈ చిత్రాన్ని వేసవిలో విడుదల చేయడానికి సన్నాహాలు చేస్తున్నారు. ‘నరేంద్ర’ తో హీరోగా పరిచయం అవుతున్న నీలేష్ పాకిస్థాన్ జైలులో ఖైదీ అయిన మాజీ బాక్సర్‌గా నటిస్తున్నారు. బ్రెజిలియన్ బ్యూటీ ఇసాబెల్లా లియేటి స్వేఛ్చా పోరాటానికి మద్దతు ఇచ్చే మానవ హక్కుల కార్యకర్త పాత్ర పోషిస్తుంది. అలాగే భారత ఖైదీలను రక్షించే ప్రయత్నంలో తనను తాను త్యాగం చేసుకునే ఆఫ్ఘన్ ఖైదీ గా ఫేమస్ ‘W.W.E స్టార్ ది గ్రేట్ ఖలి’ నటిస్తున్నారు.
‘ప్రేమించుకుందాం రా’, ‘ప్రేమంటే ఇదేరా’, ‘బావగారూ బాగున్నారా’, ‘లక్ష్మీ నరసింహా’, ‘టక్కరి దొంగ’, ‘ఈశ్వర్’, ‘శంకర్ దాదా ఎంబిబిఎస్’ వంటి ఎన్నో కమర్షియల్ హిట్స్ ఇచ్చిన దర్శకుడు జయంత్ సి పరాన్జీ సరికొత్త ట్విస్టులతో తెలుగు స్క్రీన్ మీద ఇంతవరకూ రాని అద్భుతమైన యాక్షన్ థ్రిల్లర్‌గా ‘నరేంద్ర’ చిత్రాన్ని తెరకెక్కిస్తున్నారు.
సినిమాటోగ్రఫీ : విరేన్ తంబిదొరై, సంగీతం : రామ్ సంపత్, నిర్మాణ సంస్థ : ఈషాన్ ఎంటర్‌టైన్‌మెంట్స్, రచన, దర్శకత్వం : జయంత్ సి పరాన్జీ.
