Ram Charan : రామ్ చరణ్ బర్త్ డే నాటికి RC16 ఫస్ట్ లుక్? .. బుచ్చిబాబు ఇలా ఫిక్స్ చేసారా?
గేమ్ ఛేంజర్ సినిమాతో బిజీగా ఉన్న రామ్ చరణ్ ఆ షూట్‌కి బ్రేక్ ఇచ్చి బుచ్చిబాబుతో కొత్త సినిమా ప్రారంభిస్తారట. ఇంకా పేరు పెట్టని ఈ సినిమా ఫస్ట్ లుక్ రామ్ చరణ్ బర్త్ డే నాటికి రిలీజ్ చేసేందుకు మేకర్స్ సిద్ధమవుతున్నారని టాక్.
- Published By: 10TV Digital Team ,Published On : January 24, 2024 / 01:46 PM IST
Ram Charan
Ram Charan : రామ్ చరణ్-శంకర్ కాంబోలో వస్తున్న ‘గేమ్ ఛేంజర్’ సినిమా అంతకంతకూ ఆలస్యం అవుతోంది. ఈ గ్యాప్‌లో ఉప్పెన ఫేమ్ బుచ్చిబాబు సానా డైరెక్షన్‌లో రామ్ చరణ్ సినిమా షూటింగ్ ప్రారంభం కాబోతోందని తెలుస్తోంది. రామ్ చరణ్ బర్త్ డే నాటికి ఈ సినిమా ఫస్ట్ లుక్ రిలీజ్ చేసేందుకు మేకర్స్ రెడీ అవుతున్నారట.
Namrata Shirodkar : ఫ్యామిలీ & ఫ్రెండ్స్‌తో నమ్రత శిరోద్కర్ బర్త్‌డే సెలబ్రేషన్స్.. ఫొటోలు..
రామ్ చరణ్ ప్రస్తుతం శంకర్ డైరెక్షన్‌లో ‘గేమ్ ఛేంజర్’ మూవీలో నటిస్తున్నారు. ఈ సినిమా షూటింగ్‌కి సంబంధించి మేజర్ వర్క్ కంప్లీట్ అయ్యిందని మిగతా పార్ట్ వేసవి తర్వాత షూట్ చేస్తారని అంటున్నారు. ఈ గ్యాప్‌లోనే రామ్ చరణ్-బుచ్చిబాబు సానా కాంబోలో RC16 ఇంకా పేరు పెట్టని సినిమా షూటింగ్ ప్రారంభం కాబోతోందని వార్తలు వస్తున్నాయి. మార్చి రెండవ వారంలో ఈ సినిమా షూటింగ్ మొదలుపెట్టి మార్చి 27న రామ్ చరణ్ బర్త్ డే సందర్భంగా ఫస్ట్ లుక్ రిలీజ్ చేస్తారని తెలుస్తోంది.
ఈ సినిమాలో రామ్ చరణ్ స్పెషల్ మేకోవర్‌లో కనిపిస్తారట. కోస్తా ఆంధ్రా యువకుడిగా కనిపించబోతున్నారని టాక్. ఇక ఆయన పక్కన ఎవరు హీరోయిన్ అనేది తెలియాల్సి ఉంది. కాగా కన్నడ స్టార్ శివ రాజ్‌‌కుమార్ ఈ సినిమాలో నటిస్తున్నారు. ఇతర నటీనటుల ఎంపిక కూడా జరుగుతోందట. ఈ సినిమాకి ఆస్కార్ విన్నర్ ఏఆర్.రెహమాన్ సంగీతం అందిస్తున్నారు. ఇప్పటికే మ్యూజిక్ సెషన్స్ మొదలుపెట్టేసారట. పూర్తి వివరాలను బుచ్చిబాబు అండ్ టీమ్ అధికారికంగా ప్రకటించాల్సి ఉంది.
