Dhamaka : ‘ధమాకా’ సీక్వెల్.. టైటిల్ కూడా ఫిక్స్.. మళ్ళీ రవితేజ – శ్రీలీల రచ్చ..

రవితేజకు 2022 లో ధమాకా సినిమా పెద్ద హిట్ ఇచ్చింది. (Dhamaka)

Dhamaka

Dhamaka : గత కొన్నాళ్లుగా ఫ్లాప్స్ లో ఉన్న రవితేజకు 2022 లో ధమాకా సినిమా పెద్ద హిట్ ఇచ్చింది. ఏకంగా 100 కోట్ల గ్రాస్ కలెక్షన్స్ తెచ్చి రవితేజ కెరీర్ లోనే పెద్ద హిట్ అయింది. రవితేజ – శ్రీలీల జంటగా త్రినాథరావు నక్కిన దర్శకత్వంలో టిజి విశ్వప్రసాద్ నిర్మాణంలో తెరకెక్కిన ఈ సినిమా మంచి విజయం సాధించింది.(Dhamaka)

ధమాకా సినిమాకు సాంగ్స్, మ్యూజిక్ బాగా ప్లస్ అయ్యాయి. భీమ్స్ సిసిరోలియో జనాల్ని తన పాటలతో థియేటర్స్ కి రప్పించాడు. ఈ సినిమా హిట్ అవ్వడానికి మెయిన్ కారణం కూడా పాటలే. దానికి తోడు శ్రీలీల, రవితేజ మాస్ డ్యాన్స్, కామెడీ. అయితే ఇప్పుడు ఈ సినిమాకు సీక్వెల్ తీస్తున్నారని తెలుస్తుంది. గతంలోనే ఈ సినిమాకు సీక్వెల్ ఉంటుందని రూమర్స్ వచ్చాయి.

Also Read : Samantha Vs Akkineni Family : సమంత వర్సెస్ అక్కినేని ఫ్యామిలీ.. ఆ బిజినెస్ లోకి ఎంట్రీ.. నాగచైతన్య సపోర్ట్.. ఫోటోలు వైరల్..

తాజాగా పీపుల్ మీడియా ఫ్యాక్టరీ నిర్మాణ సంస్థ ధమాకా సీక్వెల్ కు ‘డబుల్ ధమాకా’ అనే టైటిల్ ని ఫిలిం ఛాంబర్ లో రిజిస్టర్ చేయించింది అని సమాచారం. త్రినాథరావు నక్కిన ఇటీవల సందీప్ కిషన్ తో మజాకా సినిమా తీయగా అది ఆశించినంత ఫలితం రాలేదు. ప్రస్తుతం త్రినాథ రావు చేతిలో సినిమాలేమి లేవు.

దీంతో త్రినాథరావు ఈ డబల్ ధమాకా స్క్రిప్ట్ మీదే రచయిత ప్రసన్న కుమార్ తో కలిసి వర్క్ చేస్తున్నాడని సమాచారం. త్వరలోనే డబుల్ ధమాకా సినిమా అనౌన్స్ చేస్తారని, రవితేజ – శ్రీలీల కలిసి మరోసారి రచ్చ చేస్తారని టాలీవుడ్ టాక్. ఈ సినిమాతో మరో హిట్ కొడతాడని రవితేజ ఫ్యాన్స్ ఆశిస్తున్నారు.

Also Read : Venkatesh : వెంకటేష్ ఆల్ టైం క్లాసిక్ సినిమా రీ రిలీజ్.. ఎప్పుడంటే..