Indian Railway: రైల్వే ఉద్యోగులకు శుభవార్త.. పెన్షన్ పంపిణీపై RBI కీలక నిర్ణయం
ఇది బ్యాంక్ ప్రస్తుత, కొత్త కస్టమర్లకు ప్రపంచ స్థాయి బ్యాంకింగ్ సేవలు, సరసమైన వడ్డీ రేట్లతో పాటు బ్యాంక్ అందించే సీనియర్ సిటిజన్ ప్రత్యేక సైతం పొందే అవకాశాన్ని అందిస్తుంది
- Published By: 10TV Digital Team ,Published On : December 17, 2023 / 08:53 PM IST
భారతదేశ వ్యాప్తంగా యూనివర్సల్ బ్యాంక్ గా గుర్తింపు పొందిన బంధన్ బ్యాంక్, ఇండియన్ రైల్వే తరపున e-PPOల ద్వారా పెన్షన్‌ను పంపిణీ చేయడానికి రిజర్వ్ బ్యాంక్ ఆఫ్ ఇండియా (RBI)చే ధ్రువీకరణ పొందినట్లు ఈరోజు వెల్లడించింది. దాదాపు 12 లక్షల మంది ఉద్యోగులతో భారతీయ రైల్వే దేశంలోనే అతిపెద్ద ఉద్యోగ సంస్థగా ఉంది. పెన్షన్ పంపిణీ ప్రక్రియను అమలు చేయడానికి బ్యాంక్ త్వరలో రైల్వే మంత్రిత్వ శాఖతో కలువనుంది.
పదవీ విరమణ చేసిన దాదాపు 15 లక్షల మంది భారతీయ రైల్వే పెన్షనర్లకు పెన్షన్‌ను పంపిణీ చేయడానికి బంధన్ బ్యాంక్ కు ఈ అధికారం వీలు కల్పిస్తుంది. ఈ ఆదేశం 17 జోనల్ రైల్వేలు, భారతీయ రైల్వే 8 ఉత్పత్తి యూనిట్లతో సహా అన్ని కార్యాలయాలలో ప్రతి సంవత్సరం 50,000 సగటు భారతీయ రైల్వే రిటైర్ ఉద్యోగులకు సేవ చేయడానికి బ్యాంక్‌కు అవకాశాన్ని అందిస్తుంది.
ఇది బంధన్ బ్యాంక్ ప్రస్తుత, కొత్త కస్టమర్లకు ప్రపంచ స్థాయి బ్యాంకింగ్ సేవలు, సరసమైన వడ్డీ రేట్లతో పాటు బ్యాంక్ అందించే సీనియర్ సిటిజన్ ప్రత్యేక సైతం పొందే అవకాశాన్ని అందిస్తుంది. పెన్షనర్లు 1640 కంటే ఎక్కువ బ్రాంచ్‌లకు యాక్సెస్‌ను పొందుతారు, బంధన్ బ్యాంక్ అత్యున్నత డిజిటల్ బ్యాంకింగ్ ప్లాట్‌ఫారమ్‌ సేవలను సైతం ఉత్తమంగా పొందుతారు.
