Beef In Hostel: హాస్టల్ మెనూలో బీఫ్? తమిళనాడులో రాజకీయ దుమారం.. ప్రభుత్వం సంచలన వివరణ!
తమిళనాడులోని ప్రభుత్వ సంక్షేమ హాస్టళ్లలో బీఫ్ను (Beef In Hostel)ఆహార మెనూలో చేర్చాలనే విజ్ఞప్తులపై రాజకీయ దుమారం రేగుతోంది.
- Published By: V Santhosh Kumar , Published On : September 23, 2026 / 02:52 PM IST
Tamil nadu Government having the proposal to include beef in hostel menu.
Beef In Hostel: తమిళనాడులోని ప్రభుత్వ సంక్షేమ హాస్టళ్లలో మటన్కు బదులుగా బీఫ్ను ఆహార మెనూలో చేర్చాలనే విజ్ఞప్తులపై తీవ్ర స్థాయిలో రాజకీయ దుమారం రేగుతోంది. హాస్టళ్లలో ఉండే విద్యార్థుల నుంచి వచ్చిన విజ్ఞప్తుల మేరకు బీఫ్ను మెనూలో చేర్చే ప్రతిపాదనను పరిశీలిస్తున్నట్లు వార్తలు రావడంతో ప్రతిపక్షాలు, పలు రాజకీయ వర్గాల నుంచి తీవ్ర నిరసనలు వ్యక్తమవుతున్నాయి. ఈ వివాదం రోజురోజుకూ ముదరడంతో స్పందించిన రాష్ట్ర ప్రభుత్వం, సంబంధిత శాఖ మంత్రి దీనిపై స్పష్టత ఇచ్చే ప్రయత్నం చేశారు.
Banks Open Sunday: ఆదివారం తెరుచుకోనున్న బ్యాంకులు.. కేంద్రం, ఆర్బీఐ కీలక నిర్ణయం
విద్యార్థుల విజ్ఞప్తులపై సమీక్ష.. ఇంకా తుది నిర్ణయం తీసుకోలేదు:
సభ్యుల అభిప్రాయాల మేరకు మెనూలో మార్పులు చేయడంపై విద్యార్థుల నుంచి వచ్చిన అభ్యర్థనలను ప్రభుత్వం సాధారణంగానే స్వీకరిస్తుందని, అయితే బీఫ్ను (Beef In Hostel)చేర్చడంపై ఎలాంటి తుది నిర్ణయం తీసుకోలేదని మంత్రి స్పష్టం చేశారు. విద్యార్థుల వివిధ రకాల ఆహార అలవాట్లు, ఆకాంక్షలను పరిగణనలోకి తీసుకునే క్రమంలోనే ఈ ప్రతిపాదన వచ్చిందని, అయితే అన్ని వర్గాల భావోద్వేగాలు, రాజకీయ కోణాలను పరిశీలించిన తర్వాతే ఎలాంటి అడుగు అయినా వేస్తామని అధికార వర్గాలు వెల్లడించాయి.
