IND vs WI : భారత్ వ‌ర్సెస్ వెస్టిండీస్ టీ20 సిరీస్.. సోనీలో రాదు.. ఎక్క‌డ చూడొచ్చొ తెలుసా?
భారత్, వెస్టిండీస్ జట్ల మధ్య (IND vs WI) మంగళవారం నుంచి ఐదు మ్యాచ్‌ల టీ20 సిరీస్ ప్రారంభం కానుంది.
- Published By: Thota Vamshi Kumar , Published On : October 5, 2026 / 10:46 PM IST
IND vs WI T20 Series Starts From October 6th Do You Know Where To Watch
IND vs WI : వెస్టిండీస్‌తో జ‌రిగిన మూడు మ్యాచ్‌ల వ‌న్డే సిరీస్‌ను భారత్ 2-1 తేడాతో గెలుచుకుంది. ఇక మంగళవారం (అక్టోబ‌ర్ 6) నుంచి ఇరు జట్ల మధ్య ఐదు మ్యాచ్‌ల టీ20 సిరీస్ ప్రారంభం కానుంది. తొలి టీ20 మ్యాచ్‌కు ల‌క్నోలోని ఎకానా స్టేడియం ఆతిథ్యం ఇవ్వ‌నుంది.
ఇటీవ‌ల ఆసియా క్రీడ‌ల్లో స్వ‌ర్ణ ప‌త‌కం సాధించిన మంచి జోష్‌లో ఉంది శ్రేయ‌స్ అయ్యర్ సార‌థ్యంలోని టీమ్ఇండియా. ఆఖ‌రి వ‌న్డేలో విజ‌యం ఇచ్చిన జోష్‌లో వెస్టిండీస్‌లో బ‌రిలోకి దిగుతోంది. ఈ క్ర‌మంలో తొలి టీ20 మ్యాచ్‌లో గెలిచి ఐదు మ్యాచ్‌ల సిరీస్‌లో ఘ‌నంగా బోణీ కొట్టాల‌ని ఇరు జ‌ట్లు భావిస్తున్నాయి.
భారత్, వెస్టిండీస్ టీ20 సిరీస్ షెడ్యూల్ ఇదే..
తొలి టీ20 మ్యాచ్ – అక్టోబ‌ర్ 6న (ల‌క్నో)
రెండో టీ20 మ్యాచ్ – అక్టోబ‌ర్ 9న (రాంచీ)
మూడో టీ20 మ్యాచ్ – అక్టోబ‌ర్ 11న (ఇండోర్‌)
నాలుగో టీ20 మ్యాచ్ – అక్టోబ‌ర్ 14న (హైద‌రాబాద్‌)
ఐదో టీ20 మ్యాచ్ – అక్టోబ‌ర్ 17న (బెంగ‌ళూరు)
ఈ ఐదు మ్యాచ్‌లు కూడా భార‌త కాల‌మానం ప్ర‌కారం రాత్రి 7 గంట‌ల‌కు ప్రారంభం అవుతాయి. మ్యాచ్‌కు అరగంట ముందు అంటే సాయంత్రం 6.30 గంట‌ల‌కు టాస్ వేస్తారు.
వెస్టిండీస్‌తో టీ20 సిరీస్ కోసం భార‌త జ‌ట్టు ఇదే..
శ్రేయాస్ అయ్యర్ (కెప్టెన్‌), తిలక్ వర్మ (వైస్ కెప్టెన్‌), అభిషేక్ శర్మ, వైభవ్ సూర్యవంశీ, ఇషాన్ కిషన్ (వికెట్ కీప‌ర్‌), సంజు శాంసన్ (వికెట్ కీప‌ర్‌), శివమ్ దూబే, కుల్దీప్ యాదవ్, అక్షర్ పటేల్, రవి బిష్ణోయ్, నితీష్ కుమార్ రెడ్డి, అర్ష్‌దీప్ సింగ్, ప్రిన్స్ యాదవ్, మయాంక్ యాదవ్, న‌మ‌న్ ధీర్.
భారత్‌తో టీ20 సిరీస్ కోసం వెస్టిండీస్ జ‌ట్టు ఇదే..
షై హోప్ (కెప్టెన్‌), జ్యువెల్ ఆండ్రూ, రోస్టన్ చేజ్, మాథ్యూ ఫోర్డ్, షిమ్రాన్ హెట్మెయర్, అకేల్ హోసేన్, షమర్ జోసెఫ్, గుడాకేష్ మోటీ, కీమో పాల్, కమిల్ పూరన్, రోవ్‌మాన్ పావెల్, షెర్ఫేన్ రూథర్‌ఫోర్డ్, క్వెంటిన్ సాంప్సన్, రొమారియో షెప‌ర్డ్‌, షమర్ స్ప్రింగర్.
ఈ సిరీస్‌ను ఎక్క‌డ చూడొచ్చంటే?
భారత్, వెస్టిండీస్ వ‌న్డే సిరీస్ ప్ర‌సార హ‌క్కుల‌ను స్టార్ స్పోర్ట్స్ నెట్‌వ‌ర్క్ క‌లిగి ఉంది. కాబ‌ట్టి టీవీల్లో మ్యాచ్‌లు స్టార్ స్పోర్ట్స్ ఛాన‌ల్ల‌లో ప్ర‌త్య‌క్ష‌ప్ర‌సారం కానున్నాయి. ఇక ఓటీటీ విష‌యానికి వ‌స్తే.. జియో హాట్‌స్టార్‌లో స్ట్రీమింగ్ కానున్నాయి.
