Rashid Khan : చరిత్ర సృష్టించిన రషీద్ ఖాన్.. టీ20 క్రికెట్లో ఏకైక బౌలర్..
అఫ్గానిస్థాన్ స్టార్ స్పిన్నర్ రషీద్ ఖాన్ (Rashid Khan) అరుదైన ఘనత సాధించాడు.
- Published By: Thota Vamshi Kumar ,Published On : February 16, 2026 / 01:05 PM IST
Rashid Khan becomes the first player to reach the milestone of 700 T20 wickets
Rashid Khan : అఫ్గానిస్థాన్ స్టార్ స్పిన్నర్ రషీద్ ఖాన్ అరుదైన ఘనత సాధించాడు. టీ20 క్రికెట్లో 700 వికెట్ల మైలురాయిని చేరుకున్నాడు. ఈ ఘనత సాధించిన తొలి క్రికెటర్గా చరిత్ర సృష్టించాడు. టీ20 ప్రపంచకప్లో భాగంగా ఢిల్లీలోని అరుణ్ జైట్లీ స్టేడియంలో యూఏఈతో మ్యాచ్లో ఓ వికెట్ పడగొట్టడం ద్వారా రషీద్ ఈ ఘనత అందుకున్నాడు. కాగా.. టీ20 క్రికెట్లో అత్యధిక వికెట్లు తీసిన వీరుడిగా రషీద్ ఖాన్ కొనసాగుతున్నాడు.
𝐑𝐄𝐂𝐎𝐑𝐃 𝐀𝐋𝐄𝐑𝐓! 🚨
𝐑𝐚𝐬𝐡𝐢𝐝 𝐊𝐡𝐚𝐧 𝐂𝐨𝐦𝐩𝐥𝐞𝐭𝐞𝐬 𝟕𝟎𝟎 𝐓𝟐𝟎 𝐰𝐢𝐜𝐤𝐞𝐭𝐬! 👑
Afghanistan’s cricketing icon, @rashidkhan_19, becomes the first player in T20 history to reach the remarkable milestone of 700 wickets. 🚩👏#AfghanAtalan | #T20WorldCup pic.twitter.com/xeec05wOiM
— Afghanistan Cricket Board (@ACBofficials) February 16, 2026
యూఏఈతో మ్యాచ్కు ముందు రషీద్ ఖాన్ 699 వికెట్లు పడగొట్టాడు. యూఏఈతో మ్యాచ్లో అతడు ముహమ్మద్ అర్ఫాన్ ను ఎల్భీడబ్ల్యూగా ఔట్ చేయడం ద్వారా అతడు 700 వికెట్ల క్లబ్లో అడుగుపెట్టాడు. 512 ఇన్నింగ్స్ల్లో అతడు ఈ మైలురాయిని చేరుకున్నాడు.
టీ20 క్రికెట్ అత్యధిక వికెట్లు తీసింది వీరే..
* రషీద్ ఖాన్ – 517 మ్యాచ్ల్లో 700* వికెట్లు
* డ్వేన్ బ్రావో – 582 మ్యాచ్ల్లో 631 వికెట్లు
* సునీల్ నరైన్ – 583 మ్యాచ్ల్లో 613 వికెట్లు
* ఇమ్రాన్ తాహిర్ – 448 మ్యాచ్ల్లో 572 వికెట్లు
* ఆండ్రీ రస్సెల్ – 590 మ్యాచ్ల్లో 508 వికెట్లు
* షకీబ్ అల్ హసన్ – 470 మ్యాచ్ల్లో 507 వికెట్లు
