Abhishek Sharma : అభిషేక్ శ‌ర్మ ఊచ‌కోత‌.. అదేం కొట్టుడు సామీ.. 14 ఫోర్లు, 8 సిక్స‌ర్లు.. ష‌మీ బ‌లి..

టీమ్ఇండియా స్టార్ ఆట‌గాడు అభిషేక్ శ‌ర్మ (Abhishek Sharma) ద‌క్షిణాఫ్రికాతో టీ20 సిరీస్‌కు ముందు సూప‌ర్ ఫామ్‌లోకి వ‌చ్చాడు.

Abhishek Sharma : అభిషేక్ శ‌ర్మ ఊచ‌కోత‌.. అదేం కొట్టుడు సామీ.. 14 ఫోర్లు, 8 సిక్స‌ర్లు.. ష‌మీ బ‌లి..

Syed Mushtaq Ali Trophy Elite 2025 Bengal vs Punjab Abhishek Sharma On Fire 32 ball century

Updated On : November 30, 2025 / 11:58 AM IST

Abhishek Sharma : టీమ్ఇండియా స్టార్ ఆట‌గాడు అభిషేక్ శ‌ర్మ ద‌క్షిణాఫ్రికాతో టీ20 సిరీస్‌కు ముందు సూప‌ర్ ఫామ్‌లోకి వ‌చ్చాడు. దేశ‌వాళీ టోర్నీ స‌య్య‌ద్ ముస్తాక్ అలీ ట్రోఫీలో పంజాబ్ త‌రుపున ఆడుతున్న అభిషేక్ శ‌ర్మ బెంగాల్‌తో మ్యాచ్‌లో ఆకాశ‌మే హ‌ద్దుగా చెల‌రేగాడు. బంతి ప‌డ‌డ‌మే ఆల‌స్యం బౌండ‌రీయే ల‌క్ష్యంగా బ్యాటింగ్ చేశాడు. ఈ క్ర‌మంలో 32 బంతుల్లోనే సెంచ‌రీ చేశాడు. 150 ప‌రుగుల‌కు రెండు ప‌రుగుల దూరంలో ఔట్ అయ్యాడు.

మొత్తంగా అభిషేక్ శ‌ర్మ(Abhishek Sharma) ఈ మ్యాచ్‌లో 52 బంతుల‌ను ఎదుర్కొన్నాడు. 8 ఫోర్లు, 16 సిక్స‌ర్ల సాయంతో 148 ప‌రుగులు సాధించాడు. అభిషేక్ శ‌ర్మ ఊచ‌కోతతో పాటు ప్ర‌భు సిమ్రన్‌సింగ్ (70; 35 బంతుల్లో 8 ఫోర్లు, 4 సిక్స‌ర్లు) విధ్వంసక‌ర ఇన్నింగ్స్ ఆడ‌గా.. రమణ్‌దీప్‌ సింగ్ (39; 15 బంతుల్లో 2 ఫోర్లు, 4 సిక్స‌ర్లు) మెరుపులు మెరిపించ‌డంతో తొలుత బ్యాటింగ్ చేసిన పంజాబ్ జ‌ట్టు నిర్ణీత 20 ఓవ‌ర్ల‌లో 5 వికెట్ల న‌ష్టానికి 310 ప‌రుగుల భారీ స్కోరు సాధించింది.

IND vs SA : నేటి నుంచే ద‌క్షిణాఫ్రికాతో వ‌న్డే సిరీస్‌.. మ్యాచ్‌ల‌ను ఫ్రీగా ఎక్క‌డ చూడొచ్చొ తెలుసా?

వీరి విధ్వంసానికి బెంగాల్ స్టార్ పేస‌ర్, టీమ్ఇండియా వెట‌ర‌న్ ఆట‌గాడు మ‌హ్మ‌ద్ ష‌మీ నాలుగు ఓవ‌ర్ల‌లోనే 61 ప‌రుగులు స‌మ‌ర్పించుకున్నాడు. ఒక్క వికెట్ మాత్ర‌మే తీశాడు. బెంగాల్ బౌల‌ర్ల‌లో ఆకాశ దీప్ రెండు వికెట్లు ప‌డ‌గొట్టాడు.