బ్లూ టిక్ కావాలా నాయనా..! ఎక్స్ (ట్విటర్) బ్లూ టిక్ మస్త్ చీప్.. సబ్‌స్క్రిప్షన్ రేట్లు తగ్గించిన మస్క్

ఆ తర్వాత ధరలను ఇంతగా సవరించడం ఇదే తొలిసారి.

సోషల్ మీడియా ప్లాట్‌ఫామ్‌ ఎక్స్‌ (ట్విటర్) భారత్‌లో ప్రీమియం సర్వీస్‌ ధరలను 47 శాతం వరకు తగ్గించింది. బేసిక్, ప్రీమియం, ప్రీమియం+కు ఈ ధర తగ్గింపు వర్తిస్తుంది. ఇంటర్నెట్ మార్కెట్‌లో ప్రపంచంలో రెండో స్థానంలో ఉన్న భారత మార్కెట్లో ఎక్స్‌కు మరింత ప్రోత్సహించడమే దీనికి కారణం.

ఇండియాలో 2023 ఫిబ్రవరిలో ట్విటర్‌ బ్లూ పేరుతో ప్రీమియం సర్వీస్‌ ప్రారంభించారు. ఆ తర్వాత ధరలను ఇంతగా సవరించడం ఇదే తొలిసారి. గత ఏడాది ప్రీమియం+ ధరలు రెండుసార్లు పెరిగినా, ఇప్పుడు మాత్రం బేసిక్, ప్రీమియం, ప్రీమియం+కు మూడింటి ధరలను ఒకేసారి తగ్గించారు.

ధరలు (వెబ్ వర్షన్‌లో)

• బేసిక్: నెలకు రూ.170. ఏడాదికి రూ.1,700 (గతంలో రూ.244/నెల, రూ.2,591/సంవత్సరం)
• ప్రీమియం: నెలకు రూ.427, సంవత్సరానికి రూ.4,272 (గతంలో రూ.650/నెల, రూ.6,800/సంవత్సరం)
• ప్రీమియం+: నెలకు రూ.2,570, సంవత్సరానికి రూ.26,400 (గతంలో రూ.3,470/నెల, రూ.34,340/సంవత్సరం)

మొబైల్‌ యాప్‌లలో
గూగుల్, యాపిల్ కమిషన్ల కారణంగా మొబైల్‌ యాప్‌లలో ధరలు కాస్త ఎక్కువగానే ఉన్నాయి..

• ప్రీమియం ప్లాన్ ప్రస్తుతం మొబైల్ యాప్‌లో రూ.470/నెల (అంతకుముందు రూ.900/నెల).
• ప్రీమియం+ ప్లాన్ మొబైల్‌లో రూ.3,000/నెల (అంతకుముందు రూ.5,130/నెల).
• iOS (ఆపిల్ డివైస్‌లు)లో ప్రత్యేకంగా ప్రీమియం+ ధర రూ.5,000/నెల.
• బేసిక్ ప్లాన్ మాత్రం వెబ్, మొబైల్ రెండింటిలో రూ.170/నెల గానే ఉంది.

ప్రతి టియర్‌లో పొందే ఫీచర్లు

• బేసిక్: పోస్ట్ ఎడిట్, పెద్ద వీడియోలు, రిప్లై ప్రాధాన్యం, ఫార్మాటింగ్
• ప్రీమియం: ఎక్స్‌ ప్రో, అనలిటిక్స్, తక్కువ యాడక్స్‌, బ్లూ టిక్, Grok AI లిమిట్లు ఎక్కువ
• ప్రీమియం+: యాడ్స్‌ ఫ్రీ ఎక్స్‌పీరియన్స్, లాంగ్ ఆర్టికల్స్, రియల్‌టైమ్ ‘Radar’ ట్రెండ్స్ యాక్సెస్

ఎక్స్‌ యజమాని ఎలాన్ మస్క్ సబ్‌స్క్రిప్షన్ ఆదాయాన్ని పెంచుకోవాలని యత్నిస్తున్నా, 2024 డిసెంబర్ నాటికి మొబైల్ ప్లాట్‌ఫామ్‌లలో ఇన్ అప్ కొనుగోళ్ల ద్వారా వచ్చిన ఆదాయం కేవలం $16.5 మిలియన్ మాత్రమే(Appfigures గణాంకాల ప్రకారం).