Google Pixel 10 : పిక్సెల్ ఫ్యాన్స్‌కు పండగే.. శాటిలైట్ ద్వారా వాట్సాప్ కాల్స్ చేయొచ్చు.. మొబైల్ సిగ్నల్‌తో పనిలేదిక.. ప్రపంచంలోనే ఫస్ట్ ఫీచర్..!

Google Pixel 10 : మీ దగ్గర పిక్సెల్ 10 ఫోన్ ఉంటే చాలు.. మొబైల్ నెట్ వర్క్ లేని ప్రాంతాల్లో ఈ శాటిలైట్ ఫీచర్ ద్వారా వాట్సాప్ కాల్స్ చేయొచ్చు..

Google Pixel 10

Google Pixel 10 Satellite : గూగుల్ పిక్సెల్ అభిమానులకు అదిరిపోయే వార్త.. మొబైల్ సిగ్నల్ లేని ప్రాంతాల్లో కూడా ఇకపై మీరు వాట్సాప్ కాల్స్  (Google Pixel 10) చేసుకోవచ్చు. ఇదేలా సాధ్యమంటారా? అవును సాధ్యమే.. మీ దగ్గర గూగుల్ పిక్సెల్ 10 ఫోన్ ఉంటే చాలు.. ప్రపంచంలోనే మొట్టమొదటిసారిగా స్మార్ట్‌ఫోన్‌లకు ఈ కొత్త శాటిలైట్ ఫీచర్ గూగుల్ తీసుకువస్తోంది. ఈ ఫీచర్ సాయంతో మొబైల్ కవరేజీ లేని ప్రాంతాల్లో వాట్సాప్ ద్వారా ఈజీగా వాయిస్, వీడియో కాల్స్ చేసుకోవచ్చు.

ఎప్పుడైనా.. ఎక్కడైనా.. శాటిలైట్ కాలింగ్ :
ప్రస్తుతం స్మార్ట్‌ఫోన్‌లలో శాటిలైట్ కనెక్టివిటీతో SOS అలర్ట్స్, ప్రైమరీ లొకేషన్ షేరింగ్ మాత్రమే వీలుంది. కానీ, గూగుల్ అందించే ఈ కొత్త శాటిలైట్ ఫీచర్ మొబైల్ సిగ్నల్, వై-ఫై ఇంటర్నెట్ సర్వీసు లేకున్నా కూడా ఈజీగా వాట్సాప్ కాల్స్ చేసుకోవచ్చు. ఆగస్టు 28 నుంచి ఫీచర్ అందుబాటులోకి రానుంది. ఈ ఫీచర్ సపోర్టు చేసే ప్రాంతాల్లోని పిక్సెల్ 10 యూజర్లు శాటిలైట్ లింక్ ఉపయోగించి వాట్సాప్ ఆడియో, వీడియో కాల్స్ చేయొచ్చు.

Google Pixel 10 : చేతిలో పిక్సెల్ 10 ఉంటే చాలు :

ఉదాహరణకు.. ఎవరైనా మారుమూల ప్రదేశంలో ట్రెక్కింగ్ చేసినా లేదా గ్రామీణ ప్రాంతాల్లో Wi-Fi లేదా మొబైల్ కనెక్షన్ లేని ప్రాంతంలో చిక్కుకుపోయినా మీ దగ్గర పిక్సెల్ 10 ఫోన్ ఉంటే చాలు.. మీరు ఎక్కడ ఉన్నారో ఈజీగా వాట్సాప్ ద్వారా తెలియజేయొచ్చు. ఈ శాటిలైట్ ఫీచర్‌కు సంబంధించి గూగుల్ ఒక వీడియో డెమోను పోస్టు చేసింది. పిక్సెల్ 10లో వాట్సాప్ కాల్ చేస్తున్నప్పుడు స్టేటస్ బార్‌లో చిన్నపాటి శాటిలైట్ ఐకాన్ మెరుస్తున్నట్లు కనిపిస్తుంది.

Read Also : September Bank Holidays : సెప్టెంబర్‌లో మీకు బ్యాంకులో పని ఉందా? 15 రోజులు బ్యాంకులు బంద్.. ఏయే రోజుల్లో సెలవులంటే? ఫుల్ లిస్ట్

ఐఫోన్, శాంసంగ్ ఫోన్లకు మించి :
ఇప్పటికే శాటిలైట్ ఫీచర్లను ఆపిల్ తమ ఐఫోన్లలో అందిస్తోంది. కానీ, ప్రస్తుతం ఎమర్జెన్సీ మెసేజ్ కోసం మాత్రమే శాటిలైట్ ఉపయోగిస్తాయి. శాంసంగ్ గెలాక్సీ S25 ఫోన్ శాటిలైట్ ద్వారా పరిమితంగానే మెసేజ్ పంపే అవకాశం ఉంది. ఇప్పుడు గూగుల్ పిక్సెల్ 10 ఫోన్ ద్వారా అత్యవసర పరిస్థితుల్లోనే కాకుండా రోజువారీ చాటింగ్ కోసం కూడా రియల్ శాటిలైట్ నెట్‌వర్క్ ద్వారా వాట్సాప్‌లో వాయిస్, వీడియో కాల్స్ రెండింటినీ అందిస్తుంది. ఇప్పటివరకూ ఏ స్మార్ట్ ఫోన్ బ్రాండ్ ఈ తరహా శాటిలైట్ సర్వీసును అందించలేదు.

ముందుగా అమెరికాలో.. భవిష్యత్తులో భారత్ :
గూగుల్ అందించే ఈ శాటిలైట్ సర్వీసు ఫీచర్ కొన్ని క్యారియర్‌లతో మాత్రమే సపోర్టు చేస్తుంది. ముందుగా అమెరికాలో ఈ సర్వీసు అందుబాటులోకి రానుంది. భవిష్యత్తులో భారత్ సహా ఇతర దేశాల్లో వచ్చే అవకాశం ఉంది. శాటిలైట్ కాల్‌లకు అదనపు ఛార్జీలు వర్తించవచ్చు. ప్రస్తుతానికి, శాటిలైట్ ద్వారా వాట్సాప్ మెసేజ్ పంపేందుకు సపోర్టు లేదు. అయితే, అమెరికాలోని పిక్సెల్ కస్టమర్ల కోసం T-Mobileతో గూగుల్ భాగస్వామ్యాన్ని కుదుర్చుకుంది.

ఈ అప్‌గ్రేడ్ పిక్సెల్ 10లో శాటిలైట్ ఫీచర్లలో ఒకటి. వాట్సాప్ కాలింగ్‌తో పాటు, గూగుల్ లైవ్ లొకేషన్ షేరింగ్, అత్యవసర SOS సిస్టమ్ శాటిలైట్ ద్వారానే అందుబాటులోకి తెచ్చింది. పిక్సెల్ వాచ్ 4 LTE కూడా ఇదే సర్వీసు కలిగి ఉంది. వినియోగదారులు శాటిలైట్ కనెక్టివిటీని ఉపయోగించి అత్యవసర సేవలను పొందవచ్చు. ఇలాంటి ఫీచర్ అందించిన ఫస్ట్ వేరబుల్ డివైజ్‌గా నిలిచింది.

శాటిలైట్ కాల్స్ ఫుల్ ప్రైవసీ :
వాట్సాప్ అన్ని శాటిలైట్ కాల్స్ ఎండ్-టు-ఎండ్ ఎన్‌క్రిప్ట్ అయి ఉంటాయని నిర్ధారించింది. యాప్‌లోని ఏదైనా సాధారణ ఇంటర్నెట్ కాల్ మాదిరిగానే ప్రైవసీని అందిస్తుంది. అదనపు రుసుములు, పరిమిత క్యారియర్ సపోర్టు ఉంటుంది. మీ ఫోన్‌లో మొబైల్ సిగ్నల్ లేకున్నా త్వరలో పర్వతాలు, ఎడారి లేదా గ్రామీణ ప్రాంతాల్లో శాటిలైట్ ఫీచర్ ద్వారా వాట్సాప్ కాల్స్ చేయవచ్చు.