Samsung Galaxy G Fold : శాంసంగ్ లవర్స్‌కు పండగే.. ట్రిపుల్ ఫోల్డబుల్ ఫోన్ వచ్చేస్తోంది.. ఫీచర్లు మాత్రం కేక.. ధర ఎంతో తెలిస్తే షాకవుతారు..!
Samsung Galaxy G Fold : కొత్త శాంసంగ్ ఫోల్డబుల్ ఫోన్ రాబోతుంది. డబుల్ కాదు.. ట్రిపుల్ ఫోల్డబుల్ ఫోన్.. లాంచ్‌‌కు ముందే ఈ ట్రై ఫోల్డ్ స్మార్ట్‌ఫోన్ ఫీచర్లు, స్పెషిఫికేషన్లు, ధర వివరాలు లీక్ అయ్యాయి.
- Published By: 10TV Digital Team ,Published On : April 30, 2025 / 08:23 PM IST
Samsung Galaxy G Fold
Samsung Galaxy G Fold : శాంసంగ్ అభిమానులకు గుడ్ న్యూస్.. సౌత్ కొరియన్ దిగ్గజం శాంసంగ్ మొట్టమొదటి ట్రై-ఫోల్డ్ ఫోన్‌తో ఫోల్డబుల్ స్మార్ట్‌ఫోన్ లైనప్‌ను విస్తరించేందుకు సన్నాహాలు చేస్తున్నట్లు సమాచారం. శాంసంగ్ తాత్కాలికంగా శాంసంగ్ గెలాక్సీ G ఫోల్డ్ పేరుతో లాంచ్ కానుంది.
ప్రస్తుతానికి అధికారిక వివరాలు వెల్లడించనప్పటికీ, కొత్త లీక్ ప్రకారం.. శాంసంగ్ ఫోల్డబుల్ ఫోన్ త్వరలో లాంచ్ అయ్యే అవకాశం ఉంది. 2026 ప్రారంభంలో ఎంపిక చేసిన మార్కెట్లలో శాంసంగ్ గెలాక్సీ G ఫోల్డ్ అందుబాటులో ఉంటుందని అంచనా. లీక్‌లను పరిశీలిస్తే.. శాంసంగ్ G ఫోల్డ్ డిస్‌ప్లే , సైజు, డిజైన్, ధరతో సహా కొన్ని కీలక స్పెసిఫికేషన్‌లను వెల్లడించాయి.
శాంసంగ్ ట్రై-ఫోల్డ్ లాంచ్ టైమ్‌లైన్, స్పెసిఫికేషన్లు (లీక్) :
ఇటీవలి లీక్‌ల ప్రకారం.. శాంసంగ్ గెలాక్సీ G ఫోల్డ్ పూర్తిగా ఓపెన్ చేసినప్పుడు 9.9-అంగుళాల డిస్‌ప్లేతో రావచ్చు. ఈ హ్యాండ్‌సెట్ డ్యూయల్ ఇన్నర్-ఫోల్డింగ్ మెకానిజంను కలిగి ఉంది. మెరుగైన మన్నిక కోసం డిస్‌ప్లే రెండు వైపులా లోపలికి ఫోల్డ్ అవుతుంది. ఇంకా, ఈ శాంసంగ్ ఫోన్ 23W, 24W మధ్య వేగంతో ఛార్జింగ్ సపోర్టు అందిస్తుంది.
శాంసంగ్ ట్రై ఫోల్డ్ ధర 3 రెట్లు (అంచనా) :
శాంసంగ్ గెలాక్సీ G ఫోల్డ్ భారీ ధర ట్యాగ్‌తో వస్తుందని ఊహిస్తున్నారు. హువావే మేట్ XT లాంచ్ ధర దాదాపు 2,800 డాలర్లు (దాదాపు రూ. 2,38,345)కు సమానమైన ధరతో వచ్చే అవకాశం ఉంది.
శాంసంగ్ ట్రై-ఫోల్డ్ హ్యాండ్‌సెట్ హువావే మేట్ XT అల్టిమేట్‌కు పోటీగా ఉంటుందని చెబుతున్నారు. శాంసంగ్ ట్రై-ఫోల్డ్ డిస్‌ప్లేను కలిగిన మొదటి స్మార్ట్‌ఫోన్. రెండోది పూర్తిగా ఫోల్డ్ ఓపెన్ చేసినప్పుడు 10.2-అంగుళాల లోపలి ఫోల్డబుల్ డిస్‌ప్లేను కలిగి ఉంటుంది.
6.4-అంగుళాల కవర్ స్క్రీన్‌తో ఎక్స్‌ట్రనల్ ఫోల్డబుల్ మెకానిజంను కలిగి ఉంటుంది. ఈ హ్యాండ్‌సెట్ 5,600mAh బ్యాటరీతో వస్తుంది. 66W వైర్డు ఫాస్ట్ ఛార్జింగ్, 50W వైర్‌లెస్ ఛార్జింగ్‌కు సపోర్టు ఇస్తుంది. ఈ స్మార్ట్‌ఫోన్ మొదట సెప్టెంబర్ 2024లో చైనాలో లాంచ్ అయింది. ఇతర ఎంపిక చేసిన మార్కెట్లలో కూడా అందుబాటులోకి వచ్చింది.
