Xiaomi 17 Ultra : 200MP కెమెరాతో షావోమీ 17 అల్ట్రా ఆగయా.. ఏఐ ఫీచర్లు అదుర్స్, రూ. 10వేల వరకు బ్యాంకు డిస్కౌంట్లు!
Xiaomi 17 Ultra : షావోమీ 17 అల్ట్రా ఫోన్ వచ్చేసింది. 200MP లెసియా కెమెరాతో అద్భుతమైన ఫీచర్లతో లాంచ్ అయింది. భారత మార్కెట్లో ఈ షావోమీ ఫోన్ ధర ఎంతంటే?
- Published By: Sreehari A ,Published On : March 11, 2026 / 06:10 PM IST
Xiaomi 17 Ultra
- భారత మార్కెట్లోకి షావోమీ 17 అల్ట్రా ఫోన్ వచ్చేసింది
- 200MP టెలిఫొటో కెమెరా, 50MP సెల్ఫీ కెమెరా, 90W ఫాస్ట్ ఛార్జింగ్ సపోర్టు
- క్రెడిట్ కార్డులతో రూ. 10వేల వరకు బ్యాంకు డిస్కౌంట్లు
Xiaomi 17 Ultra : షావోమీ కస్టమర్లకు అదిరిపోయే వార్త. షావోమీ కొత్త ఫ్లాగ్షిప్ స్మార్ట్ఫోన్ షావోమీ అల్ట్రాను లాంచ్ చేసింది. ఈ కొత్త స్మార్ట్ఫోన్లో ఆక్టా-కోర్ స్నాప్డ్రాగన్ 8 ఎలైట్ జెన్ 5 చిప్సెట్ ఉంది. 50MP ప్రైమరీ కెమెరా, 50MP సెల్ఫీ కెమెరాతో వస్తుంది. 90W ఫాస్ట్ ఛార్జింగ్కు సపోర్టుతో 6,000mAh బ్యాటరీని అందిస్తుంది. షావోమీ 17 అల్ట్రా ఫీచర్లు, స్పెసిఫికేషన్లకు సంబంధించి ధర పూర్తి వివరాలపై ఓసారి లుక్కేయండి.
షావోమీ 17 అల్ట్రా ధర ఎంతంటే? :
షావోమీ 17 అల్ట్రా ఫోన్ 16GB,512GB స్టోరేజ్ వేరియంట్ ధర రూ. 1,39,999కు పొందవచ్చు. ఈ ఆఫర్లో ఎస్బీఐ క్రెడిట్ కార్డ్ పేమెంట్లపై రూ. 10వేల వరకు బ్యాంక్ డిస్కౌంట్ అందిస్తుంది. మార్చి 13 నుంచి మార్చి 17 వరకు రూ. 19,999 విలువైన షావోమీ ప్రొఫెషనల్ ఫొటోగ్రఫీ కిట్ ప్రోను ఫ్రీగా పొందవచ్చు. ఈ ఫోన్ మార్చి 18 నుంచి భారత మార్కెట్లో అమెజాన్, షావోమీ ఇండియా ఇండియా ఆన్లైన్ స్టోర్ ద్వారా అమ్మకానికి వస్తుంది. బ్లాక్, వైట్ కలర్ ఆప్షన్లలో లభిస్తుంది.
షావోమీ 17 అల్ట్రా ఫీచర్లు, స్పెసిఫికేషన్లు :
షావోమీ 17 అల్ట్రాలో 6.9-అంగుళాల షావోమీ హైపర్RGB ఓఎల్ఈడీ డిస్ప్లే, 2608×1200 పిక్సెల్ రిజల్యూషన్, 1-120Hz రిఫ్రెష్ రేట్, 300Hz టచ్ శాంప్లింగ్ రేట్, 3500 నిట్స్ బ్రైట్నెస్ ఉన్నాయి. 16GB LPDDR5X, 512GB యూఎఫ్ఎస్ 4.1 స్టోరేజ్తో వస్తుంది. ఆక్టా-కోర్ స్నాప్డ్రాగన్ 8 ఎలైట్ జెన్ 5 చిప్సెట్ ద్వారా పవర్ పొందుతుంది.
కొలతలు 162.9mm పొడవు, 77.6mm వెడల్పు, 8.29mm మందం, 218.4 గ్రాముల బరువు ఉంటుంది. 90W ఫాస్ట్ ఛార్జింగ్కు సపోర్టుతో 6000mAh బ్యాటరీతో అందిస్తుంది. డస్ట్, వాటర్ కోసం IP65+IP66 రేటింగ్ పొందింది. ఆండ్రాయిడ్ 16 ఆధారంగా షావోమీ హైపర్OS 2పై రన్ అవుతుంది.
షావోమీ 17 అల్ట్రాలో ఎఫ్/1.67 అపర్చర్, OIS సపోర్ట్తో 50MP ప్రైమరీ కెమెరా, ఎఫ్/2.39 నుంచి ఎఫ్/2.96 అపర్చర్, OIS సపోర్ట్తో 200MP టెలిఫోటో కెమెరా, ఎఫ్/2.2 అపర్చర్తో 50MP అల్ట్రా-వైడ్ కెమెరా ఉన్నాయి. సెల్ఫీలు, వీడియో కాల్స్ కోసం ఎఫ్/2.2 అపర్చర్తో 50MP ఫ్రంట్ కెమెరా ఉంది. కనెక్టివిటీ విషయానికి వస్తే 5G, Wi-Fi 7, NFC, బ్లూటూత్ 6.0, GPS, USB టైప్-సి పోర్ట్ ఉన్నాయి.
అల్ట్రాసోనిక్ ఇన్-స్క్రీన్ ఫింగర్ ప్రింట్ సెన్సార్, ఏఐ ఫేస్ అన్లాక్ ఉన్నాయి. షావోమీ హైపర్ ఏఐలో ఏఐ రైటింగ్, ఏఐ స్పీచ్ రికగ్నిషన్, ఏఐ ఇంటర్ప్రెటర్, ఏఐ సెర్చ్, ఏఐ డైనమిక్ వాల్పేపర్, ఏఐ క్రియేటివిటీ అసిస్టెంట్ వంటి ఫీచర్లు ఉన్నాయి.
