Shekhar Basha: శేఖర్ బాషాపై పోలీసులకు ఫిర్యాదు చేసిన కొరియోగ్రాఫర్ సృష్టి వర్మ..
Choreographer Srishti Verma: బిగ్ బాస్ ఫేమ్ ఆర్జే శేఖర్ బాషాపై నార్సింగ్ పోలీస్ స్టేషన్ లో మరో కేసు నమోదైంది. కొరియోగ్రాఫర్ సృష్టి వర్మ అతనిపై ఫిర్యాదు చేశారు.
- Published By: 10TV Digital Team ,Published On : February 6, 2025 / 12:01 PM IST
Shekhar Basha
Choreographer Srishti Verma: బిగ్ బాస్ ఫేమ్ ఆర్జే శేఖర్ బాషాపై నార్సింగ్ పోలీస్ స్టేషన్ లో మరో కేసు నమోదైంది. మహిళా కొరియోగ్రాఫర్ సృష్టి వర్మ అతనిపై నార్సింగి పోలీసులకు ఫిర్యాదు చేశారు. జానీ మాస్టర్ కేసులో విచారణ జరుగుతుండగా తన వ్యక్తిగత కాల్స్ రికార్డు లీక్ చేశాడని సృష్టి వర్మ తన ఫిర్యాదులో పేర్కొన్నారు. తన పరువుకు భంగం వాటిళ్లేలా కొన్ని యూట్యూబ్ ఛానెల్స్ లో శేఖర్ బాషా మాట్లాడుతున్నాడని ఫిర్యాదులో పేర్కొన్నారు. ఉద్దేశ పూర్వకంగా, దురుద్దేశంతో ప్రైవేట్ కాల్స్ రికార్డులను లీక్ చేశాడని, శేఖర్ బాషా వ్యక్తిగత మొబైల్ తో పాటు అతని వద్ద ఉండే ఇతర ఎలక్ట్రానిక్ వస్తువులను సీజ్ చేయాలని తన ఫిర్యాదులో సృష్టి వర్మ కోరారు. ఆమె ఫిర్యాదుతో పోలీసులు శేఖర్ బాషాపై బీఎస్ఎన్ యాక్ట్ సెక్షన్79, 67, ఐటీ యాక్ట్ 72 కింద కేసు నమోదు చేశారు.
శేఖర్ బాషాపై హీరో రాజ్ తరుణ్ మాజీ లవర్ లావణ్య కూడా పోలీసులకు ఫిర్యాదు చేశారు. ఇప్పటికే.. మస్తాన్ సాయి డ్రగ్స్ ఇచ్చి అమ్మాయిలను, చాలా మంది మహిళలను మోసం చేశాడని, వాటిని చిత్రీకరించి ఆ వీడియోలతో బ్లాక్ మెయిల్ చేస్తున్నాడంటూ లావణ్య నార్సింగి పోలీసులకు ఫిర్యాదు చేసింది.. ఇందుకు సంబంధించి ఓ హార్డ్ డిస్క్ ని కూడా లావణ్య పోలీసులకు ఇచ్చింది. అయితే, మస్తాన్ సాయిని పోలీసులు అదుపులోకి తీసుకొని విచారిస్తున్నారు. ఇదే సమయంలో బిగ్ బాస్ ఫేమ్ శేఖర్ బాషాపైన కూడా లావణ్య పోలీసులకు ఫిర్యాదు చేసింది.
శేఖర్ బాషా, మస్తాన్ సాయి కలిసి తనను డ్రగ్స్ కేసులో ఇరికించేందుకు ప్రయత్నిస్తున్నారని లావణ్య తన ఫిర్యాదులో పేర్కొంది. తన ఇంట్లో 140 గ్రాముల డ్రగ్స్ పెట్టి నన్ను డ్రగ్స్ కేసులో ఇరికించేందుకు చూస్తున్నారని లావణ్య ఆరోపించింది. ఇందుకు సంబంధించిన ఆడియో ఆధారాలను ఆమె పోలీసులకు సమర్పించింది. దీంతో పోలీసులు ఆమె ఫిర్యాదును స్వీకరించారు. ఇదిలాఉంటే తాజాగా కొరియోగ్రాఫర్ సృష్టి వర్మసైతం నార్సింగి పోలీస్ స్టేషన్ లో శేఖర్ బాషాపై ఫిర్యాదు చేసింది.
